អ្នកឧកញ៉ា សំ សុខនឿន តម្កល់សៀវភៅ«គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ា អចលនទ្រព្យ» នៅបណ្ណាល័យសម្តេចតេជោ ហ៊ុន សែន

អ្នកឧកញ៉ា សំ សុខនឿន ប្រគល់សៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ា អចលនទ្រព្យ» ចំនួន ៥ច្បាប់ ជូនបណ្ណាល័យសម្តេចតេជោ ហ៊ុន សែន ដែលមានទីតាំងស្ថិតនៅក្នុងសាកលវិទ្យាល័យភូមិន្ទភ្នំពេញ តាមរយៈ លោក នៅ វណ្ណា ដែលជាប្រធានបណ្ណាល័យ។

ពិធីប្រគល់-ទទួល បានធ្វើឡើងនារសៀលថ្ងៃចន្ទ ទី២៥ ខែវិច្ឆិកា ឆ្នាំ២០២៤ នៅសាកលវិទ្យាល័យភូមិន្ទភ្នំពេញ។

អ្នកឧកញ៉ា សំ សុខនឿន អះអាងថា ការប្រគល់សំណៅឯកសារពាក់ព័ន្ធនឹងការកសាងគ្រឹះក្នុងវិស័យអចលនទ្រព្យ ដឹកនាំជីវិត និងអាជីវកម្មរបស់របស់លោកដល់បណ្ណាល័យសម្ដេចតេជោ ហ៊ុន សែន គឺដើម្បីតម្កល់ជាប្រយោជន៍ដល់ការសិក្សាជ្រាវរបស់សិស្ស និស្សិត បញ្ញវ័ន សាស្រ្តាចារ្យ និងមហាជន ទុកជាឯកសារបន្ថែម។

សៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ»  របស់​អ្នក​ឧកញ៉ា​បណ្ឌិត សំ សុខនឿន ប្រធាន​ក្រុម​ប្រឹក្សាភិបាល​នៃ​សម្ព័ន្ធ​ក្រុមហ៊ុន SAM SN GROUP បាន​បោះ​ពុម្ពកាល​ពី​អំឡុង​ដើម​ខែ​វិច្ឆិកា កន្លង​ទៅ។

សៀវភៅ «គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ាអចលនទ្រព្យ» ជា​សៀវភៅ​ដែល​សរសេរឡើងជាមួយនឹងខ្លឹមសារចំណេះដឹង​ផ្នែក​អចលនទ្រព្យ។ ​សៀវភៅ​នេះ​ប្រៀបដូចជា​ទុន​សំខាន់ ដែល​អាច​ឲ្យ​មនុស្ស​ម្នាក់​ៗ​ស្វែង​យល់​យ៉ាង​ត្រឹមត្រូវ​លើ​ការ​វិនិយោគ​ផ្សេង​ៗ។

គួរឱ្យដឹងថា បន្ទាប់ពីសៀវភៅនេះត្រូវបានបោះពុម្ពឡើង បុគ្គល​ល្បី​ឈ្មោះ ព្រម​ជាមួយ​ឧកញ៉ា​ដែល​រកស៊ី​ជំនួញ​ធំ​ៗ​ដូច​គ្នាដូចជា ឧកញ៉ា អ៉ឹង លីហួត ដែល​ជា​អ្នក​ជំនួញ​ជោគជ័យ និង​ចាស់​វស្សា​ម្នាក់​នៅ​កម្ពុជា, សេដ្ឋីនីវ័យក្មេង ឡេង ដាវី ប្រធាន​ក្រុមហ៊ុន Rithy Granite Cambodia ដែល​​ជា​កូន​ស្រី​​ឧកញ៉ា ឡេង ឬទ្ធី អគ្គ​នាយកក្រុមហ៊ុន ឡេង ឬទ្ធី គ្រុប,  អ្នកជំនាញ និងអ្នកវិនិយោគក្នុងវិស័យអប់រំ ឧកញ៉ា ជា ដាណា អគ្គនាយកសាលាអន្តរជាតិ Westland International School និងអគ្គនាយកនៃក្រុមហ៊ុន Ritaro D&P Capital,  ​អ្នកឧកញ៉ា គឹម សុខអេង ម្ចាស់បុរី KK The Residence 598 និងបុរី KC ព្រែកព្នៅ   បានចាប់អារម្មណ៍​ជាវសៀវភៅមួយនេះយកទៅអានផងដែរ៕​

ចុចអាន៖ គ្រាន់តែ​សៀវភៅអ្នក​ជំនួញ​ល្បី​ឈ្មោះ​ សំ សុខនឿន ចេញ​ភ្លាម ទទួល​បាន​ការ​គាំទ្រ​ខ្លាំង​ទាំងអ្នក​រក​ស៊ី បុគ្គល​ល្បី​ឈ្មោះ ​និងឧកញ៉ា​រកស៊ី​ជំនួញ​ធំ​ៗ​