ជប៉ុនសង្ឃឹមពីការរីកចម្រើនថ្មីបន្ថែមទៀតនៃទំនាក់ទំនងជាមួយកម្ពុជា

រដ្ឋមន្ត្រីការបរទេសជប៉ុន​លោក MIYAJI Takawa បានបង្ហាញក្ដីសង្ឃឹមថានឹងឃើញការរីកចម្រើនបន្ថែមទៀតនៃទំនាក់ទំនងកម្ពុជា-ជប៉ុន ក្នុងពេលដែលលោកទទួលស្វាគមន៍ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រីលោក វង្សី វិស្សុត ក្នុងជំនួបមួយកាលពីថ្ងៃទី៤ ខែមករា ឆ្នាំ២០២ នៅទីក្រុងតូក្យូ ប្រទេសជប៉ុន​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងជំនួបនេះភាគីទាំងពីរបានផ្លាសប្ដូរទស្សនៈស្ដីពីកិច្ចសហប្រតិបត្តិការក្រោម វិធីសាស្ត្រកិច្ចសហប្រតិបត្តិការថ្មី និងក្នុងវិស័យសេដ្ឋកិច្ច ព្រមទាំងពង្រឹងនូវការសម្របសម្រួលក្នុងកិច្ចការទ្វេភាគីនិងតំបន់/អន្តរជាតិ ក្រោមភាពជាដៃគូយុទ្ធសាស្ត្រគ្រប់ជ្រុងជ្រោយ ផងដែរ។

លោកឧបនាយករដ្ឋមន្ត្រី វង្ស៊ី វិស្សុត បានថ្លែងថាអំណរគុណចំពោះប្រទេសជប៉ុន និងសង្ឃឹមថាលោកនឹងបានរៀនសូត្រពីចំណេះដឹង បទពិសោធន៍របស់ជប៉ុនក្នុងវិស័យរដ្ឋបាល ឌីជីថល និងសេដ្ឋកិច្ចក្នុងពេលលោក​ធ្វើទស្សនកិច្ចនេះផងដែរ។

កម្ពុជា-ជប៉ុន​ បានលើកកម្រិតដៃគូរយុទ្ធសាស្ត្ររបស់ខ្លួនទៅជា «ដៃគូរយុទ្ធសាស្ត្រគ្រប់ជ្រុងជ្រោយ» ក្នុងខួប៧០ឆ្នាំនៃទំនាក់ទំនងការទូតកាលពីឆ្នាំ២០២៣៕

អត្ថបទដោយ ហ៊ុន សិរីវឌ្ឍន៍