ព័ត៌មានជាតិ
គម្រោងអភិវឌ្ឍធំៗចំនួន ២ នឹងជួយលើកមុខមាត់ថ្មីបន្ថែមដល់ខេត្តកំពង់ស្ពឺ
ខេត្តកំពង់ស្ពឺកំពុងអនុវត្តគម្រោងអភិវឌ្ឍចំនួន ២ ដែលនឹងជួយលើកមុខមាត់ដល់ខេត្តបន្ថែមទៀត ស្របពេលដែលខេត្តដែលល្បីសំបូរដើមត្នោតនេះ បានក្លាយជាទីតាំងប្រមូលផ្តុំដោយរោងចក្រសហគ្រាសបោះមូលដ្ឋានវិនិយោគ។
នៅក្នុងកម្មវិធី “សម្ពោធអគារសិក្សា អគារទីចាត់ការ ផ្ទះស្នាក់នៅគ្រូ និងសមិទ្ធផលនានា នៅក្នុងខេត្តកំពង់ស្ពឺ” ក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា លោក ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺបានលើកឡើងពីគម្រោងហេដ្ឋារចនាសម្ព័ន្ធធំៗចំនួន ២ ដែលនឹងអភិវឌ្ឍន៍ជួយលើកកម្ពស់មុខមាត់និងសោភ័ណភាពខេត្តកំពង់ស្ពឺ។
លោកអភិបាលខេត្តបានលើកពីគម្រោងកែលម្អ និងលើកកម្ពស់សោភណភាពកំណាត់ផ្លូវជាតិលេខ ៤ ក្នុងភូមិសាស្ត្រក្រុងច្បារមន និងគម្រោងស្តារអភិវឌ្ឍន៍ស្ទឹងព្រែកត្នោត រួមនឹងការរៀបចំផ្លូវអមសងខាងស្ទឹងព្រែកត្នោត ដែលគម្រោងទាំងនេះកំពុងអនុវត្តជាបណ្តើរៗ។
ជាមួយគ្នានេះដែរ លោក ជាម ច័ន្ទសោភ័ណ ក៏បង្ហាញពីសក្តានុពលការវិនិយោគក្នុងខេត្តកំពង់ស្ពឺ ដែលបានក្លាយជាខេត្តគោលដៅទាក់ទាញផ្នែកឧស្សាហកម្ម ជាមួយការបោះទីតាំងវិនិយោគរោងចក្រសហគ្រាស រួមទាំងការបង្កើតតំបន់សេដ្ឋកិច្ចពិសេសជាច្រើនកន្លែង។
បច្ចុប្បន្នខេត្តកំពង់ស្ពឺមានតំបន់សេដ្ឋកិច្ចពិសេសកំពុងដំណើរការចំនួន ១ តំបន់ និង ៣ តំបន់ទៀត កំពុងរៀបចំបែបបទធ្វើការស្នើសុំ។ ខេត្តមានសួនឧស្សាហកម្មសរុបចំនួន ៧ កន្លែង មានរោងចក្រ សហគ្រាស គ្រឹះស្ថានសរុប ១ ៤៤២ កន្លែង មានកម្មករនិយោជិតសរុប ២៥៣ ៩៤៦ នាក់។
បើតាមលោកអភិបាលខេត្ត យោងតាមរបាយការណ៍ពីក្រុមប្រឹក្សាអភិវឌ្ឍន៍កម្ពុជា ក្នុងឆ្នាំ ២០២៤ ខេត្តកំំពង់ស្ពឺទទួលបានការវិនិយោគច្រើនជាងគេលើទំហំទុនវិនិយោគលើសពី ៥ លានដុល្លារ។
ខេត្តកំពង់ស្ពឺ មានភាពអំណោយផលដល់វិស័យកសិកម្ម វិស័យកសិឧស្សាហកម្ម ទេសចរណ៍ធម្មជាតិ-និងវិស័យឧស្សាហកម្ម មានការរីកចម្រើនជាបន្តបន្ទាប់។
កំណើនសេដ្ឋកិច្ចខេត្តមានទំហំប្រមាណជាង ១៩០០ លានដុល្លាអាមេរិក មានកំណើន ៥,៧% ខណៈផលិតផលសរុបសម្រាប់មនុស្សម្នាក់ៗ (GDP Per Capita) មានប្រមាណ ២ ០០០ដុល្លារអាមេរិក ក្នុងឆ្នាំ២០២៣។
ខេត្តកំពង់ស្ពឺមានវិស័យអាទិភាពធំៗដែលជាចលករយ៉ាងសំខាន់ក្នុងការជំរុញសន្ទុះសេដ្ឋកិច្ចខេត្តក្នុងនោះវិស័យឧស្សាហកម្មមានប្រមាណ ៤៧,១%, វិស័យកសិកម្ម ៣១,៣% និងសេវាកម្ម ២១,៧%។
ស្ថិតនៅមិនឆ្ងាយពីរាជធានីភ្នំពេញ ខេត្តកំពង់ស្ពឺក៏ជាគោលដៅទេសចរណ៍ធម្មជាតិដ៏ទាក់ទាញសម្រាប់ភ្ញៀវទេសចរមកកម្សាន្ត។ ខេត្តមានរមណីយដ្ឋាន និងសហគមន៍ទេសចរណ៍សរុបចំនួន ២៩ កន្លែង ក្នុងនោះតំបន់រមណីយដ្ឋានមានចំនួន ១៥ កន្លែង, តំបន់សហគមន៍ចំនួន ៩ កន្លែង និងតំបន់គោលដៅទេសចរណ៍ថ្មីចំនួន ៥ កន្លែង។ ក្នុងឆមាសទី១ ឆ្នាំ២០២៥ ខេត្តកំពង់ស្ពឺទទួលបានភ្ញៀវទេសចរមកកម្សាន្តសរុបមានចំនួន ៦៣៥ ៣៣៥ នាក់៕
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ