ត្រឹមថ្ងៃទី០៥ខែសីហា នេះ រដ្ឋបាល រាជធានី ទទួលថវិកាពីសប្បុរសជនជាង១២៦៤លានរៀលនិងជាង៣៧ម៉ឺន៥ពាន់ដុល្លារ

គិត ត្រឹម ម៉ោង ១៧:៣០នាទីនាថ្ងៃទី០៥ ខែសីហា ឆ្នាំ២០២៥ នេះ រដ្ឋបាល រាជធានី ភ្នំពេញ បានទទួលថវិកាពីសប្បុរសជននៅរាជធានីភ្នំពេញចំនួនជាង១២៦៤លានរៀលនិងជាង៣៧ម៉ឺន៥ពាន់ដុល្លារអាមេរិកព្រមទាំងសម្ភារគ្រឿង ឧបភោគ បរិភោគ ថ្នាំ ពេទ្យ សម្ភារ ផ្សេងៗ ជាច្រេីនមុខ ទៀត ដើម្បីយកទៅ បែងចែកជូនដល់វីរៈកងទ័ពនៅជួរមុខ និងជនភៀស សឹក ដែលសកម្មភាពនេះពិតជាបានបង្ហាញឱ្យឃើញទឹកចិត្តដ៏មុតស្រួច និងប្តូរផ្តាច់ជាមួយកងទព័ជួរមុខរបស់យើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ដោ សម្ផស្ស នាយិការរងរដ្ឋបាលរាជធានីភ្នំពេញ និងជាអ្នកនាំពាក្យរដ្ឋបាលរាជធានីភ្នំពេញបាន ឱ្យដឹងថា ‎គិត ត្រឹម ម៉ោង ១៧:៣០នាទី ថ្ងៃទី០៥ ខែសីហា ឆ្នាំ២០២៥នេះ រដ្ឋបាល រាជធានី ភ្នំពេញ បាននឹងកំពុងបន្តទទួល នូវការបរិច្ចាគពីសប្បុរសជន សរុប១.២៦៤.៣៤២.៦៨៩ រៀលនិង ៣៧៥.៦៩៧,០០ ដុល្លារ អាមេរិក ព្រមទាំង សម្ភារគ្រឿង ឧបភោគ បរិភោគ ថ្នាំ ពេទ្យ សម្ភារ ផ្សេងៗ ជាច្រេីនមុខ ទៀត។

សម្រាប់ថ្ងៃទី០៥ ខែសីហា ឆ្នាំ២០២៥នេះ អភិបាលរងរាជធានីភ្នំពេញ ព្រមទាំង លោកនាយក លោកនាយករង លោកស្រីនាយិការង រដ្ឋបាលរាជធានីភ្នំពេញនៅបន្តរងចាំទទួលអំណោយពីសប្បុរសជននៅសាលារាជធានីភ្នំពេញ ។

ចំពោះអំណោយដែលសប្បុរសជនផ្តល់ជូនសាលារាជធានីភ្នំពេញ នឹងត្រូវបានបែងចែក និងបន្តដឹកជញ្ជូនទៅជូនកងទព័ជួរមុខ និងទៅឱ្យបងប្អូនប្រជាពលរដ្ឋ ជាជនភៀសខ្លួនភ្លាមៗតាមដែលអាចធ្វើបាន៕

ដោយ ៖ ស្រីរ័ត្ន