អ្នកនាំពាក្យ​ក្រសួង​អប់រំ​៖ ​ក្រសួង​បាន​ផ្អាក​គ្រឹះស្ថានសិក្សា​ចំនួន​៤​ពាក់ព័ន្ធ​នឹង​ករណី​រដ្ឋមន្ត្រីការបរទេស​ប្រទេស​ហុង​គ្រី​ – Kampuchea Thmey Daily
Connect with us

ព័ត៌មានជាតិ

អ្នកនាំពាក្យ​ក្រសួង​អប់រំ​៖ ​ក្រសួង​បាន​ផ្អាក​គ្រឹះស្ថានសិក្សា​ចំនួន​៤​ពាក់ព័ន្ធ​នឹង​ករណី​រដ្ឋមន្ត្រីការបរទេស​ប្រទេស​ហុង​គ្រី​

Published

on

លោក រស់ ​សុ​វា​ចា អ្នកនាំពាក្យ​ក្រសួង​អប់រំ​យុវជន​និង​កីឡា​ បាន​ឲ្យ​ដឹង​នៅ​ព្រឹក​ថ្ងៃ​ទី​៦​ វិច្ឆិកា​នេះ​ថា ​ក្រសួង​បានសម្រេច​ផ្អាក​ដំណើរការ​សិក្សា​រយៈពេល​១៤​ថ្ងៃ​ដល់​គ្រឹះស្ថានសិក្សា​ឯកជន​ចំនួន​០៤​ ដោយសារ​គ្រឹះស្ថាន​ទាំងនោះ​មាន​ពាក់ព័ន្ធ​នឹង​ករណី​គណៈប្រតិភូ​នៃ​ប្រទេស​ហុង​គ្រី​​ដែល​មាន​ឆ្លង​ជំងឺ​កូ​វីដ​១៩​។

​​លោក​បាន​បន្ត​ថា​«​គិត​ត្រឹម​យប់​ថ្ងៃទី​០៥ វិច្ឆិកា ២០២០ ក្រសួង​អប់រំ យុវជន និង​កីឡា​បាន​ប្រមូល​ព័ត៌មាន​ពី​គ្រឹះស្ថានសិក្សា ហើយ​បាន​រកឃើញ​ថា មាន​គ្រឹះស្ថានសិក្សា​ឯកជន​ចំនួន​០៤ ពាក់ព័ន្ធ​នឹង​ករណី​គណ​:​ប្រតិភូ​នៃ​ប្រទេស​ហុង​គ្រី​»​។ លោក​បាន​បន្ថែម​ទៀត​ថា ​គណៈ​គ្រប់គ្រង​នៃ​គ្រឹះស្ថានសិក្សា​ទាំងនេះ បាន​ចាត់ចែង​អនុវត្ត​វិធានការ​តាម​ការណែនាំ​របស់​ក្រសួងសុខាភិបាល​យ៉ាង​ខ្ជាប់​ខ្ជាន់ រួច​បាន​ផ្អាក​ដំណើរការ​សិក្សា​ក្នុង​ថ្នាក់រៀន​តាម​ការចាំបាច់ និង​បន្ត​ការសិក្សា​តាម​អន​ឡាញ​រយៈ​ពេល​១៤ថ្ងៃ​។

​លោក​បាន​បញ្ជាក់​ថា ​គ្រឹះស្ថានសិក្សា​ទាំង​៤​ ដែល​មាន​ការពាក់ព័ន្ធ​នោះ​រួមមាន​គ្រឹះស្ថានសិក្សា​ទី​១ មាន​បុគ្គលិក​១​រូប​បាន​ប៉ះពាល់​ជាមួយ​គណៈប្រតិភូ​នៃ​ប្រទេស​ហុង​គ្រី​។​ គ្រឹះស្ថានសិក្សា​ទី​២ មាន​សិស្ស​២​រូប​ ដែល​មាន​មាតាបិតា​បាន​ប៉ះពាល់​ជាមួយ​គណៈប្រតិភូ​នៃ​ប្រទេស​ហុង​គ្រី​។​គ្រឹះស្ថានសិក្សា​ទី​៣ មាន​សិស្ស​២​រូប ដែល​មាន​មាតាបិតា​បាន​ប៉ះពាល់​ជាមួយ​គណៈប្រតិភូ​នៃ​ប្រទេស​ហុង​គ្រី​និ ង​គ្រឹះស្ថានសិក្សា​ទី​៤ មាន​សិស្ស​២​រូប ដែល​មាន​មាតាបិតា​បាន​ប៉ះពាល់​ជាមួយ​គណៈប្រតិភូ​នៃ​ប្រទេស​ហុង​គ្រី​។

​បើ​តាម​ក្រសួងសុខាភិបាល​បាន​ឲ្យ​ដឹង​ថា ​អ្នក​ដែល​ប៉ះពាល់​ជាមួយ​រដ្ឋមន្ត្រីការបរទេស និង​ពាណិជ្ជកម្ម​ប្រទេស​ហុង​គ្រី ចំនួន​២១២​នា​ក់ទៀត​ ទទួល​បាន​លទ្ធផល​ពី​វិទ្យាស្ថាន​ប៉ាស្ទ័រ​កម្ពុជា គឺ​អវិជ្ជមាន​វីរុស​កូ​វីដ​១៩ទាំងអស់គ្នា ​ក្នុង​នោះ​ក៏​មាន​បុគ្គលិក​អប់រំ​និង​សិស្សានុសិស្ស​ផង​ដែរ​។ ​បើ​សរុប​ទាំង​ថ្ងៃ​ទី​៤​ និង​ថ្ងៃ​ទី​៥​ខែ​វិច្ឆិកា ​ចំនួន​សរុប​អ្នក​ប៉ះពាល់​ជាមួយ​រដ្ឋមន្ត្រីការបរទេស​ហុង​គ្រី មាន​ចំនួន​៨៤០​នាក់​មាន​លទ្ធផល​អវិជ្ជមាន​វីរុស​កូ​វីដ​១៩ ទាំងអស់​៕

អត្ថបទ៖ ​សំអឿន

សូមចុចអាន៖ ​រដ្ឋបាល​ស្រុក​សំរោង​កំពុង​សម្រុក​ជួសជុល​​ផ្លូវលំ​ប្រមាណ​៥០​គីឡូម៉ែត្រ​ ដែល​បំផ្លាញ​ដោយ​ទឹកជំនន់​

ចុច Like Facebook កម្ពុជាថ្មី

កីឡា16 mins ago

ខ្លាំង​មែន​! Capitan ផ្ដួល Ramazanov ដើម្បី​ក្លាយជា​ម្ចាស់​ខ្សែក្រវាត់​ពិភពលោក​ថ្មី

ព័ត៌មានជាតិ4 hours ago

លោកជំទាវ​ម៉ែន សំអន បាន​សម្របសម្រួល​បញ្ចប់​វិវាទ​ករណី​សំណង់​ផ្សារ​ទំនើប​សេន​ជូ​រី​ផ្លា​ហ្សា ស្របតាម​វិធីសាស្ត្រ ឈ្នះ ឈ្នះ របស់​សម្តេច​តេ​ជោ ហ៊ុន សែន

ព័ត៌មានជាតិ4 hours ago

ខេត្តស្ទឹងត្រែង​មាន​បញ្ហា​ប្រឈម​ច្រើន ដោយសារតែ​ស្ថានភាព​ព្រំដែន​មាន​សភាព​ស្មុគស្មាញ និង​មិនទាន់​បោះបង្គោល​ព្រំដែន

ព័ត៌មានជាតិ4 hours ago

កម្ពុជា ចិន រៀបចំ​ព្រឹត្តិការណ៍ «​ដំណើរ​ភាពយន្ត​ចល័ត​ចិន​-​កម្ពុជា​ដ៏​ឆ្នើម​លើក​ទី​៥»

ព័ត៌មានជាតិ5 hours ago

ករណី​បាញ់​សម្លាប់​ជនជាតិ​ចិន​កក្រើក​នៅព្រះសីហនុ ​សមត្ថកិច្ច​ឃាត់​ខ្លួន​ជនសង្ស័យ​៣នាក់​

ព័ត៌មានពេញនិយម