ព័ត៌មានជាតិ
កម្ពុជាចាប់ផ្ដើមកំណត់មូលដ្ឋានក្នុងការគ្រប់គ្រង AI ខណៈបច្ចេកវិទ្យាមួយនេះ ផ្ដើមហូរចូល
ក្រសួងប្រៃសណីយ៍ និងទូរគមនាគមន៍ (ក.ប.ទ.) នៅថ្ងៃទី ១៧ ខែតុលា ឆ្នាំ ២០២៤ បានរៀបចំសិក្ខាសាលាពិគ្រោះយោបល់ស្ដីពី «មគ្គុទេសក៍បន្ថែមរបស់អាស៊ានស្ដីពីអភិបាលកិច្ច និងសីលធម៌បញ្ញាសិប្បនិម្មិត (AI) សម្រាប់បញ្ញាសិប្បនិម្មិតបង្កើតមាតិការ»។
សិក្ខាសាលានេះ មានគោលបំណងសម្របសម្រួលជាមួយស្ថាប័នផ្សេងៗ ក្នុងកម្រិតតំបន់ ខណៈប្រទេសអាស៊ានកាលពីឆ្នាំ ២០២៣ បានអនុម័តមគ្គុទេសក៍បន្ថែមរបស់អាស៊ានស្ដីពីអភិបាលកិច្ច និងក្រមសីលធម៌ AI។
លោក សំ សិទ្ធិសេរី អគ្គនាយកនៃអគ្គនាយកដ្ឋានបច្ចេកវិទ្យាគមនាគមន៍ និងព័ត៌មាន មានប្រសាសន៍នៅថ្ងៃទី ១៧ ខែតុលា ឆ្នាំ ២០២៤ នេះថា កម្មវិធី បញ្ញាសិប្បនិម្មិ (AI) នៅកម្ពុជានៅជាដំណាក់កាលដំបូងនៅឡើយ បញ្ហាប្រឈម មិនទាន់អាចនិយាយបាននោះទេ ខណៈក្រសួងប្រៃសណីយ៍ កំពុងសហការជាមួយអង្គការយូនីស្កូ ដើម្បីសិក្សាថា តើបច្ចុប្បន្នស្ថានភាពកម្ពុជានៅទីណាក្នុងការប្រើប្រាស់ AI។
លោក សំ សិទ្ធិសេរី ថ្លែងថា៖ «នៅពេលដែលយើងធ្វើការសិក្សាស្វែងយល់អំពីស្ថានភាពយើងបច្ចុប្បន្នហើយ បានយើងអាចដឹងថា យើងអាចនៅទីណា ហើយយើងនឹងត្រូវធ្វើម៉េច យើងអភិវឌ្ឍ AI ក្នុងស្រុកយើងបែបម៉េចបន្ថែមទៀត ហើយវិធាននេះ នឹងចេញឆាប់ៗ យ៉ាងយូរនៅពាក់កណ្ដាលឆ្នាំ ២០២៥»។
បើតាមលោក លោក សំ សិទ្ធិសេរី៖ «AI គឺជាបច្ចេកវិទ្យាមួយ ដែលជួយសម្រួលការងារយើងច្រើន មានផលប្រយោជន៍ច្រើន កាត់បន្ថយតម្លៃ និងពេលវេលា។ ពីមុនយើងធ្វើការងារ ១០ ម៉ោង ឥលូវយើងអាចធ្វើការងារត្រឹម ១០ នាទី ជាមួយបច្ចេកវិទ្យា AI ដែលអាចជួយសម្រួលបានច្រើន វាអាចជាជំនួយបច្ចេកទេស ឬប្រតិបត្តិការផ្សេងៗ ប៉ុន្តែក៏អាចមាន ហានិភ័យដែរ»។
លោក លោក សំ សិទ្ធិសេរី បន្តថា ក្របខណ្ឌកម្ពុជារបស់ក៏ដូចគ្នា កម្ពុជាទទួលបានផលប្រយោជន៍ច្រើនពីការប្រើប្រាស់ AI ប្រសិនបើយើងអាចចេះប្រើវា ប៉ុន្តែបើយើងមិនចេះប្រើវាទេ វាអាចជះផលអវិជ្ជមានមកវិញ។
លោក លោក សំ សិទ្ធិសេរី បានលើកឧទាហរណ៍សុវត្ថិភាពទិន្នន័យរបស់យើង ប្រសិនបើយើងអត់ចេះការពារខ្លួនយើងពីការគិតគូថា តើយើងត្រូវធ្វើម៉េចការពារទិន្នន័យសំខាន់ៗរបស់យើង ទិន្នន័យណាយើងគួចែករំលែក ទិន្នន័យណាយើងគួរទុក ទុកនៅកន្លែងណា?
លោក លោក សំ សិទ្ធិសេរី បញ្ជាក់ថា ចំណេះដឹងមូលដ្ឋានទាក់ទងនឹងបច្ចេកវិទ្យាឌីជីថល សំខាន់ណាស់ ក្នុងការចាប់យកបច្ចេកវិទ្យា AI យកមកប្រើជាប្រយោជន៍ ហើយបើសិនយើងមានចំណេះដឹងមូលដ្ឋានស្ទើរ វាអាចយើងមានហានិភ័យដល់ខ្លួនយើង៕
អត្ថបទ៖ ឡេង ដេត
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
សន្តិសុខសង្គម៨ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ