អភិបាលក្រុងដូនកែវនាំយកសម្ភារៈ និងថវិការបស់អភិបាលខេត្តតាកែវ ផ្ដល់ជូនវីរៈកងទ័ពកំពុងសម្រាកព្យាបាលជំងឺ

លោក កង អាណាន់ អភិបាលក្រុងដូនកែវ ខេត្តតាកែវ នៅព្រឹកថ្ងៃទី១៩ ខែសីហា ឆ្នាំ២០២៥នេះ បាននាំយកអំណោយ សម្ភារៈ និងថវិការបស់លោក វ៉ី សំណាង អភិបាលខេត្តផ្ដល់ជូនវីរៈកងទ័ពជួរមុខលោក ហៀង វាសនា ដែលមានជំងឺ និងកំពុងសម្រាកព្យាបាលនៅគេហដ្ឋាន ស្ថិតក្នុងសង្កាត់រកាក្រៅ ក្រុងដូនកែវ។

លោក កង អាណាន់ អភិបាលក្រុងដូនកែវ បានថ្លែងឱ្យដឹងថា ដោយមានការគិតគូរ និងយកចិត្តទុកដាក់ខ្ពស់ពីសំណាក់លោលអភិបាលខេត្តតាកែវ ចំពោះសុខទុក្ខរបស់បងប្អូនវីរៈកងទ័ព ទើបលោកអភិបាលខេត្ត បានចាត់ឱ្យលោកដឹកនាំ សហការីចុះសួរសុខទុក្ខ និងនាំយកថវិការបស់លោក វ៉ី សំណាង ចំនួន ១.០០០.០០០រៀល អមជាមួយនឹងសម្ភារៈ គ្រឿងឧបភោគ បរិភោគ ដែលជាការចូលរួមពីសំណាក់ បងប្អូន ពូមីង មន្ត្រីរាជការ និងប្រជាពលរដ្ឋក្រុងដូនកែវ តាមរយៈរដ្ឋបាលក្រុង ជូនដល់លោក ហៀង វាសនា ជាកងទ័ពជួរមុខឈរជើងនៅតំបន់ប្រាសាទតាក្របី ដែលកំពុងសម្រាកព្យាបាលរបួសនៅផ្ទះ ស្ថិតនៅភូមិទំនប់ សង្កាត់រកាក្រៅ ក្រុងដូនកែវ ខេត្តតាកែវ។

លោក កង អាណាន់ ក៏បានពាំនាំនូវការផ្ដាំផ្ញើរសាកសួរសុខទុក្ខពីសំណាក់លោក វ៉ី សំណាង ជូនចំពោះវីរៈកងទ័ព ហៀង វាសនា និងបានជូនពរឱ្យឆាប់ជាសះស្បើយពីជំងឺ ដែលបានលះបង់យ៉ាងធំធេង បូជាសាច់ស្រស់ ឈាមស្រស់ មិនគិតគូរពីអាយុជីវិត ការពារបុព្វហេតុជាតិមាតុភូមិ ពីខ្មាំងសត្រូវឈ្លានពាន បូរណភាពទឹកដីប្រទេសជាតិរបស់យើង៕

អត្ថបទ៖ វីរៈ