ព័ត៌មានជាតិ
១សប្តាហ៍នេះមានជនជាតិវៀតណាមជាង២០០នាក់បានឆ្លងដែនចូលមកកម្ពុជា
យោងតាមរបាយការណ៍របស់អគ្គនាយកដ្ឋានអន្តោប្រវេសន៍បានឲ្យដឹងថា នៅក្នុងសប្តាហ៍នេះមានជនជាតិវៀតណាមប្រមាណជាង២០០នាក់បានឆ្លងដែនចូលមកប្រទេសកម្ពុជាហើយត្រូវបានមន្ត្រីបញ្ជូនទៅធ្វើចត្តាឡីស័ករយៈពេល១៤ថ្ងៃ និងយកសំណាកទៅធ្វើតេស្តរកជំងឺកូវីដ១៩។
តាមរបាយការណ៍ដដែលបានបន្តថា ក្នុង១សប្តាហ៍នេះមានជនជាតិវៀតណាមនិងអ្នកដំណើរចូលតាមច្រកទ្វារព្រំដែនអន្តរជាតិនានាមានចំនួន២២៥នាក់ ក្នុងនោះជនជាតិវៀតណាមមានចំនួន២១០នាក់និង១៥នាក់ទៀតជាអ្នកដំណើរ។
ក្នុងចំណោម២២៥នោះក្នុងនោះនៅថ្ងៃទី១៤ ខែមីនាឆ្នាំ២០២១មានអ្នកដំណើរសញ្ជាតិវៀតណាម មកពីក្រុមហ៊ុន THAGRICO ចំនួន ១០៥នាក់ ស្រី៣០នាក់បានធ្វើដំណើរចូលប្រទេសកម្ពុជាតាមច្រកទ្វារព្រំដែនអន្តរជាតិត្រពាំងស្រែខេត្តក្រចេះ។
អ្នកដំណើរទាំងនោះត្រូវបានក្រុមការងារចត្តាឡីស័ក បានអនុវត្តវិធានការរបស់ក្រសួងសុខាភិបាល បញ្ជូនយកទៅធ្វើចត្តាឡីស័ក នៅសណ្ឋាគារ ហេង ហេងស្ថិតនៅភូមិសាស្ត្រច្រកទ្វារព្រំដែនអន្តរជាតិត្រពាំងស្រែ នៃភូមិត្រពាំងស្រែ ឃុំ២ធ្នូស្រុកស្នួល ខេត្តក្រចេះ និងក្រោមការគ្រប់គ្រងរបស់មន្ទីរសុខាភិបាល ខេត្តក្រចេះ។
នៅថ្ងៃថ្ងៃទី១៥ ខែមីនា ឆ្នាំ២០២១មានសិកា្ខកាមវៀតណាម៦០នាក់ ស្រី១៨នាក់អញ្ជើញមកបំពេញកម្មសិក្សាភាសាខ្មែរនៅសាកលវិទ្យាល័យភូមិន្ទភ្នំពេញដោយធ្វើដំណើរតាមច្រកទ្វារព្រំដែនអន្តរជាតិបាវិតត្រូវបានក្រុមការងារយកទៅធ្វើចត្តាឡីស័កទៅតាមវិធានការរបស់ក្រសួងសុខាភិបាល។
ថ្ងៃទី១៦ ខែមីនា ឆ្នាំ២០២១ មានជនជាតិវៀតណាមចំនួន៣៩នាក់ ស្រី១៣នាក់បានចូលប្រទេសកម្ពុជាតាមច្រកទ្វារព្រំដែនអន្តរជាតិបាវិតត្រូវបានក្រុមការងារយកទៅធ្វើចត្តាឡីស័កទៅតាមវិធានការរបស់ក្រសួងសុខាភិបាល។
ថ្ងៃទី១៧ ខែមីនា ឆ្នាំ២០២១មានអ្នកដំណើរ១៥នាក់ស្រី០៣នាក់ចូលប្រទេសកម្ពុជា តាមច្រកទ្វារព្រំដែនអន្តរជាតិបាវិតត្រូវបានក្រុមការងារយកទៅធ្វើចត្តាឡីស័កទៅតាមវិធានការរបស់ក្រសួងសុខាភិបាលនិងនៅថ្ងៃទី១៩ ខែមីនាឆ្នាំ២០២១មានអ្នកដំណើរសញ្ជាតិវៀតណាមមានចំនួន ០៦នាក់មកពីក្រុមហ៊ុន ដុងភូ ធ្វើដំណើរចូលប្រទេសកម្ពុជាតាមច្រកទ្វារព្រំដែនអន្តរជាតិត្រពាំងស្រែខេត្តក្រចេះហើយត្រូវបានក្រុមការងារចត្តាឡីស័កបញ្ជូនយកទៅធ្វើចត្តាឡីស័ក នៅសណ្ឋាគារ ហេង ហេង ស្ថិតនៅភូមិសាស្ត្រច្រកទ្វារព្រំដែនអន្តរជាតិត្រពាំងស្រែ នៃភូមិត្រពាំងស្រែ ឃុំ២ធ្នូស្រុកស្នួល ខេត្តក្រចេះ និងក្រោមការគ្រប់គ្រងរបស់មន្ទីរសុខាភិបាលខេត្តក្រចេះ៕
អត្ថបទ ៖ សំអឿន
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ