ព័ត៌មានជាតិ
គិតត្រឹមថ្ងៃទី ១៤ ឧសភា មានពលករខ្មែរចំនួន ៦ នាក់ បានស្លាប់ និងរងរបួស ដោយសារគ្រោះរញ្ជួយដីនៅថៃ
លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងថា គិតត្រឹមថ្ងៃទី ១៤ ខែឧសភា ឆ្នាំ ២០២៥ នេះ មានពលករខ្មែរចំនួន ៤ រូប បានស្លាប់ និង ២ រូបផ្សេងទៀត បានរងរបួស ដោយសារគ្រោះរញ្ជួយដីនៅទីក្រុងបាងកក ប្រទេសថៃ កាលពីថ្ងៃទី ២៨ ខែមីនា ឆ្នាំ ២០២៥។
ក្នុងចំណោមពលករ ៤ នាក់ ដែលបានស្លាប់ ក្នុងនោះ ទី១.ឈ្មោះ មាស សាវ៉ាង ភេទប្រុស អាយុ ២៣ ឆ្នាំ រស់នៅភូមិបាល័ង្គ ឃុំតាគង់ ស្រុកម៉ាឡៃ ខេត្តបន្ទាយមានជ័យ។ ទី២.ឈ្មោះ ផល្លា រតនា ភេទប្រុស អាយុ ២៤ ឆ្នាំ សពត្រូវបានរៀបចំបូជានៅប្រទេសថៃ។ ទី៣.ឈ្មោះ សាន់ សឿន អាយុ ៣៨ ឆ្នាំ ត្រូវជាប្តី និង ទី៤.ឈ្មោះ សុខ គិមសី អាយុ ៣១ ឆ្នាំ ត្រូវជាប្រពន្ធ មានទីលំនៅក្នុងខេត្តបន្ទាយមានជ័យ ដែលអាជ្ញាធរថៃបានពិនិត្យកោសល្យវិច័យ DNA តាមរយៈវិទ្យាស្ថានវេជ្ជសាស្ត្រកោសល្យវិច័យ នៃមន្ទីរពេទ្យនគរបាលជាតិប្រទេសថៃ កាលពីថ្ងៃទី ១៤ ខែឧសភា ឆ្នាំ ២០២៥។
ចំណែកពលករដែលរងរបួស ២ រូប រួមមាន ៖ ទី១.ឈ្មោះ សឿន សំណាង ភេទស្រី អាយុ ៤៤ ឆ្នាំ រស់នៅភូមិវាលថ្នល់ ឃុំសាគ្រាម ស្រុកប្រាសាទបល្ល័ង្ក ខេត្តកំពង់ធំ បានរងរបួសកជើង និងទី២.ឈ្មោះ ឃិន សាខុន ភេទប្រុស រងគ្រោះរបូតគន្លាក់ជង្គង់ព្យាបាលនៅប្រទេសថៃ។
លោក ស៊ុន មេសា បានបន្តទៀតថា សពពលករខ្មែរពីរនាក់ប្តីប្រពន្ធដែលបានស្លាប់ដោយសារគ្រោះរញ្ជួយដីនៅថៃ ត្រូវបានបញ្ជូនមកដល់ច្រកទ្វារព្រំដែនអន្តរជាតិប៉ោយប៉ែតហើយ កាលពីយប់ថ្ងៃទី ១៤ ខែឧសភា ឆ្នាំ ២០២៥ ក្រោមការជួយខ្នះខ្នែងសម្របសម្រួលពីសំណាក់ក្រសួងការងារ និងបណ្តុះបណ្តាលវិជ្ជាជីវៈ ស្ថានឯកអគ្គរាជទូតកម្ពុជាប្រចាំប្រទេសថៃ អនុព័ន្ធការងារអមស្ថានឯកអគ្គរាជទូតកម្ពុជាប្រចាំប្រទេសថៃ និងអាជ្ញាធរខេត្តបន្ទាយមានជ័យ រួមទាំងអ្នកពាក់ព័ន្ធគ្រប់កម្រិត។ សពពលករពីរនាក់ប្តីប្រពន្ធក្នុងនោះប្តីមានឈ្មោះ សាន់ សឿន អាយុ ៣៨ ឆ្នាំ និងប្រពន្ធឈ្មោះ សុខ គិមសី អាយុ ៣១ ឆ្នាំ។
លោកបានបន្ថែមទៀតថា បន្ទាប់ពីបញ្ជាក់អត្តសញ្ញាណច្បាស់លាស់តាមរយៈការធ្វើកោសល្យវិច័យ DNA ពីសំណាក់វិទ្យាស្ថានវេជ្ជសាស្ត្ររបស់ប្រទេសថៃ នៅព្រឹកថ្ងៃទី ១៤ ខែឧសភានេះ ដែលអះអាងថា ពលករទាំងពីរពិតជាបានទទួលមរណភាពក្នុងគ្រោះរញ្ជួយដីនៅថៃកាលពីថ្ងៃទី ២៨ ខែមីនា ឆ្នាំ ២០២៥ ថ្នាក់ដឹកនាំស្ថានឯកអគ្គរាជទូតកម្ពុជាប្រចាំប្រទេសថៃ អនុព័ន្ធការងារអមស្ថានឯកអគ្គរាជទូតកម្ពុជាប្រចាំប្រទេសថៃ បានសម្របសម្រួលជាមួយអាជ្ញាធរថៃក្នុងការរៀបចំការបញ្ជូនសព និងធ្វើពិធីសាសនាមុននឹងបានដឹកសពតាមរថយន្តចេញពីទីក្រុងបាងកក មកកាន់ច្រកអន្តរជាតិប៉ោយប៉ែត មុននឹងដង្ហែសពបន្តមកលំនៅឋាននៅក្រុងសិរីសោភ័ណ ដើម្បីធ្វើបុណ្យតាមប្រពៃណី។
ដោយឡែកថ្នាក់ដឹកនាំ មន្ត្រីជំនាញរបស់ក្រសួងការងារ និងបណ្ដុះបណ្ដាលវិជ្ជាជីវៈ រួមទាំងអាជ្ញាធរខេត្តបន្ទាយមានជ័យ ក៏បានចាំទទួលសពពលករទាំងពីរនៅច្រកអន្តរជាតិប៉ោយប៉ែត និងបន្តសម្របសម្រួលដង្ហែសពមកកាន់លំនៅឋានដែលបានរៀបចំពិធីបុណ្យរួចជាស្រេចដោយមានការចាត់ចែងរៀបចំពីមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងអាជ្ញាធរខេត្ត និងអាជ្ញាធរមូលដ្ឋាន រួមទាំងសាច់ញាតិក្រុមគ្រួសារសព៕
អត្ថបទ ៖ សំអឿន
គិតត្រឹមថ្ងៃទី ១៤ ឧសភា មានពលករខ្មែរចំនួន ៦ នាក់ បានស្លាប់ និងរងរបួស ដោយសារគ្រោះរញ្ជួយដីនៅថៃ
អាមេរិកអនុម័តការលក់មីស៊ីលទំនើបបំពាក់លើយន្តហោះតម្លៃ ៣០០លានដុល្លារឲ្យតួកគី
សម្តេចធិបតី និងលោកជំទាវបណ្ឌិត ចូលរួមរំលែកទុក្ខយ៉ាងក្រៀមក្រំ និងឧបត្ថម្ភថវិកា ២ម៉ឺនដុល្លារដល់គ្រួសារសពលោក សាន់ សឿន និងអ្នកស្រី សុខ គិមសី
បឋម៖ ករណីបុករះបង្កឡើងដោយរថយន្ដឡិចសុីសមួយគ្រឿងបណ្ដាលឲ្យមានអ្នកស្លាប់នៅផ្លូវព្រះនរោត្ដម
សមត្ថកិច្ចខេត្តស្វាយរៀង ឃាត់ខ្លួនបុរសជនជាតិវៀតណាមម្នាក់ករណីជួញដូរគ្រឿងញៀន
បឋម៖ ករណីបុករះបង្កឡើងដោយរថយន្ដឡិចសុីសមួយគ្រឿងបណ្ដាលឲ្យមានអ្នកស្លាប់នៅផ្លូវព្រះនរោត្ដម
គ្រួសារសេសសល់អគារអង្គរមានជ័យ ៣ គ្រួសារ បន្ទាបតម្លៃសំណង ១ គ្រួសារព្រមអភិវឌ្ឍនៅកន្លែង
ដាក់ពន្ធនាគារថៅកែចិន និងកម្មករ១២នាក់ ពីបទផលិត -លក់តុក្កតាអាសអាភាស
គ្មានឈ្មោះ ពូទីន ទេ ក្នុងបញ្ជីគណៈប្រតិភូរុស្ស៊ី ដែលនឹងទៅចរចាជាមួយ អ៊ុយក្រែន នៅ តួកគី
កិច្ចប្រជុំកំពូល ពូទីន-ហ្សេលេនស្គី-ត្រាំ មិនទាន់ចាប់ផ្ដើមផងក៏បរាជ័យបាត់ហើយ
-
ជីវិតកម្សាន្ដ៤ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
សន្តិសុខសង្គម១ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ១ សប្តាហ៍ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៣ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានជាតិ១ សប្តាហ៍ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៦ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានជាតិ៧ ថ្ងៃ agoអ្នកនាំពាក្យ៖ សមយុទ្ធនាគមាសឆ្នាំនេះ ធំជាងមុន សព្វាវុធទំនើបជាងមុន ប្រើAI តែមិនដើម្បីគំរាមប្រទេសណាឡើយ
-
ព័ត៌មានអន្ដរជាតិ៧ ថ្ងៃ agoប៉ាគីស្ថាន អះអាងបាញ់ទម្លាក់យន្តហោះគ្មានមនុស្សបើករបស់ឥណ្ឌា ១២គ្រឿងទៀត