កុមារាម្នាក់ញាុំពងគីង្គក់ពុលស្លាប់

កុមារាម្នាក់ បានហូបពងគីង្គក់ពុលស្លាប់ ក្នុងចំណោមកុមារាកុមារី ៦នាក់ ដែលបាននាំគ្នាចាប់គីង្គក់យកទៅដុតហូប។ ហេតុការណ៍នេះ បានកើតឡើង នៅម៉ោង ០៤៖៣០ ល្ងាចថ្ងៃទី ៣ ខែមីនា ឆ្នាំ ២០២១ នៅក្នុងភូមិត្រពាំងភ្នៅ ឃុំច្រេស ស្រុកតំពង់ត្រឡាច ខេត្តកំពង់ឆ្នាំង។

កុមារាដែលស្លាប់មានឈ្មោះ យឹម បូរ៉ា អាយុ ២ ឆ្នាំ ចំណែកកុមារាកុមារី ៥​ នាក់ទៀត រួមមាន កុមារា ត្រុង វាសនា អាយុ៥ឆ្នាំ កុមារា ឃឹត ពិសិទ្ធ អាយុ៧ឆ្នាំ កុមារា វី សុធារិត អាយុ៧ឆ្នាំ កុមារី សល់ វិនា អាយុ៨ឆ្នាំ និងកុមារី ឃិត ពៅ អាយុ៤ឆ្នាំ។

ប្រភព័ត៌មានពីសមត្ថកិច្ច បានបញ្ជាក់ថា ករណីនេះ បណ្តាលមកពីកុមារទាំងនោះ នាំគ្នាដុតសត្វគីង្គក់ហូប ដោយអាចហូបទាំងពងគីង្គក់ទើបបណ្តាលឲ្យពុលស្លាប់ ខណៈកុមារ ៥ នាក់ទៀតពុំមានអាការៈពុលទំនងដោយសារមិនហូបទាងពងគង្គក់៕

អត្ថប៖ ឈៀងថារិទ្ធ