ព័ត៌មានជាតិ

អាជ្ញាធរខណ្ឌឫស្សីកែវ ចុះពិនិត្យទីតាំងរៀបចំប្រព័ន្ធលូ និងភ្លើងបំភ្លឺផ្លូវ ត្រៀមបើកផ្លូវបេតុងថ្មីភ្ជាប់ទៅផ្លូវជាតិលេខ ៥

បានផុស

១ year មុន

នៅ

ថ្ងៃព្រហស្បតិ៍ ២០ កុម្ភៈ ២០២៥

ដោយ

លោក ជិន ប៊ុនធឿន អភិបាលខណ្ឌឫស្សីកែវ បានដឹកនាំមន្ត្រីជំនាញពាក់ព័ន្ធ ចុះពិនិត្យទីតាំងផ្លូវត្រៀមបើកភ្ជាប់មកផ្លូវបេតុងថ្មី ព្រមទាំងពិនិត្យការដាក់រៀបចំប្រព័ន្ធលូទឹក និងរៀបចំទ្រូងផ្លូវដោយបំពាក់បង្គោលភ្លើងបំភ្លឺ និងដាំដើមឈើមួយចំនួន តាមបណ្ដោយទ្រូងផ្លូវនេះថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជិន ប៊ុនធឿន បញ្ជាក់ថា កំណាត់ផ្លូវបេតុងថ្មីនេះ ឆ្ពោះភ្ជាប់មកផ្លូវជាតិលេខ ៥ ដែលពីដើមឡើយ ផ្លូវបេតុងថ្មីនេះ គឺជាតំបន់សំណង់មិនរៀបរយ ហើយក៏ជាភូមិសាស្ត្រមួយស្មុគស្មាញថែមទៀតផង។

លោកបន្តថា ផ្លូវបេតុងថ្មីនេះ ត្រូវបានរៀបចំដោយដាំដើមផ្កា ដើម្បីបង្កើនសោភ័ណភាព និងរៀបចំនូវប្រព័ន្ធភ្លើងបំភ្លឺផ្លូវបន្ថែមទៀតផង។

ជាមួយគ្នានេះ លោកអភិបាល ក៏បានណែនាំជាលើកចុងក្រោយ អ្នកដែលបានរំលោភដីសាធារណៈរបស់រដ្ឋយកធ្វើជាប្រយោជន៍ផ្ទាល់ខ្លួន ត្រូវបញ្ឈប់ជាបន្ទាន់ ហើយត្រូវចូលរួមសហការជាមួយមន្ត្រីអាជ្ញាធរជាដាច់ខាត។

សូមជម្រាបថា ផ្លូវបេតុងថ្មី ១ ខ្សែ ខាងលើ អាចជួយសម្រួលដល់ការធ្វើដំណើររបស់ប្រជាពលរដ្ឋដែលធ្វើការឆ្លងកាត់ចំណាយពេលវេលាយ៉ាងខ្លីក្នុងការធ្វើដំណើរឆ្ពោះទៅកាន់ផ្លូវជាតិលេខ ៥ ចូលមកកាន់រាជធានីភ្នំពេញ ជាពិសេសនោះផ្លូវបេតុងថ្មីមួយនេះអាចជួយកាត់បន្ថយការកកស្ទះបានមួយចំណែកផងដែរ៕

អត្ថបទ ៖ ម៉េង

Related Topics:ខណ្ឌឫស្សីកែវ