ព័ត៌មានជាតិ

ខេត្តកោះកុងមានស្រុកចំនួន ៥ មានភូមិសាស្ត្រជាប់សមុទ្រ ប្រវែងជាង ២៩៥ គីឡូម៉ែត្រ

បានផុស

១ year មុន

នៅ

ថ្ងៃសៅរ៍ ៧ មិថុនា ២០២៥

ដោយ

ខេត្តកោះកុងជាខេត្តមួយស្ថិតនៅតំបន់ឆ្នេរ។ ដោយសារលក្ខណៈភូមិសាស្ដ្រជាខេត្តតំបន់ឆ្នេរ ក្នុងចំណោមក្រុងស្រុកចំនួន ៧ នៅក្នុងខេត្តកោះកុង មានស្រុកចំនួន ៥ មានភូមិសាស្ត្រជាប់សមុទ្រ។

ស្រុកចំនួន ៥ ដែលមានព្រំប្រទល់រដ្ឋបាលជាប់នឹងសមុទ្រ រួមមានស្រុកមណ្ឌលសីមា ស្រុកកោះកុង ស្រុកគិរីសាគរ ស្រុកបុទុមសាគរ និងស្រុកស្រែអំបិល ក្នុងនោះក៏មានឃុំចំនួន ១៥ មានភូមិសាស្រ្តជាប់ឆ្នេរមានឃុំប៉ាក់ខ្លង ឃុំពាមក្រសោប ឃុំកោះកាពី ឃុំជ្រោយប្រស់ ឃុំព្រែកខ្សាច់ ឃុំភ្ញីមាស ឃុំកោះស្ដេច ឃុំតានួន ឃុំថ្មស ឃុំអណ្ដូងទឹក ឃុំកណ្ដោល ឃុំជីខាក្រោម ឃុំដងពែង ឃុំស្រែអំបិល និងឃុំជ្រោយស្វាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមគណៈកម្មាធិការគ្រប់គ្រង និងអភិវឌ្ឍតំបន់ឆ្នេរ ខេត្តកោះកុងមានឆ្នេរសមុទ្រជាប់នឹងដីគោកប្រវែងសរុបប្រមាណ ២៩៥,៤២ គីឡូម៉ែត្រ ដែលចែកចេញជា ៥ ប្រភេទ ក្នុងនោះមាន៖

–ឆ្នេរខ្សាច់ ប្រវែងប្រមាណ ៩៣, ៣៥ គីឡូម៉ែត្រ មានចំនួន ២២ ទីតាំង
–ឆ្នេរថ្ម ប្រវែងប្រមាណ ៤០,៥៥ គីឡូម៉ែត្រ មានចំនួន ៣០ ទីតាំង
-ឆ្នេរភក់ ប្រវែងប្រមាណ ១១,៩៥ គីឡូម៉ែត្រ មានចំនួន ១៥ ទីតាំង
–ឆ្នេរព្រៃកោងកាង ប្រវែងប្រមាណ ១៤០,៩៩ គីឡូម៉ែត្រ មានចំនួន ៦១ ទីតាំង
-ឆ្នេរផ្សេងៗប្រវែងប្រមាណ ៨,៥៨ គីឡូម៉ែត្រ មានចំនួន ៤៣ ទីតាំង។

កោះ និងប្រជុំកោះ

ខេត្តកោះកុង ប្រជុំដោយកោះនិងកោះដែលបានរកឃើញចំនួន ២៥ មាន៖

–កោះកណ្ដុរ មានផ្ទៃដី ១,៧៤ ហិកតា
–កោះយ៉ បានចុះបញ្ជីរួចមានផ្ទៃដី ៦៥, ៦១ ហិកតា
–កោះអណ្តើក មានផ្ទៃដី ៤, ៩១ ហិកតា
–កោះតាទឹម មានផ្ទៃដី ៥៩,០១ ហិកតា
–កោះអំពិលក្រៅ បានចុះបញ្ជីរួចមានផ្ទៃដី ៩, ៦១ ហិកតា
–កោះអំពិលក្នុង បានចុះបញ្ជីរួចមានផ្ទៃដី ២៩,៩៧ ហិកតា
—កោះអំពិលកណ្តាល បានចុះបញ្ជីរួចមានផ្ទៃដី ២,១២ ហិកតា
–កោះដំឡូងក្រៅ បានចុះបញ្ជីរួចមានផ្ទៃដី ១៣,០៦ ហិកតា
–កោះដំឡូងក្នុង បានចុះបញ្ជីរួចមានផ្ទៃដី ៨,៧៥ ហិកតា
–កោះឆាន់ មានផ្ទៃដី ៥៧,២៣ ហិកតា
–កោះខ្មោច មានផ្ទៃដី ១១,៦៣ ហិកតា
–កោះទទឹង មានផ្ទៃដី ៧៩,២៦ ហិកតា
–កោះស្តេច មានផ្ទៃដី ៩៨, ០១ ហិកតា
–កោះម្នាស់ បានចុះបញ្ជីរួចមានផ្ទៃដី ៣៥១,៨០ ហិកតា
–កោះស្មាច់ មានផ្ទៃដី ៣៣៤,៦០ ហិកតា
–កោះគូស្រវឹ
–កោះពុតសាក្រៅ មានផ្ទៃដី ១២,៧៥ ហិកតា
–កោះពុតសាក្នុង មានផ្ទៃដី ១៧,៧៤ ហិកតា
– កោះពុតសាកណ្ដាល បានចុះបញ្ជីរួចមានផ្ទៃដី ២២,៨៣ ហិកតា
–កោះក្រាស មានផ្ទៃដី ១, ៩៩ ហិកតា
–កោះមូល មានផ្ទៃដី ១៧,០៤ ហិកតា
–កោះកុងក្រៅ មានផ្ទៃដី ១០ ៤៨៤,៣៥ ហិកតា
–ប្រជុំកោះខ្យង
–ថ្មប៉ប្រះទឹកកណ្ដុរ
-ថ្មដុះ ៣ ដុំ។