ព័ត៌មានជាតិ

អាជ្ញាធរខណ្ឌ ៧ មករា នាំយកអំណោយសប្បុរសជនចែកជូនដល់កងទ័ពជួរមុខ

បានផុស

១១ ខែ មុន

នៅ

ថ្ងៃសៅរ៍ ២ សីហា ២០២៥

ដោយ

លោកអភិបាលរងខណ្ឌ ៧ មករា បានដឹកនាំប្រតិភូសាលាខណ្ឌ នាំយកអំណោយដែលទទួលបានពីការបរិច្ចាគពីសប្បុរសជនទៅចែកជូនដល់កងទ័ពជួរមុខ និងជនភៀសសឹក នៅខាងខេត្តព្រះវិហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា កាលពីថ្ងៃទី ១ ខែសីហា ឆ្នាំ ២០២៥ ប្រតិភូខណ្ឌ ៧ មករា ដឹកនាំដោយលោក កេត ឧត្តម អភិបាលរងខណ្ឌ ៧ មករា ដែលជាអ្នកតំណាងឲ្យលោក ថេង សុថុល អភិបាលខណ្ឌ ៧ មករា បាននាំយកអំណោយសប្បុរសធម៌ពីសប្បុរសជន ចែកជូនដល់កងទ័ពជួរមុខ កម្លាំងកងពលតូចអន្តរាគមន៍លេខ ៣៩៣ ស្ថិតនៅក្នុងភូមិរុងរឿងមួយ ឃុំទឹកក្រហម ស្រុកជាំក្សាន្ត ខេត្តព្រះវិហារ។

ក្នុងឱកាសនេះដែរ លោក កេត ឧត្តម បានសម្តែងការគោរពដ៏ខ្ពង់ខ្ពស់ និងផ្ញើសារសួរសុខទុក្ខពីលោក ថេង សុថុល អភិបាលខណ្ឌ ៧ មករា ជូនដល់ កងកម្លាំង វីរកងទ័ពជួរមុខទាំងអស់ សូមជូនពរឲ្យកងទ័ពទាំងអស់ប្រកបដោយសុខភាពល្អ កម្លាំងរឹងមាំ មានទឹកចិត្តក្លាហាន ដើម្បីបន្តបម្រើភារកិច្ចការពារព្រំដែនជាតិ ឈ្នះមារសត្រូវ ដោយជោគជ័យ និងសុវត្ថិភាពពេញលេញ។

សកម្មភាពនេះ គឺជាការចងសម្ព័ន្ធមេត្រីភាព រវាងរដ្ឋបាលខណ្ឌ ៧ មករា និងរដ្ឋបាលខណ្ឌទួលគោក ដែលបានសហការគ្នានាំយកគ្រឿងឧបភោគបរិភោគ និងសម្ភារៈប្រើប្រាស់ជាច្រើនប្រភេទ ជួយដល់វីរកងទ័ពជួរមុខ ដើម្បីលើកទឹកចិត្តកងកម្លាំងដ៏អង់អាចក្លាហាន ពលីជីវិតការពារដែនអធិបតេយ្យភាពកម្ពុជា៕

អត្ថបទ ៖ ម៉េង