ព័ត៌មានជាតិ
កម្មវិធីអប់រំភាសាខ្មែរ សម្រាប់កុមារ នៅប្រទេសកូរ៉េបានសម្ពោធដាក់អោយសិក្សាជាលើកដំបូងហើយ នៅថ្ងៃទី៣ ខែមេសានេះ
ឆ្លងកាត់ការពិភាក្សាគ្នាជាច្រើនដងកន្លងមក ទីបំផុត “កម្មវិធីអប់រំភាសាខ្មែរសម្រាប់កុមារ” ដែលស្ថានទូតកម្ពុជាប្រចាំសាធារណរដ្ឋកូរ៉េ បានសហការជាមួយមជ្ឈមណ្ឌលគាំពារជនបរទេសទីក្រុងសងណាំ បានសម្ពោធដាក់អោយសិក្សាជាលើកដំបូងហើយនៅព្រឹកថ្ងៃសៅរ៍ ទី៣ ខែមេសា ឆ្នាំ២០២១នេះ ។
នេះបើតាមការចែករំលែកផ្ទាល់ក្នុងទំព័រហ្វេសប៊ុករបស់ លោកឡុង ឌីម៉ង់ អគ្គរាជទូតកម្ពុជាប្រចាំនៅប្រទេសកូរ៉េខាងត្បូង។ កម្មវិធីអប់រំភាសាខ្មែរសម្រាប់កុមារនេះ នឹងត្រូវរៀបចុះធ្វើឡើងតាមប្រព័ន្ធអនឡាញសិន ទំរាំអាចរៀបចំចូលរួមរៀនក្នុងផ្ទាល់នាពេលខាងមុខ អាចអាស្រ័យតាមស្ថានភាពនៃជំងឺកូវីដក្នុងប្រទេសកូរ៉េ។
បើតាមការបញ្ជាក់របស់លោកទូត ការសិក្សាតាមអនឡាញនេះ ដែលមានរយៈពេល២ម៉ោងរៀងរាល់ថ្ងៃសៅរ៍ ចាប់ពីម៉ោង ១០.០០ រហូត ១២.០០ ព្រឹក បង្រៀនដោយនិស្សិតខ្មែរ២រូប គឺជាការចាប់ផ្ដើមក្នុងទ្រង់ទ្រាយតូចសិន។ សម្រាប់ដំណាក់កាលទី២បន្ទាប់ នឹងពង្រីកដល់ទីក្រុងប៊ូសាន ហើយបើមានការឧបត្ថម្ភគាំទ្រពីសំណាក់អាជ្ញាធរ ក៏ដូចជាអង្គការសង្គមស៊ីវិលកូរ៉េផ្សេងៗ ស្ថានទូតនឹងជម្រុញបង្កើតគម្រោងនេះ ឲ្យបានច្រើនទីតាំងបន្ថែមទៀត ដល់កន្លែងដែលមានសហគមន៍ខ្មែរមានគ្រួសារកូរ៉េរស់នៅ។
គម្រោងកម្មវិធីសិក្សានេះ ត្រូវបានអនុវត្តតាមកម្មវិធី Zoom ដោយមានការសម្របសម្រួលផ្ទាល់ពីសំណាក់ក្រុមការងារស្រ្តីស្ថានទូត និងនិស្សិតស្ម័គ្រចិត្តចំនួន ២រូបផងដែរ។ ក្នុងឱកាសសម្ភោធពិធីដាក់អោយដំណើរការគម្រោងដ៏មានសារៈសំខាន់នេះ សម្រាប់កូនកាត់ខ្មែរ-កូរ៉េ នូវភាសា វប្បធម៌ និងសីលធម៌ខ្មែរនេះ មានការចូលរួមជាអធិបតីពីសំណាក់លោកឯកអគ្គរាជទូតផ្ទាល់ និងលោក Lee Sang-Rak ប្រធានមជ្ឈមណ្ឌលគាំពារជនបរទេសទីក្រុងសុងណាំ មន្រ្តីស្ថានទូត ក្រុមការងារស្រ្តី សមាគមនិស្សិតខ្មែរនៅកូរ៉េ មាតាបិតា-អាណាព្យាបាលសិស្ស១៥នាក់ និង ក្រុមសារព័ត៌មាន សរុបចំនួន ជិត ៤០នាក់៕
អត្ថបទ៖ ស្រីរ័ត្ន
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ