ព័ត៌មានជាតិ

គណៈកម្មការផ្សារដើមគរ បានយកចិត្តទុកដាក់ពីបរិស្ថានអនាម័យ ជុំវិញបរិវេណផ្សារជាប់ជាប្រចាំ

បានផុស

៦ ខែ មុន

នៅ

ថ្ងៃសៅរ៍ ២៣ វិច្ឆិកា ២០២៤

ដោយ

ដោយមានការណែនាំពី លោក ឃួង ស្រេង អភិបាល នៃគណៈអភិបាលរាជធានីភ្នំពេញ បានឲ្យគណៈគ្រប់គ្រងផ្សាររដ្ឋទាំងអស់ ក្នុងមូលដ្ឋានរាជធានីភ្នំពេញ យកចិត្តទុកដាក់ពីបញ្ហាការកកស្ទះ បរិស្ថាន អនាម័យ សណ្ដាប់ធ្នាប់ របៀបរៀបរយជាប្រចាំ ដើម្បីសោភ័ណភាពផ្សារ និងសម្រាប់អាជីវករ ឬ អតិថិជនចេញចូលផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ទិត្យ វុទ្ធី ប្រធានគណៈកម្មការផ្សារដើមគរ បានបញ្ជាក់ប្រាប់ឲ្យដឹងថា សន្តិសុខសណ្ដាប់ធ្នាប់ផ្សារដើមគរ បានយកចិត្តទុកដាក់ជាប់ជាប្រចាំពីបញ្ហាបរិស្ថាន អនាម័យ សណ្ដាប់ធ្នាប់ ជាពិសេសក្លិនឆ្អេះឆ្អាបដែលអាជីវករលក់ដូរ។ ដូច្នេះកម្លាំងសន្តិសុខសណ្ដាប់ធ្នាប់ បានរៀបចំបាញ់ទឹកលាងសំអាត ដើម្បីមិនឲ្យមានផលប៉ះពាល់ដល់អាជីវករ ក៏ដូចជាអតិថិជនដែលចេញចូលផ្សារ។

បន្ថែមទៀតនោះ លោកប្រធានផ្សារ បានដឹងបន្តទៀតថា លោកតែងតែចុះសំណេះសំណាលសួរសុខទុក្ខក្រុមអាជីវករលក់ដូរនៅបរិវេណផ្សារ ក៏ដូចជាក្នុងផ្សារ ដើម្បីទទួលយកមតិ និងផលលំបាករបស់អាជីវករលើកឡើងប្រាប់ និងឈានដល់ការដោះស្រាយជូនភ្លាមៗ។ បន្ថែមនោះ សំណេះសំណាលជាមួយអាជីវករលក់តាមកញ្ច្រែងល្អី ឲ្យជួយចូលរួមរក្សាបរិស្ថានអនាម័យ ជាមួយកម្លាំងគណៈកម្មការផ្សារផងដែរ។

ជាចុងក្រោយ លោកប្រធានផ្សារដើមគរ បាសំណូមពរដល់អាជីវករលក់ដូរទាំងអស់នៅផ្សារដើមគរ ឲ្យចូលរួមថែរក្សា បរិស្ថាន អនាម័យ ជាមួយនឹងកម្លាំងសន្តិសុខផ្សារ។ ជាពិសេសនោះឲ្យដាក់តាំងលក់រក្សារបៀបរៀបរយ ទុកផ្លូវដើម្បីឲ្យពលរដ្ឋដែលចេញចូលផ្សារងាយស្រួលក្នុងការធ្វើដំណើរ និងទុកដាក់សំរាមវេចខ្ចប់ដាក់ក្នុងទុកសំរាមឲ្យបានល្អ៕

អត្ថបទ ៖ សុភា