ព័ត៌មានជាតិ
តំណាងកម្ពុជានៅហ្សឺណែវ គាំទ្រជំហរអាស៊ាន ដែលចង់ឲ្យមានកែលម្អការងាររបស់អ្នកកាន់អាណតិ្ត ជាអ្នករាយការពិសេស
នេះជាការបញ្ជាក់របស់លោក អាន សុខខឿន ឯកអគ្គរាជទូត និងជាតំណាងអចិន្ត្រៃយ៍កម្ពុជាប្រចាំនៅអង្គការសហប្រជាជាតិ នាទីក្រុងហ្សឺណែវ នៅក្នុងបទអន្តរាគមន៏ នាសម័យប្រជុំលើកទី៤៦ នៃក្រុមប្រឹក្សាសិទ្ធិមនុស្ស កាលពីថ្ងៃទី១៧ ខែមីនា ឆ្នាំ២០២១។
លោក អាន សុខខឿន បញ្ជាក់យ៉ាងដូច្នេះថា “គណៈប្រតិភូយើងខ្ញុំសូមចូលរួមគាំទ្រសេចក្តីថ្លែងការណ៍របស់អាស៊ាន ក្នុងការគូសបញ្ជាក់អំពីភាពចាំបាច់ កែលម្អការងាររបស់អ្នកកាន់អាណតិ្តនីតិវិធីពិសេស ដោយផ្តោតលើវិជ្ជាជីវៈ គណនេយ្យភាព និងទំនួលខុសត្រូវ ប្រកបដោយភាពស្មោះត្រង់”។ លោកបន្តថា រយៈពេលជិត៣ទសវត្សរ៍កន្លងមកនេះ កម្ពុជាបានទទួលយកអ្នករាយការណ៍ពិសេសប្រចាំប្រទេសចំនួន៦ រូប ដែលអាណត្តិពួកគាត់ត្រូវបានបន្ត តាមរយៈសេចក្តីសម្រេចចិត្ត អនុម័តដោយកុងសង់ស៊ីស ហើយរាល់សំណើសុំធ្វើទស្សនកិច្ចទៅកាន់ប្រទេសកម្ពុជាក៏ទទួលបានការយល់ព្រមពីរាជរដ្ឋាភិបាលដែរ។ ប្រការទាំងនេះបង្ហាញឱ្យឃើញច្បាស់ពីការចូលរួម ដោយបើកចំហ និងស្ថាបនារបស់កម្ពុជា ជាមួយនឹងយន្តការនេះ។
បើតាមលោក អាន សុខខឿន កិច្ចសហប្រតិបត្តិការ គឺជាដំណើរការទៅវិញទៅមក ដែលអ្នកកាន់អាណតិ្តនីតិវិធីពិសេស ដូចគ្នាដែរ ត្រូវបំពេញតួនាទីរបស់ខ្លួន ប្រកបដោយភាពសត្យានុម័ត មិនលម្អៀង មិនជ្រើសតែមួយជ្រុង និងមិនធ្វើនយោបាយូបនីយកម្ម។
ដើម្បីធ្វើឱ្យកិច្ចសហប្រតិបត្តិការទទួលបានប្រសិទ្ធភាពពិតប្រាកដ អ្នកកាន់អាណតិ្តនីតិវិធីពិសេសគួរអនុវត្ត៣ចំណុច៖
ទី១, បំពេញភារកិច្ចរបស់ខ្លួនដោយប្រកាន់ខ្ជាប់យ៉ាងម៉ឺងម៉ាត់នូវ “ក្រមសីលធម៌” និង ”សៀវភៅណែនាំប្រតិបត្តិការសម្រាប់នីតិវិធីពិសេស” ដែលគូសបញ្ជាក់ពីសារៈសំខាន់នៃ ការប្រមូលព័ត៌មានពិត ចេញពីប្រភពដែលបានផ្ទៀងផ្ទាត់ត្រឹមត្រូវ។ អ្នកកាន់អាណតិ្តនីតិវិធីពិសេស ត្រូវចៀសវាងការសន្មត់ថាមានកំហុសទុកជាមុន និងការប្រញាប់ប្រញាល់ចេញផ្សាយសេចក្តីប្រកាសព័ត៌មាន ដោយពុំបានផ្ទៀងផ្ទាត់ព័ត៌មានឱ្យបានត្រឹមត្រូវ ជាមួយប្រភពរដ្ឋាភិបាល ជាមុន។
ទី២, ជួយដល់រដ្ឋក្នុងវិស័យសិទ្ធិមនុស្ស តាមរយៈកិច្ចសន្ទនានិងកិច្ចសហប្រតិបត្តិការពិតប្រាកដ ដោយត្រូវពិចារណាអំពីបរិបទដោយឡែករបស់ប្រទេសនីមួយៗ និងមិនត្រូវដើរតួជាចៅក្រមកាត់សេចក្ដី នៅពេលធ្វើសេចក្តីរាយការណ៍និងការសន្និដ្ឋានឡើយ។
ទី៣, ផ្តល់ការប្រឹក្សាយោបល់លើកិច្ចសហប្រតិបត្តិការបច្ចេកទេស និងជំនួយកសាងសមត្ថភាព តាមការស្នើសុំរបស់រដ្ឋ ដើម្បីដោះស្រាយឬសគល់នៃបញ្ហាប្រឈម ជាជាងពិនិត្យមើលលើតែអាការៈខាងក្រៅនោះឡើយ៕
កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ