ព័ត៌មានជាតិ
ក្រុមហ៊ុន Smart Axiata ផ្តល់ការហៅទូរសព្ទក្នុងប្រព័ន្ធឥតគិតថ្លៃ ក្នុងការគាំទ្រការប្រឆាំងកូវីដ១៩ នៅកម្ពុជា
និរន្តភាព និងការទំនាក់ទំនងដ៏រលូនរបស់អតិថិជនទាំងអស់ គឺជាគោលបំណងចម្បងរបស់ក្រុមហ៊ុន Smart គ្រប់ពេលវេលា ជាពិសេសនៅក្នុងអំឡុងពេលបច្ចុប្បន្ន ហើយដើម្បីគាំទ្រកម្ពុជាក្នុងយុទ្ធនាការប្រឆាំងការរាតត្បាតជាសកលនៃវីរុសកូរ៉ូណា ដែលកំពុងកើតមានឡើងក្នុងប្រទេស ក្រុមហ៊ុនបានផ្ដល់ជូនការហៅទូរសព្ទក្នុងប្រព័ន្ធ ឥតគិតថ្លៃរយៈពេល៦០ នាទីដល់អតិថិជនក្រុមហ៊ុន Smart ទាំងអស់ជារៀងរាល់ថ្ងៃ រហូតដល់ចុងខែមីនា។
លោក Thomas Hundt នាយកប្រតិបត្តិក្រុមហ៊ុន Smart Axiata មានប្រសាសន៍ថា “ឥឡូវនេះជាពេលវេលាដ៏សំខាន់ជាងពេលណាៗទាំងអស់ ដែលមនុស្សគ្រប់គ្នាចង់មានភាពស្និទ្ធស្នាលជាមួយមនុស្សជាទីស្រឡាញ់របស់ពួកគេ ជាពិសេសនៅពេលយើងឃ្លាតកាយឆ្ងាយពីគ្នា។ នៅក្រុមហ៊ុន Smart Axiata ពួកយើងយល់ច្បាស់ណាស់នូវសារៈសំខាន់នៃការភ្ជាប់ទំនាក់ទំនងក្នុងជីវិតប្រចាំថ្ងៃរបស់អតិថិជនយើង។ ពួកយើងសង្ឃឹមថា អាចផ្ដល់ភាពងាយស្រួលជាងនេះបន្តិចដោយផ្ដល់ជូនបន្ថែមការហៅទូរស័ព្ទក្នុងប្រព័ន្ធឥតគិតថ្លៃរយៈពេល៦០នាទីជារៀងរាល់ថ្ងៃដល់អតិថិជនប្រើប្រាស់គម្រោងបង់ជាមុន និងគម្រោងបង់ប្រាក់ប្រចាំខែ”។ អតិថិជនអាចទទួលបានការហៅទូរស័ព្ទក្នុងប្រព័ន្ធដោយឥតគិតថ្លៃរយៈពេល៦០ នាទីដោយគ្រាន់តែចុច *២០២១ # ហើយចុចបញ្ចូន។
ក្រុមហ៊ុន Smart ថ្មីៗនេះក៏បានផ្ដល់ជូនទិន្នន័យអ៊ិនធើណេតចំនួន ១GB ឥតគិតថ្លៃ ដល់អតិថិជនទាំងអស់ ដែលបញ្ចូលទឹកប្រាក់ក្នុងគណនីចម្បងយ៉ាងតិចណាស់១ដុល្លារ២៥សេន តាមរយៈកម្មវិធី SmartNas គេហទំព័រ Smart ឫ Zero Balance Portal។ ក្រុមហ៊ុន Smart បានប្រើប្រាស់ធនធាន និងបណ្តាញទូរសព្ទរបស់ខ្លួន ដើម្បីគាំទ្រដល់យុទ្ធនាការប្រឆាំងនឹងវីរុសនេះ ចាប់តាំងពីជំងឺរាតត្បាតសកលបានវាយលុកប្រទេសកម្ពុជាដំបូងមកម្ល៉េះ។
បន្ថែមលើការផ្ដល់ជូនពិសេសសម្រាប់អតិថិជនដូចជា ការហៅទូរស័ព្ទ និងទិន្នន័យអ៊ិនធើណេតឥតគិតថ្លៃ ដើម្បីជំរុញអតិថិជនឲ្យរក្សាគម្លាតសុវត្ថិភាព ក្រុមហ៊ុនបានប្រើប្រាស់បណ្តាញទូរសព្ទរបស់ខ្លួន ដើម្បីគាំទ្រដល់រាជរដ្ឋាភិបាលក្នុងយុទ្ធនាការលើកកម្ពស់ការយល់ដឹងអំពីជំងឺកូវីដ-១៩ ដោយប្រើប្រាស់សារសំឡេង និងសារជាអក្សរផ្ញើជូនអតិថិជនចំនួន៨លាន របស់ខ្លួននៅទូទាំងប្រទេសកម្ពុជា ដើម្បីជំរុញការគោរពនៃវិធានការការពារនានាដែលណែនាំដោយក្រសួងសុខាភិបាល។ ក្រុមហ៊ុនក៏បានឲ្យដឹងផងដែរថា ជំនួយពីមូលនិធិទឹកប្រាក់ ១ លានដុល្លារ ដើម្បីប្រឆាំងជំងឺកូវីដ១៩ របស់ខ្លួននៅបន្តមាននៅឡើយ ដោយមូលនិធិនេះត្រូវបានបង្កើតឡើងកាលពីខែ មីនា ឆ្នាំ២០២០ ដើម្បីគាំទ្រគំនិតផ្ដួចផ្ដើមជួយពលរដ្ឋកម្ពុជា ដោះស្រាយបញ្ហាផ្នែកសុខភាព សង្គម និងសេដ្ឋកិច្ច បង្កឡើងដោយជំងឺរាតត្បាតសកលនេះ។
គម្រោងចំនួន១២ ផ្សេងៗគ្នារួមមាន វិទ្យាសា្ថនប៉ាស្ទ័រកម្ពុជា អង្គការសង្គ្រោះកុមារ (Save the Children) អង្គការមិត្តសំឡាញ់អន្តរជាតិ បានទទួលជំនួយពីមូលនិធិសង្គ្រោះប្រឆាំងកូវីដ ១៩ ហើយក្រុមហ៊ុនកំពុងប្រកាសស្វាគមន៍ការដាក់ពាក្យស្នើសុំថ្មីពីក្រុមហ៊ុន ឬអង្គការនានា ដែលមានគោលបំណងជួយសម្រាប់ផលលំបាក ពលរដ្ឋកម្ពុជាដែលកំពុងប្រឈមបញ្ហានៃជំងឺរាតត្បាតសកល។ ពាក្យស្នើសុំអាចផ្ញើបានតាមអនឡាញ តាមរយៈhttps://bit.ly/3aQsrJV។
សម្រាប់ព័ត៌មានបន្ថែម សូមតាមដានទំព័រហ្វេសប៊ុករបស់ក្រុមហ៊ុន Smart តាមរយៈ www.facebook.com/smartaxiata ឬចូលទៅកាន់គេហទំព័រ www.smart.com.kh៕
ប្រកាសចាកចេញពី Leicester ភ្លាម មានក្លិប ២ កំពុងប្រជែងគ្នាចង់បាន Vardy
សំបុកត្រចៀកកាំកម្ពុជា រំពឹងមានទីផ្សារល្អ បន្ទាប់ពីចិនអនុញ្ញាតឱ្យនាំចូល
ចិន រុស្ស៊ី និងអ៊ីរ៉ង់ បើកកិច្ចពិភាក្សារួមគ្នាជាមួយ IAEA ស្តីពីកម្មវិធីនុយក្លេអ៊ែរក្រុងតេហេរ៉ង់
សិស្សវិទ្យាល័យចាក់សម្លាប់សិស្សគ្នាឯងនៅបារាំង
Facebook ប្រកាសបង្រ្កាបលើមាតិកាបែប Spam និង Engagement ក្លែងក្លាយ
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
បង្រ្កាបទីតាំងហាងយីហោ ត្នោត ផ្អែម ឃាត់ខ្លួនមនុស្សប្រុសស្រីច្រើននាក់ពាក់ព័ន្ធការបង្កប់សេវាកម្មផ្លូវភេទ
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ២១ ម៉ោង agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ១ សប្តាហ៍ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា