សេដ្ឋកិច្ច

អ្នកឧកញ៉ា សំ សុខនឿន ចាក់ដើមទុន ១០ លានដុល្លារ បង្កើតរោងចក្រដំឡើង Tablet ជំនួយដល់ការសិក្សា

បានផុស

៥ ខែ មុន

នៅ

ថ្ងៃពុធ ៤ កុម្ភៈ ២០២៦

ដោយ

អ្នកឧកញ៉ា សំ សុខនឿន ប្រធានក្រុមហ៊ុន KH HAITECH គ្រោងចំណាយដើមទុនវិនិយោគប្រមាណ ១០ លានដុល្លារ បង្កើតរោងចក្រ ដំឡើងឧបករណ៍អេឡិចត្រូនិក (Tablet) សម្រាប់ជំនួយការសិក្សារបស់សិស្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកឧកញ៉ា សំ សុខនឿន មានប្រសាសន៍ថា នៅកម្ពុជាមិនទាន់មានផលិតផល Device នៅឡើយទេ ខណៈក្រុមហ៊ុន KH HAITECH ដែលមានបច្ចេកវិទ្យាអន្តរជាតិបាននាំបច្ចេកវិទ្យានេះចូល ដើម្បីគាំទ្រលើម៉ាកផលិតផលខ្មែរ (យីហោខ្មែរ) ដែលហៅថា K HAITECH ដែលជាយីហោរបស់កូនខ្មែរ ស្ថិតក្រោមក្រុមហ៊ុនខ្មែរ ដែលមានការគាំទ្របច្ចេកវិទ្យាពីក្រុមហ៊ុនហាយអឺគ្រុប។

លោកបណ្ឌិត សំ សុខនឿន បន្ថែមថា៖ «យើងនឹងកសាងយីហោរបស់ខ្មែរ ដែលយើងហៅថា K HAITECH ដែលជាផលិតផលខ្មែរ ដំឡើងគ្រឿងបង្គុំនៅកកម្ពុជា ដែលនឹងចាប់ផ្ដើមនៅឆ្នាំក្រោយ ដោយសារយើងត្រូវការពេលវេលាស្នើសុំបើករោងចក្រ ប្រហែលមួយឆ្នាំ នៅឆ្នាំក្រោយនេះ យើងនឹងប្រើប្រាស់ផលិតផលរោងចក្រយើង មានដូចជា Tablet Device ឬ Laptop ទាក់ទង Device សម្រាប់ក្មេងហ្នឹងគឺ កុមារ ឬសិស្សថ្នាក់អនុវិទ្យាល័យ វិទ្យាល័យ គឺគាត់អាចរៀនតាមបច្ចេកវិទ្យាទំនើបបាន»។

លោកបណ្ឌិត សំ សុខនឿន បញ្ជាក់ថា ឧបករណ៍អេឡិចត្រូនិករបស់ក្រុមហ៊ុន KH HAITECH គ្រោងដំឡើងគ្រឿងបង្គុំចំនួន ១ ម៉ឺនគ្រឿង ដែលនឹងផ្គត់ផ្គង់ដល់ទីផ្សារក្នុងស្រុក និងឈានទៅរកការនាំចេញដែលមានតម្លៃសមរម្យ៕