ព័ត៌មានជាតិ

អាជ្ញាធរសង្កាត់ភ្លើងឆេះរទេះ ចុះសម្អាតបរិស្ថានតាមផ្លូវក្រវាត់ក្រុងទី ៣

បានផុស

១១ ខែ មុន

នៅ

ថ្ងៃសុក្រ ២២ សីហា ២០២៥

ដោយ

អាជ្ញាធរសង្កាត់ភ្លើងឆេះរទេះ ដឹកនាំដោយលោក ពៅ ប៊ុនរី ប្រធានបរិស្ថានសង្កាត់ បានចុះបោសសំអាតសំរាមដែលប្រជាពលរដ្ឋមួយចំនួនបោះចោលគ្មានសណ្ដាប់ធ្នាប់លើដងផ្លូវក្រវាត់ក្រុងទី ៣ ដើម្បីបរិស្ថានស្អាត និងមានអនាម័យល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះសម្អាតអនាម័យនេះធ្វើឡើងនៅព្រឹកទី ២២ ខែសីហា ឆ្នាំ ២០២៥ តាមបណ្ដោយផ្លូវជាតិលេខ ៣ និងបណ្ដោយផ្លូវក្រវាត់ក្រុង ៦០ ម៉ែត្រ ពីព្រំប្រទល់ភូមិត្រាំស្លឹក ដល់ ប្រឡាយតាហោ ភូមិគោកខ្សាច់ ក្នុងមូលដ្ឋានសង្កាត់ភ្លើងឆេះរទេះ ខណ្ឌកំបូល។

លោក ពៅ ប៊ុនរី បានឱ្យដឹងថា ដោយអនុវត្តតាមការណែនាំរបស់ លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល រាជធានីភ្នំពេញ លោក ទ្រី ណារ៉េត អភិបាលរង ទទួលបន្ទុក សាធារណការ និង បរិស្ថាន អនាម័យ លោក ទុយ សុជាតិ ទទួលបន្ទុកការិយាល័យ បរិស្ថាន និង អនាម័យ ខណ្ឌកំបូល រាជធានីភ្នំពេញ និងមានការបញ្ជាផ្ទាល់ពី លោក ស៊ិន វុទ្ធី ចៅសង្កាត់ភ្លើងឆេះរទេះ ចាត់តាំងឱ្យលោកដឹកនាំក្រុមការងារ លោក លោកស្រីមេភូមិទាំង ៨ និង ប្រជាការពារភូមិ សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ចុះសម្អាតបរិស្ថាន អនាម័យ ដើម្បីសោភ័ណភាពទីក្រុងស្អាត ក្នុងភូមិសាស្ត្រសង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។