Connect with us

ព័ត៌មានជាតិ

កម្ពុជាជាប្រទេសដែលមានវ៉ាក់សាំងចាក់មុនគេ និងមានជាហូរហែ

បានផុស

នៅ

បន្ទាប់ពីបញ្ចប់ពិធី ទទួល និងប្រគល់ វ៉ាក់សាំងស៊ីណូវ៉ាក់ ប្រមាណ១.៥លានដូសថ្ងៃនេះ លោក វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ បានផ្ដល់បទសម្ភាស ដោយបានមានប្រសាសន៍ថា ប្រទេសកម្ពុជាក្រទេ ប៉ុន្តែកម្ពុជាអាចចាត់ទុកជាប្រទេសដំបូងគេមួយដែលមានវ៉ាក់សាំងចាក់មុនគេ ហើយមានចាក់ជាហូរហែទៅទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វង្សី វិស្សុត មានប្រសាសន៍បន្តថា៖ “សព្វថ្ងៃប្រទេសអ្នកមានដណ្ដើមទិញវ៉ាក់សាំងកូវីដ-១៩ គេទប់ស្កាត់មិនឱ្យមកដល់ប្រទេសអ្នកក្រមួយចំនួន។ ប៉ុន្តែកម្ពុជាសំណាង ដោយសារមានការដឹកនាំជាពិសេសរបស់សម្ដេចអគ្គសេនាតេជោ ហ៊ុន សែន ដែលធានាឱ្យកម្ពុជាមានមានវ៉ាក់សាំងជាហូហែចាក់ មកដល់ថ្ងៃនេះ។”

លោក វង្សី វិស្សុត បានបញ្ជាក់ថា អ្វីដែលកម្ពុជាបានរៀបចំផែនការទៅថ្ងៃមុខ គឺនៅមានច្រើន ហើយកំពុងបន្តធ្វើដោយសកម្ម និងអាចធានាថា កម្ពុជានឹងមានវ៉ាក់សាំងជាហូរហែដើម្បីចាក់ជូនប្រជាជន យ៉ាងតិចឱ្យបាន១០លានដូសនៅឆ្នាំនេះ។

គួរបញ្ជាក់ថា វ៉ាក់សាំងកូវីដ-១៩ ស៊ីណូវ៉ាក់ (Sinovac) របស់ចិន ប្រមាណជា ១.៥លានដូសបានមកដល់ប្រទេសកម្ពុជានៅព្រឹកថ្ងៃសុក្រ ទី២៦ ខែមីនា ឆ្នាំ២០២១នេះ នៅអាកាសយានដ្ឋានអន្តរជាតិភ្នំពេញ។ វ៉ាក់សាំងស៊ីណូវ៉ាក់នេះ គឺជាការបញ្ជាទិញរបស់រាជរដ្ឋាភិបាលកម្ពុជា ដើម្បីបង្កើនការចាក់ជូនប្រជាពលរដ្ឋក្នុងបេសកកម្មប្រយុទ្ធប្រឆាំងជំងឺកូវីដ-១៩។

កម្ពុជា បានទទួលវ៉ាក់សាំងកូវីដ-១៩ ចំនួន២លើករួចមកហើយ ស្មើនឹង ៩២៤,០០០ដូស។ ក្នុងនោះ៦០ម៉ឺនដូស ជាវ៉ាក់សាំងស៊ីណូហ្វាម ជំនួយរបស់រដ្ឋាភិបាលចិន និង ៣២៤,០០០ដូស ជាជំនួយរបស់ខូវ៉ាក់ តាមរយៈអង្គការសុខភាពពិភពលោក។

តាមការគ្រោងទុកវ៉ាក់សាំងស៊ីណូហ្វាម ដែលជាជំនួយរបស់រដ្ឋាភិបាលចិន ចំនួន៧០ម៉ឺនដូសទៀត (៣០ម៉ឺនដូសសម្រាប់ក្រសួងការពារជាតិ និង៤០ម៉ឺនដូស សម្រាប់ក្រសួងសុខាភិបាល) នឹងមកដល់កម្ពុជានៅចុងខែមីនា ឆ្នាំ២០២១នេះ៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម