ព័ត៌មានជាតិ

មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះពិនិត្យស្ពាន និងផ្លូវ រងផលប៉ះពាល់ដោយគ្រោះទឹកជំនន់

បានផុស

២ years មុន

នៅ

ថ្ងៃអង្គារ ២៤ កញ្ញា ២០២៤

ដោយ

មន្ត្រីជាន់ខ្ពស់ នៃក្រសួងអភិវឌ្ឍន៍ជនបទ ចុះពិនិត្យស្ថានភាពស្ពាន និងផ្លូវលំជនបទ ដែលរងផលប៉ះពាល់ដោយគ្រោះទឹកជំនន់ទន្លេមេគង្គខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជ្រុន ថេរ៉ាវ៉ាត រដ្ឋលេខាធិការ និងជាប្រធានគណៈកម្មការត្រួតពិនិត្យ និងវាយតម្លៃ ហៅថា គ.ត.វ និង លោក លឹម អ៊ីវ អនុរដ្ឋលេខាធិការក្រសួងអភិវឌ្ឍន៍ជនបទ អមដំណើរដោយ លោកប្រធានមន្ទីរអភិវឌ្ឍន៍ជនបទខេត្ត និងសហការី បានអញ្ជើញចុះពិនិត្យការដ្ឋានសាងសង់ ស្ពានបេតុង អាមេ ហៅថា ៖ ស្ពានត្រដក់ពង ប្រវែងបណ្ដោយ ៣០ ម៉ែត្រ និងទទឹង ៨ ម៉ែត្រ អនុវត្តដោយ នាយកដ្ឋានផ្លូវលំជនបទ នៃក្រសួងអភិវឌ្ឍន៍ជនបទ ស្ថិតក្នុងឃុំទួលសំបួរ ស្រុកស្ទឹងត្រង់។

ជាមួយនោះ លោករដ្ឋលេខាធិការក្រសួងអភិវឌ្ឍន៍ជនបទ ក៏បានអញ្ជើញទៅពិនិត្យផ្លូវបន្តទៀត ចាប់ពីភូមិព្រែកទក់ ដល់ភូមិវាលបំពង់ ឃុំខ្ពបតាងួន ប្រវែង ១៣ គីឡូ ៤០០ ម៉ែត្រ ដែលរងផលប៉ះពាល់ដោយលិចទឹកជំនន់ទន្លេមេគង្គ គិតមកដល់ថ្ងៃទី ២៤ ខែកញ្ញា ឆ្នាំ ២០២៤ នេះ លិចអស់ជាង ៨០០ ម៉ែត្រ ហើយ។

ទន្ទឹមនេះដែរ លោក ជ្រុន ថេរ៉ាវ៉ាត រដ្ឋលេខាធិការក្រសួងអភិវឌ្ឍន៍ជនបទ ក៏បានណែនាំដល់មន្ត្រីជំនាញ នៃមន្ទីរអភិវឌ្ឍន៍ជនបទខេត្តកំពង់ចាម ត្រូវបន្តតាមដានកម្ពស់ទឹក និងតាមដានជំនន់ទឹកលិចឱ្យបានជាប្រចាំ ដើម្បីធ្វើរបាយការណ៍ផ្ញើជូនថ្នាក់ដឹកនាំក្រសួង ស្នើសុំអន្តរាគមន៍ស្ដារឡើងវិញពីការរងការខូចខាតផ្លូវ ខណៈទឹកស្រកទៅវិញ៕

អត្ថបទ និង រូបភាព ៖ ឡេក ចាន់ពេជ្រ