Connect with us

នយោបាយ

លោកម៉ៅ មុនីវណ្ណ៖ លោកសម រង្ស៊ី និងបក្ខពួក ជាអ្នកបំបែកអ្នកប្រជាធិបតេយ្យ មិនមែនលោកកឹម សុខាទេ

បានផុស

នៅ

អតីតអ្នកតំណាងរាស្រ្តរបស់អតីតគណបក្សសង្រ្គោះជាតិ លោកម៉ៅ មុនីវណ្ណ នៅព្រឹកថ្ងៃចន្ទនេះ បានចេញមកវាយប្រហារទៅលើលោកសម រង្ស៊ី និងក្រុមរបស់លោកដែលបានបរិហារទៅលើលោកកឹម សុខា។ លោកម៉ៅ មុនីវណ្ណ បានអះអាងថា គឺរូបលោកសម រង្ស៊ី និងក្រុមរបស់លោកនេះហើយដែលជាអ្នកបំបែកអ្នកប្រជាធិបតេយ្យ មិនមែនរូបលោកកឹម សុខា ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈហ្វេសប៊ុក អតីតអ្នកតំណាងរាស្រ្តរូបនេះ បានសរសេរថា៖ «ខ្លាចជីវិតនយោបាយខ្លួនចប់ ឬមួយខ្លាចដើរបោកលុយគេលែងបាន។លោកកឹម សុខា មិនមែនជាអ្នកបំបែកឯណា គឺសម រង្សី និងបរិវារទៅបង្កើតចលនា និងវិលទៅបក្សភ្លើងទៀនវិញ នោះហើយជាអ្នកបំបែកអ្នកប្រជាធិបតេយ្យ»។ លោកម៉ៅ មុនី វណ្ណ បានគូសបញ្ជាក់យ៉ាងដូច្នេះ បន្ទាប់ពីលោកបានសង្កេតឃើញថា លោកសម រង្ស៊ី និងក្រុមរបស់លោកបានវាយបកមកលោកកឹម សុខា វិញ ក្រោយពីលោកកឹម សុខា បានចេញមកអំពាវនាវឱ្យលោកសម រង្ស៊ី និងក្រុមរបស់លោកបញ្ឈប់យកឈ្មោះ និងរូបភាពរបស់លោកទៅប្រើប្រាស់តទៅទៀត។

លោកកឹម សុខា ប្រធានអតីតគណបក្សប្រឆាំងកាលពីថ្ងៃអាទិត្យ បានចេញមកអះអាងចំៗថា លោក សម រង្ស៊ី និង សហការីនៅតែបន្តយកឈ្មោះ និងរូបថតរបស់លោកទៅប្រើប្រាស់ភ្ជាប់ជាមួយនឹងសកម្មភាពនានា ដែលពុំមានការអនុញ្ញត ឬ គាំទ្រពីរូបលោក។ លើសពីនេះទៅទៀត លោក សម រង្ស៊ី និង សហការីបានដើរចេញពីគោលការណ៍ និង ស្មារតីដើមនៃការរួបរួមគ្នា ដោយទៅបង្កើតចលនានយោបាយផ្សេងៗ និងមុខតំណែងខ្លួនឯង ជាពិសេសថ្មីៗនេះ គឺការត្រឡប់ទៅគាំទ្រដោយចំហរ ឬ នៅពីក្រោយការដឹកនាំគណបក្សនយោបាយចាស់របស់ពួកគេ គឺគណបក្សភ្លើងទៀន។ សម្រាប់លោកកឹម សុខា គឺទង្វើរបស់ពួកគេនេះសបញ្ជាក់ឱ្យឃើញថា សម រង្ស៊ី និង កឹម សុខា មិនមែនជាមនុស្សតែមួយទេ ព្រោះសកម្មភាពទាំងអស់នេះ មិនមានការគាំទ្រ ឬ ជាជំហររបស់លោកឡើយ។

ប្រឈមនឹងបញ្ហានេះ លោកកឹម សុខា បានបញ្ជាក់យ៉ាងនេះថា៖«ខ្ញុំសូមអំពាវនាវឱ្យលោក សម រង្ស៊ី និង ក្រុមខាងលើ ឈប់បំពានមកលើរូបខ្ញុំដោយការយកឈ្មោះ និងរូបថតខ្ញុំ ទៅប្រើប្រាសភ្ជាប់ជាមួយសកម្មភាពមហិច្ឆិតានយោបាយរបស់ខ្លួន ដែលធ្វើឱ្យសាធារណមតិជាតិ និង អន្តរជាតិមានការភ័ន្តច្រឡំ។ ខ្ញុំសូមបញ្ជាក់ផងដែរថា ខ្ញុំមិនពាក់ព័ន្ធ និង មិនទទួលខុសត្រូវចំពោះសកម្មភាពរបស់លោក សម រង្ស៊ី និង ក្រុមនោះឡើយ»។

ជាការឆ្លើយតបវិញ លោកសម រង្ស៊ី តាមរយៈទំព័រហ្វេសប៊ុកកាលពីយប់ថ្ងៃអាទិត្យមិនបានសំដៅទៅរូបលោកកឹម សុខា ឡើយ តែបែរវាយប្រហារទៅលើសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា។ លោកសម រង្ស៊ីថា សេចក្តីថ្លែងការណ៍របស់លោកកឹម សុខានេះ គឺជាលទ្ធផលនៃការគំរាមកំហែងពីសំណាក់សម្តេចតេជោនាយករដ្ឋមន្រ្តីទៅវិញ៕

អត្ថបទ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ នាទី មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ១០ នាទី មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានជាតិ២៨ នាទី មុន

សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ចុះពិនិត្យព្យាបាលជំងឺពលរដ្ឋនៅស្រុកថ្មគោល

ព័ត៌មានជាតិ៤២ នាទី មុន

កម្មករ-និយោជិត សរសើរថា ពេលមកបើកលុយ ក្រសួងការងារ បានយកចិត្តទុកដាក់លើសពីការរំពឹងទុក

ព័ត៌មានជាតិ៤៥ នាទី មុន

សម្តេចធិបតី និងលោកជំទាវបណ្ឌិត ចាត់ឱ្យគ្រូពេទ្យព្យាបាលពូម្នាក់ដែលមានជំងឺបេះដូងរីក

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

សន្តិសុខសង្គម៥ ថ្ងៃ មុន

បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)

Sokha Hotels

ព័ត៌មានពេញនិយម