ព័ត៌មានជាតិ

ក្រុមហ៊ុន ឌីហ្វ័រនីឈ័រ ផ្តល់អំណោយដល់សាលាខណ្ឌព្រែកព្នៅ និងទីតាំងធ្វើចត្តាឡីស័ក ខណៈកំពុងមានតម្រូវការចាំបាច់

បានផុស

៥ years មុន

នៅ

ថ្ងៃចន្ទ ១៥ មីនា ២០២១

ដោយ

ក្នុងអំឡុងពេលដែលរាជរដ្ឋាភិបាលកំពុងតែមមាញឹកចាត់នូវវិធានការប្រយុទ្ធប្រឆាំង ការពារ ទប់ស្កាត់នឹងជំងឺរាតត្បាតកូវីដ១៩ ដ៏កាចសាហាវកំពុងរីកដុះដាលស្ទើរពេញផ្ទៃប្រទេសកម្ពុជានោះក្រុមហ៊ុន ឌីហ្វ័រនីឈ័រ បានចូលរួមជួយឧបត្ថម្ភអំណោយសម្ភារៈការពារទប់ស្កាត់កូវីដ១៩និងគ្រឿងឧបភោគបរិភោគដល់សាលាខណ្ឌព្រែកព្នៅនិងទីតាំងធ្វើចត្តាឡីស័ក ខណៈកំពុងមានតម្រូវការចាំបាច់នាព្រឹកថ្ងៃទី១៥មិនា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសុខ សម្បត្តិអភិបាលខ័ណ្ឌព្រែកព្នៅបានថ្លែងនូវអំណរអរគុណដ៍ជ្រាលជ្រៅបំផុតដែលសប្បុរសជនក្រុមហ៊ុនឌីហ្វ័រនីឈ័រ ដែលលោកឧកញ៉ា អុឹងលីហេង និងលោកជំទាវ តាំងហ្គិចលៀងជាអគ្គនាយកដែលបានជួយឧបត្ថម្ភអំណោយសប្បុរសធម៏ដល់សាលាខ័ណ្ឌព្រែកព្នៅនិងទីតាំងធ្វើចត្តាឡិីស័កខណៈកំពុងមានតម្រូវការចាំបាច់នោះ ។

លោកអភិបាលខណ្ឌបានថ្លែងបន្តថា នេះជាការលះបង់ខ្ពស់របស់ក្រុមហ៊ុនឌីហ្វ័រនីឈ័រ ដែលបានចូលរួមជាមួយរាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ក្នុងសកម្មភាពប្រយុទ្ធប្រឆាំង ការពារទប់ស្កាត់នឹងជំងឺរាតត្បាតកូវីដ១៩ ដ៏កាចសាហាវកំពុងរីកដុះដាលស្ទើរពេញផ្ទៃប្រទេសកម្ពុជានោះតែម្ដង។ ជាមួយគ្នានោះដែរ លោកឧត្តមសេនីយ៍ សួន ស៊ុន្ធរ៉ា តំណាងសប្បុរសជនដែលមានលោកឧកញ៉ា អ៊ឹង លីហេង និងលោកជំទាវ តាំងហ្គិចលៀងជាអគ្គនាយកក្រុមហ៊ុន ឌីហ្វ័រនីឈ័របានថ្លែងថា ក្រុមហ៊ុនឌីហ្វ័រនីឈ័រ រីករាយបំផុតដែលបានចូលរួមជាមួយរាជរដ្ឋាភិបាលក្នុងការប្រយុទ្ធប្រឆាំង ការពារ ទប់ស្កាត់នឹងជំងឺរាតត្បាតកូវីដ១៩ ដ៏កាចសាហាវកំពុងរីកដុះដាលស្ទើរពេញផ្ទៃប្រទេសកម្ពុជា ហើយក្រុមហ៊ុននឹងបន្តជួយដល់សាលាខណ្ឌបន្ថែមទៀតបើមានតម្រូវការនោះ។

តំណាងអគ្គនាយកក្រុមហ៊ុន ក៏បានសំណូមពរដល់សប្បុរសជនមេត្តាបន្តចូលរួមជាមួយរាជរដ្ឋាភិបាល ក្នុងការប្រយុទ្ធប្រឆាំង ការពារ ទប់ស្កាត់នឹងជំងឺរាតត្បាតជំងឺកូវីដ១៩ ដ៏កាចសាហាវនោះឲ្យកាន់តែផុលផុសថែមទៀត។ អំណោយដែលបានឧបត្ថម្ភជូនដល់សាលាព្រែកព្នៅនាព្រឹក ថ្ងៃទី ១៥មិនា ឆ្នាំ២០២១ រួមមាន៖ សប្បុរសជន ទី១ លោកឧកញ៉ា អ៊ឹង លីហេង និងលោកជំទាវតាំងហ្គិចលៀងអគ្គនាយកក្រុមហ៊ុន ឌីហ្វ័រនីឈ័រ ឧបត្ថម្ភ ទឹកសុទ្ធ១០០កេះ, កង្ហារ៦០គ្រឿង .ម៉ាស ៤ស្រទាប់ ៥កេះ, ម៉ាស់ ស្រាប់ពេទ្យ១កេះ, សាច់ជ្រូកផាត់ចំនួន ៣កេះ អាល់កុល 3កាន។ សប្បុរសជនទី២ ម្ចាស់ហាងFamous salon ឧបត្ថម្ភ ម៉ាស៥កេះ, ទឹកសុទ្ធ១០០ កេះ, ម៉ាស ពេទ្យ២កេះ, មី៦០កេះតូច។ សប្បុរសជនទី៣ លោកMeng cheang ឧបត្ថម្ភទឹកសុទ្ធ ចំនួន ៥០កេះ។ សរុបមកអំណោយរបស់សប្បុរសជនទាំង៣ ដែលបានជួយឧបត្ថម្ភដល់សាលាខណ្ឌព្រែកព្នៅ រួមមានទឹកសុទ្ធ២៥០កេះ មី១០កេះធំ កង្ហារ៦០គ្រឿង សាច់ជ្រូកផាត់៣កេះ ម៉ាស់ ៤ស្រទាប់ ១០កេះ ម៉ាស សម្រាប់គ្រូពេទ្យ ៣កេះ អាល់កុល៣ប៊ីដុង

៕

អត្ថបទ៖ វិមាន

Related Topics:អំណោយ