ព័ត៌មានជាតិ

ឪពុកចុង អារ.ក កូនពីខាងក្រោយ បណ្តាលឲ្យស្លាប់ ខណៈបញ្ជូនទៅដល់មន្ទីរពេទ្យ

បានផុស

៥ years មុន

នៅ

ថ្ងៃចន្ទ ៩ វិច្ឆិកា ២០២០

ដោយ

សមត្ថកិច្ចបានឲ្យដឹងថា ជនសង្ស័យម្នាក់ ត្រូវបានកម្លាំងនគរបាលឃាត់ខ្លួនពាក់ព័ន្ធករណីមនុស្សឃាតដោយចេតនា នៅថ្ងៃទី០៩ ខែវិច្ឆិកា ឆ្នាំ២០២០ វេលាម៉ោង០១និង០០នាទីទៀបភ្លឺ នៅបន្ទប់ផ្ទះជួលម្តុំខាងក្រោយសាលារៀនបន្ទាយចាស់ ស្ថិតភូមិចុងកៅស៊ូ សង្កាត់ស្លក្រាម ក្រុងសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបន្តថា ជនសង្ស័យឈ្មោះ ខឿន វីឡា ភេទប្រុស អាយុ២៨ឆ្នាំ មុខរបរកម្មករសំណង់ មានស្រុកកំណើត ភូមិជ្រៃធំ ឃុំជ្រៃធំ ស្រុកខ្សាច់កណ្តាល ខេត្តកណ្តាល ត្រូវជាឪពុកចុង បានយកកាំបិត បុ័នតោ អារ.ក កូនពីខាងក្រោយ បណ្តាលឲ្យស្លាប់ ក្រោយពេលបញ្ជូនទៅដល់មន្ទីរពេទ្យគន្ធបុប្ផា (ជនសង្ស័យត្រូវជាឪពុកចុង)។

បើតាមការឲ្យដឹងពីស្ត្រីជាម្តាយរបស់ជនរងគ្រោះឈ្មោះ ឌឿ សុផា ភេទស្រី អាយុ២១ឆ្នាំ មុខរបរលក់ដូរ រស់នៅកន្លែងកើតហេតុខាងលើ បានឲ្យដឹងថា ខណៈពេលដែលកំពុងបោកខោអាវ ស្រាប់តែឮសំឡេងកូនស្រែក ពេលស្ទុះមកមើល ក៏ឃើញប្តីកំពុងកាន់កាំបិតអារ.ក កូន ដែលដេកផ្កាប់មុខនៅលើគ្រែ ហើយក៏ស្រែកឲ្យគេជួយ និងយកកូនទៅពេទ្យ។ ចំណែកឯ ជនសង្ស័យបានជិះកង់គេចខ្លួន តែត្រូវសមត្ថកិច្ចតាមចាប់ខ្លួនបានមកវិញ ហើយធ្វើតេស្តរកសារធាតុញៀន គឺវិជ្ជមាន។ បច្ចុប្បន្នជនសង្ស័យ ត្រូវបានកម្លាំងសមត្ថកិច្ចកសាងសំណុំរឿងបញ្ជូន ដើម្បីចាត់ការតាមផ្លូវច្បាប់៕

អត្ថបទ៖ កុសល

សូមចុចអាន៖ តុលាការខេត្តកំពត សម្រេចបញ្ជូនខ្លួនបុរសម្នាក់ទៅពន្ធនាគារ ពាក់ព័ន្ធពីបទឆបោក

Related Topics:ឃាតកម្ម