រក​ឃើញ​ស្រ្តីម្នាក់​ឆ្លងកូវីដ១៩ ចំនួន១​ នាក់​នៅ​បុរី​ ប៉េងហួត​ ឫស្សីកែវ

ស្រ្តី​ម្នាក់ស្នាក់នៅ​​ក្នុងបុរី​ប៉េងហួង ក្នុងខណ្ឌឫស្សី​កែវ ​ត្រូវបាន​រក​ឃើញ​ឆ្លងកូវីដ១៩ នៅ​ព្រឹក​ថ្ងៃទី២១ ខែមីនា ឆ្នាំ២០២១នេះ។ នេះបើតាមទំព័រហ្វេសបុក​​លោក​ ជា ពិសី អភិបាល​ខណ្ឌឫស្សីកែវ។

ប្រភពឱ្យដឹង​ថា អ្នកមានវិជ្ជមាននឹងមេរោគកូវីដ១៩ នាព្រឹកថ្ងៃទី២១ ខែមីនា ឆ្នាំ២០២១ ក្នុងមូលដ្ឋានខណ្ឌឫស្សីកែវ វេលាម៉ោង០៨ និង០០ នាទី បានរកឃើញអ្នកមានវិជ្ជមាននឹងមេរោគកូវីដ១៩ ចំនួន ០១ នាក់ រួមមាន ៖ ស្ត្រី អាយុ ៣១ ឆ្នាំ មានទីលំនៅបុរី​ ប៉េង ហួត (ផ្លូវ៥៩៨) ផ្ទះលេខ៨០ ផ្លូវលេខP១៨ ក្រុមទី៤ ភូមិ៤ សង្កាត់ច្រាំងចំរេះទី១​ខណ្ឌប្ញស្សីកែវ រាជធានីភ្នំពេញ​។

ដោយឡែក អ្នកពាក់ព័ន្ធជាមួយអ្នកជម្ងឺចំនួន ០២ នាក់ (បុរសជនជាតិម៉ាឡេស៉ី ០១ នាក់ និងស្ត្រី ០១ នាក់) តម្រូវអោយធ្វើចត្តាឡីស័ក និងត្រៀមយកសំណាកជាបន្ត ហើយបច្ចុប្បន្នអ្នកជម្ងឺ ត្រូវបានបញ្ជូនទៅព្យាបាល នៅអតីតសណ្ឋាគារអ៉ីនធើខនទីណង់តាល់ (The Great Duke) ជាចុងក្រោយ អាជ្ញាធរ សម្រេចបិទទីតាំងខាងលើនេះជាបណ្ដោះអាសន្ន៕​