ព័ត៌មានជាតិ
រដ្ឋមន្ត្រីការបរទេសថ្លែងនៅUN ពីការបំពានរបស់ថៃលើទឹកដី និងសេចក្ដីថ្លៃថ្នូររបស់ពលរដ្ឋខ្មែរ
រដ្ឋមន្ត្រីការបរទេសកម្ពុជាលោកឧបនាយករដ្ឋមន្ត្រី ប្រាក់ សុខុន បានថ្លែងថាទោះបីជាមានបទឈប់បាញ់ក្ដីតែប្រទេសជិតខាងដែលលោកសំដៅលើប្រទេសថៃបានបន្តធ្វើសកម្មភាពដោយឯកតោភាគីដណ្ដើមអធិបតេយ្យភាពទឹកដីរបស់កម្ពុជា ប្រើកម្លាំងបណ្ដេញពលរដ្ឋខ្មែរចេញពីផ្ទះសំបែងដែលពួកគេរស់នៅរាប់ទស្សវត្សមកហើយ គឺជាសកម្មភាពដែលបំផ្លាញដល់ការទុកចិត្ត មិនគោរពនូវកិច្ចព្រមព្រៀង សន្និសញ្ញាអន្តរជាតិ។
ថ្លែងនៅមហាសន្និបាតអង្គការសហប្រជាជាតិនៅព្រឹកថ្ងៃទី២៧ ខែកញ្ញា នៅញ៉ូវយ៉ក ត្រូវនឹងវេលាយប់ម៉ោងប្រមាណ១១នៅកម្ពុជា លោកឧបនាយករដ្ឋមន្ត្រី ប្រាក់ សុខុន សកម្មភាពរាប់មិនអស់របស់ថៃលើកម្ពុជាបានបំផ្លាញដល់កិច្ចខិតខំប្រឹងប្រែងកសាងទំនុកចិត្ត និងសន្ដិភាព។ ក្រៅពីការលើកឡើងពីការបំពារបំពានទឹកដីកម្ពុជាដោយប្រើប្រាស់ផែនទីឯកតោភាគីរបស់ថៃ លោក ប្រាក់ សុខុន បានលើកឡើងពីការបណ្ដេញពលរដ្ឋកម្ពុជាចេញពីផ្ទះសំបែងពួកគេដោយកងទ័ពថៃព្រមទាំងគំរាមកំហែងប្រើច្បាប់ថៃប្រឆាំងពលរដ្ឋកម្ពុជាថែមទៀតផង។
លោកថា៖ «នៅក្នុងដំណើការនេះ អធិបតេយ្យ និងបូរណភាពទឹកដីរបស់កម្ពុជាត្រូវបានរំលោភ ហើយសិទ្ធិ និងសេចក្ដីថ្លៃថ្នូររបស់ប្រជាជនកម្ពុជាជាច្រើនត្រូវបានរំលោភបំពាន»។
ជាមួយគ្នានេះលោកឧបនាយករដ្ឋមន្ត្រីបានថ្លែងពីការប្ដេជ្ញាចិត្តរបស់កម្ពុជាគោរពបទឈប់បាញ់ និងបង្ហាញពីតម្លាភាពពេញលេញនៃការអនុវត្តន៍របស់ខ្លួនផងដែរ។ លោកបានស្វែងរកការគាំទ្រពីអាស៊ាន អគ្គលេខាធិការអង្គការសហប្រជាជាតិ ស្ថាប័នរបស់UN និងមេដឹកនាំពិភពលោកដើម្បីជួយបន្ថយភាពតានតឹងរវាងកម្ពុជា-ថៃ និងលើកទឹកចិត្តដល់ការស្វែងរកដំណោះស្រាយដោយសន្ដិវិធីទប់ស្កាត់សោកនាដកម្មបន្តទៀត។
លោកបន្ថែមថា៖ «កម្ពុជាជាប្រទេសតូចមួយដែលផ្តោតលើការកសាងសេដ្ឋកិច្ចរបស់យើងឡើងវិញ និងលើកកម្ពស់សុខុមាលភាពរបស់ប្រជាជនយើង។ យើងមិនបង្កការគំរាមកំហែងដល់អធិបតេយ្យភាពរបស់ប្រទេសណាមួយឡើយ»។
ជាមួយនឹងការប្ដេជ្ញាការពារទឹកដី បូរណភាពទឹកដីរបស់ខ្លួនជានិច្ច លោកឧបនាយករដ្ឋមន្ត្រីថាកម្ពុជានឹងបន្តខិតខំ ប្រឹងប្រែងស្តារឡើងវិញនូវទំនុកចិត្ត និងប្រក្រតីភាព លើកកម្ពស់ការរួមរស់ជាមួយគ្នាប្រកបដោយសុខដុមរមនា និងទំនាក់ទំនងអ្នកជិតខាងល្អ និងប្រែក្លាយតំបន់ព្រំដែនទៅជាតំបន់សន្តិភាព មិត្តភាព កិច្ចសហប្រតិបត្តិការ និងវិបុលភាពរួមគ្នា៕
អត្ថបទដោយ ហ៊ុន សិរីវឌ្ឍន៍
-
សេដ្ឋកិច្ច៦ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
សន្តិសុខសង្គម១៣ ម៉ោង agoជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ តែអកុសលក្មេងរងគ្រោះបានស្លាប់
-
ព័ត៌មានជាតិ៣ ថ្ងៃ agoអភិបាលរាជធានី ណែនាំឱ្យអាជ្ញាធរយកចិត្តទុកដាក់ខ្ពស់ចំពោះគ្រួសារយុទ្ធជនជួរមុខនៅក្នុងមូលដ្ឋាន
-
ជីវិតកម្សាន្ដ៦ ថ្ងៃ agoសមាគមសិល្បករខ្មែរ ជូនដំណឹងពីការរៀបចំបុណ្យសព លោក ផៃ ផុរ៉ាក់ និងអំពាវនាវសាធារណជនចូលរួមឧបត្ថម្ភតាមសទ្ធា
-
ព័ត៌មានជាតិ៥ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៣ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ១ សប្តាហ៍ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៦ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ