ព័ត៌មានជាតិ
ក្រសួងសម្រេចផ្អាកពិធីសាសនានិងកម្មវិធីផ្សេងៗបែបសាសនា ដើម្បីទប់ស្កាត់ការឆ្លងកូវីដទ្រង់ទ្រាយធំ
ភ្នំពេញ ៖ ក្រសួងធម្មការនិងសាសនា បានសម្រេចផ្អាកពិធីសាសនានិងការជួបជុំនិងកម្មវិធីផ្សេងៗបែបសាសនា ដើម្បីបង្ការទប់ស្កាត់ការរីករាលដាលនៃជំងឺកូវីដ១៩ចូលក្នុងសហគមន៍ទ្រង់ទ្រាយធំ។
លោកឈិត សុខុន រដ្ឋមន្ត្រីក្រសួងធម្មការនិងសាសនាបានឲ្យដឹងក្នុងសេចក្តីណែនាំមួយចុះថ្ងៃទី១៧មីនាថា «ការសម្រេចផ្អាកពិធីសាសនានិងការជួបជុំនិងកម្មវិធីផ្សេងៗបែបសាសនានេះដោយសារស្ថានភាពនៃការចម្លងក្នុងសហគមន៍នៃព្រឹត្តិការណ៍សហគមន៍២០កុម្ភៈនៅតែបន្តមិនទាន់ធូរស្រាលនិងដើម្បីនចៀសវាងការឆ្លងរាលដាលជំងឺកូវីដ១៩ចូលទៅក្នុងសហគមន៍ទ្រង់ទ្រាយធំតាមរយៈពិធីសាសនាការជួបជុំនិងកម្មវិធីជួបជុំផ្សេងៗបែបសាសនា»។
លោករដ្ឋមន្ត្រីបានណែនាំដល់ថ្នាក់ដឹកនាំសាសនានិងបណ្ដាលអង្គភាពនានាចំណុះឲ្យក្រសួងទាំងអស់ត្រូវបន្តរឹតបន្តឹងការប្រុងប្រយ័ត្ននិងពង្រឹងការអនុវត្តវិធានការ៣ការពារនិង៣កុំឱ្យបានម៉ឺងម៉ាត់ពិសេសត្រូវរក្សាគម្លាតសុវត្ថិភាពសង្គមឲ្យបានខ្ជាប់ខ្ជួន ត្រូវពាក់ម៉ាស់វាស់កំដៅសម្អាតដៃនឹងសាប៊ូអាកុលឬជែលជាប្រចាំ។
លោករដ្ឋមន្ត្រីបានបន្តថា ក្នុងករណីមានការសង្ស័យសូមទាក់ទងទៅអាជ្ញាធរមូលដ្ឋានដែលនៅជិតបំផុត ឬ ទំនាក់ទំនងលេខទូរសព្ទ១១៥។ ចំណែកគណៈសង្ឃទាំងពីរគណៈនិងថ្នាក់ដឹកនាំគ្រប់សាសនាព្រះមេត្តាមេត្តាផ្ដល់ព័ត៌មានពាក់ព័ន្ធនឹងជំងឺកូវី១៩មកក្រសួងតាមរយៈមន្ទីរធម្មការនិងសាសនាខេត្ត។
ជាមួយគ្នានេះដែរ លោករដ្ឋមន្ត្រីបានបញ្ជាក់ថា ត្រូវអនុវត្តវិធានការច្បាប់ដែលមានជាធរមានចំពោះជនណាដែលបំពានការណែនាំនិងមិនសហការជាមួយនឹងអាជ្ញាធរមូលដ្ឋានក្នុងការងារទប់ស្កាត់ការឆ្លងរាលដាលជំងឺកូវី១៩។
គួរបញ្ជាក់ថា គិតត្រឹមថ្ងៃទី១៧មីនានេះ កម្ពុជាមានអ្នកឆ្លងក្នុងសហគមន៍២០កុម្ភៈចំនួន៩៩០នាក់នៃអ្នកឆ្លងសរុបចំនួន១៥០៥នាក់និងមានអ្នកជាសះស្បើយចំនួន៨៤០នាក់និងអ្នកកំពុងសម្រាកនៅមន្ទីរពេទ្យចំនួន៦៦២នាក់៕
ដោយ ៖ សំអឿន
-
កីឡា១០ ម៉ោង agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ២ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច១ សប្តាហ៍ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៥ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៦ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ១ សប្តាហ៍ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម៦ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ សប្តាហ៍ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ