ព័ត៌មានជាតិ

អភិបាលខណ្ឌឫស្សីកែវ ប្រើប្រាស់អេស្កាវ៉ាទ័រឈូសឆាយដី សម្អាតផ្លូវ តាមបណ្ដោយផ្លូវជាតិលេខ ៥ ងាយស្រួលពលរដ្ឋធ្វើដំណើរ

បានផុស

២ ខែ មុន

នៅ

ថ្ងៃសុក្រ ១៨ តុលា ២០២៤

ដោយ

រដ្ឋបាលខណ្ឌឫស្សីកែវ បានយកចិត្តទុកដាក់អំពីបញ្ហាសណ្ដាប់ធ្នាប់សាធារណៈ បរិស្ថាន អនាម័យតាមដងផ្លូវសាធារណៈ និងឈូសឆាយដីឲ្យមានរបៀបរៀបរយ ដើម្បីបង្កភាពងាយស្រួលដល់ប្រជាពលរដ្ឋអ្នកធ្វើដំណើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងកាលពីថ្ងៃទី ១៧ ខែតុលា ឆ្នាំ ២០២៤ ម្សិលមិញនេះ លោក ជិន ប៊ុនធឿន អភិបាលខណ្ឌឫស្សីកែវ បានដឹកនាំកម្លាំងគណៈបញ្ជាការឯកភាពរដ្ឋបាលខណ្ឌ ប្រើប្រាស់អេស្កាវ៉ាទ័រឈូសឆាយដីសម្អាតផ្លូវតាមបណ្ដោយផ្លូវជាតិលេខ ៥ ដើម្បីបង្កលក្ខណៈងាយស្រួលដល់ប្រជាពលរដ្ឋធ្វើដំណើរ និងបង្កើនសោភ័ណភាពតាមដងផ្លូវ។

នាឱកាសនោះ លោកអភិបាលខណ្ឌ ក៏បានចុះពិនិត្យទីតាំងដីមួយកន្លែងដែលសង់របងស័ង្កសីខ្វះការប្រុងប្រយ័ត្ន អាចបង្កគ្រោះថ្នាក់ដល់អ្នកដំណើរពេលមានខ្យល់កន្ត្រាក់ខ្លាំង។ លោកអភិបាលខណ្ឌ បានណែនាំដល់ម្ចាស់ទីតាំង ត្រូវសង់របងឲ្យបានរឹងមាំល្អ ធានាសុវត្ថិភាព ជៀសវាងមានបញ្ហាពេលមានគ្រោះថ្នាក់ជាយថាហេតុដល់អ្នកធ្វើដំណើរតាមដងផ្លូវ។

សូមបញ្ជាក់ថា បញ្ហាសណ្ដាប់ធ្នាប់នេះដែរ លោក ឃួង ស្រេង អភិបាលរាជធានីភ្នំពេញ តែងតែក្រើនរំលឹកដល់អាជ្ញាធរតាមមូលដ្ឋានទាំង ១៤ ខណ្ឌ ក្នុងរាជធានីភ្នំពេញ ត្រូវបន្តយកចិត្តទុកដាក់ជាប់ជាប្រចាំ ដើម្បីរំដោះចិញ្ចើមផ្លូវសាធារណៈដែលប្រជាពលរដ្ឋមួយចំនួនតែងតែយកបម្រើផលប្រយោជន៍ផ្ទាល់ខ្លួន មិនគិតពីផលប៉ះពាល់ ជាពិសេសបង្កការកកស្ទះចរាចរណ៍ ឬ បាត់បង់សណ្ដាប់ធ្នាប់ជាដើម៕

អត្ថបទ ៖ ម៉េង