ព័ត៌មានជាតិ

អាជ្ញាធរខេត្តកំពង់ចាម ចុះផ្អាកសិប្បកម្មឡដ្ឋ មួយកន្លែងនៅក្នុងស្រុកកងមាស

បានផុស

៥ years មុន

នៅ

ថ្ងៃពុធ ១០ មីនា ២០២១

ដោយ

កំពង់ចាម ៖ អាជ្ញាធរខេត្តកំពង់ចាម ចុះផ្អាកអាជីវកម្ម សិប្បកម្មឡដ្ឋ មួយកន្លែងនៅក្នុងស្រុកកងមាស ដែលរកឃើញបុរសវិជ្ជមានកូវីដ១៩ម្នាក់ និងចុះបាញ់ថ្នាំសម្លាប់មេរោគនៅបរិវេណនោះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីការស្រាវជ្រាវ រកអ្នកពាក់ព័ន្ធនឹងបុរសឈ្មោះ ម៉ី ស៊ីថាន់ អាយុ ២៧ឆ្នាំ មានករណីវិជ្ជមាន កូវីដ-១៩ មកស្នាក់នៅក្នុងសិប្បកម្មឡដ្ឋ មួយកន្លែងនៅភូមិអូរកណ្ដោ ឃុំព្រែកក្របៅ ស្រុកកងមាស ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានចាត់ឲ្យមន្ត្រីសុខាភិបាលចុះបាញ់ថ្នាំសម្លាប់មេរោគនៅបរិវេណដែលបុរសខាងលើបានមកស្នាក់នៅ និងរាយពាត់ដាក់ខ្សែសុវត្ថិភាព ហាមចេញចូលនៅក្នុងបរិវេណនោះ។

ជាមួយគ្នានេះ រដ្ឋបាលខេត្តកំពង់ចាម សម្រេចបិទជាបណ្តោះអាសន្នសិប្បកម្មឡឥដ្ឋ ឯក គឹមធួក និងបានយកអ្នកពាក់ព័ន្ធដោយផ្ទាល់នឹងបុរសនេះមកធ្វើចត្តាឡីស័ក នៅសណ្ឋាគារមេគង្គ។ ចំពោះ អ្នកដែលប៉ះពាល់ដោយប្រយោល ត្រូវបានដាក់ឲ្យធ្វើចត្តាឡីស័កនៅតាមផ្ទះ ដើម្បីតាមដានសុខភាព និងយកសំណាកទៅពិនិត្យ នៅវិទ្យាស្ថានប៉ាស្ទ័រកម្ពុជា៕

ប្រភព ៖ អត្ថបទ លោក ហុង ម៉េងហៀ