ព័ត៌មានជាតិ
សហគមន៍អេកូទេសចរណ៍តាមដងទន្លេចំនួន ៣ កន្លែងនៅខេត្តក្រចេះ ឆក់យកបេះដូងភ្ញៀវទេសចរទៅកម្សាន្ត
សហគមន៍អេកូទេសចរណ៍កោះទ្រង់ សហគមន៍អេកូទេសចរណ៍កោះព្រហ្មចារីយ៍ និងសហគមន៍អេកូទេសចរណ៍កោះ សាមសិប បាននឹងកំពុងឆក់យកចំណាប់អារម្មណ៍របស់ទេសចរជាតិ និងអន្តរជាតិយ៉ាងគួរជាទីមោទនៈ។ នេះតាមការលើកឡើងរបស់លោក នី ផល្លី រដ្ឋលេខាធិការក្រសួងទេសចរណ៍។
ទី១៖ សហគមន៍អេកូទេសចរណ៍កោះទ្រង់ ជាសហគមន៍មួយដែលមានទីតាំងក្នុងសង្កាត់កោះទ្រង់ ក្រុងក្រចេះ ខេត្តក្រចេះ។
កោះទ្រង់ ត្រូវបានគេស្គាល់ដោយសារតែ “ក្រូចថ្លុង” ដ៏មានឱជារស និងសម្បូរទៅដោយសក្ដានុពលបែបអេកូទេសចរណ៍ជាច្រើន។ សហគមន៍អេកូទេសចរណ៍កោះទ្រង់ មានបម្រើសេវាកម្មមួយចំនួនរួមមាន៖
-សេវាកម្មរទេះគោ/រទេះសេះ
-សេវាកម្មម៉ូតូឌុប/ម៉ូតូកង់បី
-សេវាកម្មផ្ទះស្នាក់
-សេវាកម្មបោះតង់លើឆ្នេរខ្សាច់(ឆ្នេរផ្តើមស្នេហ៍)
-កីឡាលើឆ្នេរខ្សាច់
-សេវាកម្មជិះទូកលេងកម្សាន្ត
-សេវាកម្មម្ហូបអាហារ
-មានការរៀបចំជាកញ្ចុះតូចៗជាច្រើនតាមបណ្តោយឆ្នេរទល់មុខក្រុងក្រចេះ និង
ភ្ញៀវទេសចរអាចចូលរួមដាំដើមឈើទុកជា អនុស្សាវរីយ៍ និងជាផ្នែកមួយក្នុងការចូលរួមថែរក្សាធនធានធម្មជាតិផងដែរ។
ទី២៖ សហគមន៍អេកូទេសចរណ៍កោះព្រហ្មចារីជ្រោយបន្ទាយ ស្ថិតនៅក្នុងឃុំជ្រោយបន្ទាយ ស្រុកព្រែកប្រសព្វ ដែលមានចម្ងាយ ១៧ គីឡូម៉ែត្រ ពីទីរួមខេត្តក្រចេះ។ សក្តានុពលទេសចរណ៍សំខាន់ៗរបស់សហគមន៍ រួមមាន ព្រៃឈើ សត្វស្លាប កោះតូចធំ សត្វព្រៃ (សត្វក្តាន់) ទេសភាពព្រៃលិចទឹកទន្លេមេគង្គ។ ភ្ញៀរទេសចរ អាចជិះទូកមើលទេសភាពព្រៃលិចទឹក ទស្សនាសត្វស្លាប សម្រាកលំហែរ និងពិសារអាហារជួបជុំ ងូតទឹកកម្សាន្ត ស្ទួចត្រី និងជាពិសេសនោះគឺ ការបោះតង់។
ទី៣៖ សហគមន៍អេកូទេសចរណ៍កោះសាមសិប ស្ថិតនៅតាមបណ្ដោយដងទន្លេមេគង្គជាប់ព្រំប្រទល់ខេត្តក្រចេះ និង ស្ទឹងត្រែង ដែលមានចំងាយប្រមាណ ៩៥ គីឡូម៉ែត្រ ពីទីរួមខេត្តក្រចេះ។
សហគមន៍អេកូទេសចរណ៍ កោះសាមសិប ជាទីឋានដ៏ស្រស់ត្រកាលប្រៀបដូចឋានសួគ៌លើដី ដែលមានធម្មជាតិដ៏វិសេសវិសាល គ្របដណ្ដប់ដោយព្រៃឈើបៃតងខ្ចី មានវាលខ្សាច់សក្បុស មិនលិចទឹកទាំងរដូវប្រាំង និង រដូវវស្សា ព្រមទាំងរំលេចជាទេសភាពល្អស្អាតឥតខ្ចោះ។
ភ្ញៀវដែលទៅកម្សាន្តនៅទីនោះ នឹងទទួលបាននូវអារម្មណ៍ដ៏ស្រស់ស្រាយប្លែកអារម្មណ៍បំផុត តាមរយៈការទស្សនាព្រៃលិចទឹកដ៏កម្របំផុតនៅកម្ពុជា ទស្សនាសត្វស្លាប ពិសេសសត្វស្លាបជិតផុតពូជជាច្រើនប្រភេទ ជិះទូកគយគន់ព្រៃលិចទឹក និង ថ្ងៃរៀបលិចដ៏ស្រស់ស្អាត ការនេសាទត្រីនិងការងូតទឹកលេងកម្សាន្តជាដើម៕
អត្ថបទ៖ ប្រុញ វិធិន
-
សន្តិសុខសង្គម៤ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច១ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៦ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ សប្តាហ៍ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៦ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៦ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ៩ ម៉ោង agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៣ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី