ព័ត៌មានជាតិ

នគរបាលជាង ៧០០ នាក់ ដាក់ពង្រាយតាមមណ្ឌលប្រឡងបាក់ឌុប ក្នុងភូមិសាស្ត្ររាជធានីភ្នំពេញ

បានផុស

២ years មុន

នៅ

ថ្ងៃអង្គារ ៨ តុលា ២០២៤

ដោយ

កម្លាំងសមត្ថកិច្ចប្រមាណ ៧០០ នាក់ ត្រូវបានដាក់ពង្រាយនៅតាមទីតាំងមណ្ឌលប្រឡងសញ្ញាបត្រទុតិយភូមិ ឬ បាក់ឌុប ក្នុងភូមិសាស្ត្ររាជធានីភ្នំពេញ សម្រាប់សម័យប្រឡងដែលប្រព្រឹត្តទៅនាព្រឹកថ្ងៃទី ០៨ និង ០៩ ខែតុលា ឆ្នាំ ២០២៤ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោមការដឹកនាំបញ្ជាដោយផ្ទាល់ពី លោកឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ និងដោយអនុវត្តទៅតាមផែនការរបស់ អគ្គស្នងការដ្ឋាននគរបាលជាតិ និងរដ្ឋបាលរាជធានីភ្នំពេញ ដែលបានដាក់ចេញនូវកិច្ចការងារថែរក្សា សន្តិសុខ សណ្ដាប់ធ្នាប់ របៀបរៀបរយនានា ក្នុងពេលប្រឡងសញ្ញាបត្រមធ្យមសិក្សាទុតិយភូមិ ឬ បាក់ឌុប ឆ្នាំ ២០២៤ នេះ ដែលប្រព្រឹត្តទៅនៅថ្ងៃទី ០៨ និង ០៩ ខែតុលា ឆ្នាំ ២០២៤ នេះ មានបេក្ខជនចូលរួមប្រឡងប្រមាណជាង ១៣ ម៉ឺន ៧ ពាន់ ៤០ នាក់ ក្នុងនោះ ស្រីចំនួន ៧ ម៉ឺន ៤ ពាន់ ៨៨២ នាក់ នៅទូទាំងប្រទេស។

កម្លាំងសមត្ថកិច្ចការពារនៅតាមទីតាំងមណ្ឌលប្រឡងទាំង ៣២ និងមាន ១០ មណ្ឌល ដែលត្រូវប្រើប្រាស់កម្លាំង និងមធ្យោបាយសរុបរួមមានទាំងកម្លាំងអន្តរាគមន៍ត្រៀមសម្រាប់មានហេតុការណ៍បាតុភាពមិនប្រក្រតីក្នុងពេលប្រឡង ក៏ដូចជាកម្លាំងចេញថែរក្សាសន្តិសុខសណ្ដាប់ធ្នាប់សម្រួលដោះស្រាយសុវត្ថិភាពចរាចរណ៍ជុំវិញទីតាំងមណ្ឌលប្រឡង ក៏ដូចជាការធ្វើដំណើររបស់បេក្ខជនប្រឡង ក៏ដូចជាមេប្រយោគ លោកគ្រូ អ្នកគ្រូ និងអាណាព្យាបាលមកចាំមើលកូនចៅក្នុងការប្រឡងនេះផងដែរ៕

អត្ថបទ ៖ ម៉េង