Connect with us

ព័ត៌មានជាតិ

ប.ស.ស ប្រកាសឱ្យសមាជិកបង្កើនការប្រុងប្រយ័ត្នការឆបោករបស់ក្រុមជនអនាមិក ចៀសវាងខាតបង់ប្រាក់ ឬ ទ្រព្យសម្បត្តិផ្សេងៗ

បានផុស

នៅ

បេឡា​ជាតិ​សន្តិសុខ​សង្គម​(​ប​.​ស​.​ស​.)​ នៃ​ក្រសួង​ការងារ​ និង​បណ្តុះបណ្តាល​វិជ្ជាជីវៈ​ បាន​បន្ត​ក្រើន​រំលឹក​ដល់​សាធារណជន ពិសេស​សមាជិក ប​.​ស​.​ស ទាំងអស់​ មេត្តា​ប្រុងប្រយ័ត្ន​ឱ្យ​បាន​ខ្ពស់ ចំពោះ​ការ​ឆបោក​របស់​ក្រុម​ជនអនាមិក​ទាំងនេះ ចៀសវាង​ខាតបង់​ប្រាក់ ឬ​ទ្រព្យសម្បត្តិ​ផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ក្រើនរំលឹក​របស់ ប.ស.ស នេះ បាន​ធ្វើឡើង​បន្ទាប់ពី​ថ្មីៗ​ នេះ ​មាន​ជន​អនាមិក​បាន​បន្លំ​លេខ​គណនី​ធនាគារ​របស់ ប​.​ស​.​ស និង​ចូលក្នុង​គ្រុប​តេ​ឡេ​ក្រាម​ឆាត​របស់ ប.ស.ស ដោយ​បាន​បន្លំ​ឈ្មោះ​ជា​ភ្នាក់ងារ ប.ស.ស និង​បាន​យក​ឡូហ្គោ​របស់ ប.ស.ស ទៅ​តាំង​ធ្វើជា​ប្រូ​ហ្វាល ដើម្បី​ឆបោក និង​បាន​បញ្ចុះបញ្ចូល​ឱ្យ​សមាជិក ប.ស.ស បង់​ប្រាក់​មក​គណនី​ធនាគារ​របស់ខ្លួន​តាមរយៈ​ការបង់​ភាគទាន។

ប.ស.ស បានចាត់ទុក​ករណីនេះ​បាន​បង្កឱ្យមាន​ភាព​ភាន់ច្រឡំ និង​បង្កើតឱ្យមាន​សេចក្តី​មិន​ទុកចិត្ត​មក​លើ ប.ស.ស ហើយ​ការ​ក្លែងបន្លំ​នេះបង្កឱ្យមាន​ផលប៉ះពាល់​យ៉ាងធ្ងន់ធ្ងរ​ចំពោះ​អង្គភាព ប​.​ស​.​ស ជាពិសេស​ពលរដ្ឋ​ដែលជា​សមាជិក ប.ស.ស ផ្ទាល់​តែម្ដង។

អាស្រ័យហេតុនេះ សូម​សាធារណជន ពិសេស​សមាជិក ប​.​ស​.​ស ទាំងអស់ មេត្តា​ប្រុងប្រយ័ត្ន​ឱ្យ​បាន​ខ្ពស់​ចំពោះ​ការ​ឆបោក​របស់​ក្រុម​ជន​អនាមិក​ទាំងនេះ ជៀសវាង​ខាតបង់​ប្រាក់ ឬ​ទ្រព្យសម្បត្តិ​ផ្សេងៗ។

ប​.​ស​.​ស បាន​បញ្ជាក់ថា ប​.​ស​.​ស មិនមាន​គោលការណ៍​តម្រូវ​ឱ្យ​សមាជិក ប​.​ស​.​ស បង់​ភាគទាន​តាមរយៈ​ការ​ស្កែន QR Code ឡើយ។

លោក កត្តា អ៊ន រដ្ឋលេខាធិការ និង​ជា​អ្នកនាំពាក្យ​ក្រសួង​ការងារ និង​បណ្ដុះបណ្ដាល​វិជ្ជាជីវៈ បាន​មាន​ប្រសាសន៍​ថា គិត​ត្រឹម​សប្ដាហ៍​ទី​ ៤ ​ខែមករា ​ឆ្នាំ​ ២០២៥​ នេះ ប​.​ស​.​ស មាន​សមាជិក​កើន​ឡើង​ដល់ ២ ៧៨៥ ៥២៦ នាក់ ស្រី ១ ៥៤៤ ២២៣ នាក់ ក្នុង​នោះ បុគ្គល​ស្ថិត​ក្នុង​វិស័យ​សាធារណៈ​ចំនួន ៤៩៥ ៥៩៣ នាក់ ​, បុគ្គល​ក្រោម​បទប្បញ្ញត្តិ​ច្បាប់​ស្ដីពី​ការងារ​ចំនួន ១ ៦០៣ ៤៨២ នាក់ ​, បុគ្គល​ស្វ័យ​និ​យោជន៍​ចំនួន ៥២៣ ០១៣ នាក់ និង​អ្នក​ក្នុង​បន្ទុក​សមាជិក ប​.​ស​.​ស ចំនួន ១៦៣ ៤៣៨ នាក់។

លោក កត្តា អ៊ន បាន​បន្តទៀតថា ការកើនឡើង​ នៃ​ចំនួន​សមាជិក​ ប​.​ស​.​ស ជា​បន្តបន្ទាប់​នេះ ដោយសារ​ប្រជាពលរដ្ឋ​មាន​ជំនឿ​ទុកចិត្ត​មក​លើ​សេវា ប​.​ស​.​ស និង​យល់ដឹង​ពី​អត្ថប្រយោជន៍​ផ្សេងៗ។ មាន​ប័ណ្ណ ប​.​ស​.​ស ជួយ​សម្រាល​បន្ទុក​ក្នុង​គ្រួសារ​បាន​យ៉ាង​ច្រើន​នៅ​ពេល​ទៅ​ពិគ្រោះ និង​ព្យាបាល​ជំងឺ​ផ្សេងៗ នៅ​តាម​មូលដ្ឋាន​សុខាភិបាល​ជា​ដៃគូ​ជាមួយ ប​.​ស​.​ស ព្រោះ​រាល់​ការ​ចំណាយ​គឺជា​បន្ទុក​របស់ ប​.​ស​.​ស៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group
ព័ត៌មានអន្ដរជាតិ២ ម៉ោង មុន

​យោធា​មីយ៉ាន់ម៉ា​​បាញ់​ប្រហារតាមអាកាស​សម្លាប់មនុស្ស២៦នាក់

ព័ត៌មានអន្ដរជាតិ២ ម៉ោង មុន

Apple ដឹកជញ្ជូន​ iPhone តាមយន្តហោះ ៦០០ តោន ពីឥណ្ឌាទៅអាមេរិក

ជីវិតកម្សាន្ដ៣ ម៉ោង មុន

កម្មវិធី​ទូរទស្សន៍​ចិនរង​ការ​រិះ​គន់ខ្លាំង​ ដែល​តម្រូវ​ឲ្យ​ជន​រង​គ្រោះ​​ក្នុង​ការ​ចាប់ជំរិត​នៅមីយ៉ាន់​ម៉ា ​ដើរ​តួ​​ធ្វើត្រាប់​

អាវុធហត្ថខេត្តកំពង់ស្ពឺ
សន្តិសុខសង្គម៤ ម៉ោង មុន

មេបញ្ជាការអាវុធហត្ថខេត្តកំពង់ស្ពឺ ត្រៀមកម្លាំងរួចជាស្រេចដើម្បីចូលរួមការពារសន្តិសុខសណ្តាប់​ធ្នាប់ និងសង្គ្រោះពលរដ្ឋក្នុងឱកាសបុណ្យចូលឆ្នាំ

ជីវិតកម្សាន្ដ៤ ម៉ោង មុន

តារាឆ្នើម​តៃវ៉ាន់ Ning Chang ខាតឡុងចុង​អស់​រាប់​លាន​ដុល្លារ ពេលផ្សារហ៊ុនធ្លាក់​ថ្លៃ​

លោក ដូណាល់ ត្រាំ
ព័ត៌មានអន្ដរជាតិ១៩ ម៉ោង មុន

ត្រាំ ផ្អាកពន្ធគយបដិការ ៩០ ថ្ងៃ ប៉ុន្តែដំឡើងលើចិនដល់ ១២៥ ភាគរយ

ព័ត៌មានអន្ដរជាតិ១២ ម៉ោង មុន

មេទ័ពអ៊ុយក្រែន ថា ទាល់តែ ១ខែកែនទាហានបាន ៣០ ០០០នាក់ ទើបតតាំងជាមួយរុស្ស៊ីបាន

ព័ត៌មានអន្ដរជាតិ៤ ម៉ោង មុន

មេទ័ពអ៊ុយក្រែន អះអាង បាញ់កម្ទេចយន្តហោះទម្លាក់គ្រាប់បែករុស្ស៊ី តម្លៃ ១០០លានដុល្លារ 

ព័ត៌មានអន្ដរជាតិ១០ ម៉ោង មុន

ត្រាំ បញ្ជា​ឲ្យ​អ៊ីស្រាអែល​ត្រៀម​​ទ័ព​ប្រយុទ្ធ បើ​កិច្ចចរចា​នុយក្លេអ៊ែរ​ជាមួយ​អ៊ីរ៉ង់​មិន​ជោគជ័យ

ព័ត៌មានជាតិ១៣ ម៉ោង មុន

លោក ហ្សង់ ហ្វ្រង់ស័រ តាន់៖ រដ្ឋាភិបាលនឹងបន្តដុតដៃដុតជើងទាក់ទង ពន្យល់បំភ្លឺ និងបញ្ចុះបញ្ចូលអាមេរិកកុំឱ្យអនុវត្តពន្ធគយថ្មីលើកម្ពុជា

Sokha Hotels

ព័ត៌មានពេញនិយម