ព័ត៌មានជាតិ

រដ្ឋបាលខណ្ឌបឹងកេងកង ដាក់គ្រឿងចក្រឈូសឆាយជង្ហុកលើផ្លូវ ៣២២ ក្រោយពលរដ្ឋសំណូមពរ

បានផុស

៧ ខែ មុន

នៅ

ថ្ងៃចន្ទ ៤ វិច្ឆិកា ២០២៤

ដោយ

ក្រោយមានសំណូមពរពីប្រជាពលរដ្ឋ ផ្លូវជង្ហុកក្នុងមូលដ្ឋានខណ្ឌបឹងកេងកង ដែលរងការខូចខាត និងមានទឹកដក់លើផ្លូវ កន្លងមក ពេលនេះរដ្ឋបាលខណ្ឌបឹងកេងកង បានដាក់គ្រឿងចក្រធ្វើការឈូសឆាយ ត្រៀមនឹងអ៊ុតកៅស៊ូឡើងវិញ លើផ្លូវលេខ ៣២២ កែងផ្លូវមុនីវង្ស សង្កាត់បឹងកេងកងទី ១ ខណ្ឌបឹងកេងកង រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួររំលឹកផងដែរថា កន្លងមកមានប្រជាពលរដ្ឋរស់នៅក្នុងមូលដ្ឋាន បានរៀបរាប់ពីការលំបាកក្នុងការធ្វើដំណើរ និងបានសំណូមពរទៅកាន់អាជ្ញាធរពីបញ្ហាផ្លូវនេះផងដែរ។ ផ្លូវខាងលើនេះ ចាប់ផ្ដើមខូចខាតកាន់តែខ្លាំងទៅៗ ដោយសារមកពីកត្តារថយន្តដឹកដី រថយន្តក្រឡុកស៊ីម៉ងត៍ជាដើម ដែលបង្កឲ្យកើតមាននូវជង្ហុកសំបុកមាន់កាន់តែច្រើនស្ទើរតែជិះមិនកើតតែម្ដង ខូចខាតប្រវែងប្រហែលជិត ១០០ ម៉ែត្រ។

សូមបញ្ជាក់ថា លោក សុខ សម្បត្តិ អភិបាលខណ្ឌបឹងកេងកង បានប្រាប់ឲ្យដឹងថា ចំពោះកំណាត់ផ្លូវកំពុងរងការខូចខាតនេះ ស្ថិតក្នុងគម្រោងអភិវឌ្ឍន៍សង្កាត់ឆ្នាំ ២០២៤ របស់រដ្ឋបាលខណ្ឌបឹងកេងកង។

លោកអភិបាលបន្តថា ដោយសារតែគម្រោងមានច្រើន ដូច្នេះហើយផ្លូវដែលខូចខាតនេះ អាជ្ញាធរនឹងផ្ដើមការជួសជុលនៅចុងឆ្នាំ ២០២៤ នេះតែម្ដង។

ដោយឡែក លោក ហេង ពិសិដ្ឋ អភិបាលរងខណ្ឌបឹងកេងកង ក៏បានសុំការអធ្យាស្រ័យដល់ប្រជាពលរដ្ឋក្នុងការយឺតយ៉ាវ ដោយសារកន្លងមកមានភ្លៀងធ្លាក់ច្រើនពិបាកជួសជុលឡើងវិញ។ ដូច្នេះហើយ ក្រោយលែងមានធ្លាក់ភ្លៀងបន្ត ដោយនៅពេលនេះ អាជ្ញាធរកំពុងក្រាលគ្រួស ចាក់កៅស៊ូ ជូនប្រជាពលរដ្ឋក្នុងមូលដ្ឋាន ដើម្បីងាយស្រួលក្នុងការធ្វើដំណើរ៕

អត្ថបទ ៖ ម៉េង