នយោបាយ
លោក ជិន ម៉ាលីន ៖ គ្មានអ្វីខុសទេដែលកម្ពុជាជាប្រធានអាស៊ានទៅសម្របសម្រួលរដ្ឋអាស៊ានណាមួយ
លោក ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌នៅរសៀលថ្ងៃអង្គារនេះ បានលើកឡើងថា ការដែលកម្ពុជាដើរតួក្នុងនាមជាប្រធានអាស៊ាន ហើយទៅសម្របសម្រួលប្រទេសក្នុងតំបន់អាស៊ាន គឺគ្មានអ្វីដែលខុសនោះទេ។ លោក ជិន ម៉ាលីន បានលើកឡើងដូច្នេះជាការឆ្លើយតបទៅនឹងការរិះគន់មួយចំនួនដែលមិនពេញចិត្ត និងជំទាស់មិនចង់ឲ្យកម្ពុជាចូលសម្របសម្រួលបញ្ហានៅប្រទេសមីយ៉ាន់ម៉ា។
លោក ជិន ម៉ាលីន បានថ្លែងបែបនេះថា ការសម្របសម្រួល ឬក៏អាចហៅបានថា សន្ធានកម្មរបស់អាស៊ាន គឺជាវិវាទរវាងរដ្ឋ នឹងរដ្ឋដែលមានន័យថាមានរដ្ឋមួយ មានវិវាទ នឹងរដ្ឋមួយទៀតដែលត្រូវដោះស្រាយដោយគោលការណ៍សម្របសម្រួល។ ការបង្រួបបង្រួមបណ្តាប្រទេសនៃតំបន់អាស៊ានទាំង១០ គឺមិនមានអ្វីដែលខុសនោះទេ ។ ធម្មនុញ្ញ និងគោលបំណងរបស់អាស៊ាន បានបញ្ជាក់យ៉ាងច្បាស់ហើយថា អាស៊ាន គឺត្រូវតែមាន ១០ប្រទេស។ ដូច្នេះ លោកថា ការដែលកម្ពុជាក្នុងនាមជាប្រធានអាស៊ានអនុវត្តការបង្រួបបង្រួមអាស៊ាន ដើម្បីបំពេញទៅតាមស្មារតីធម្មនុញ្ញ និងគោលបំណងរបស់អាស៊ាន គឺជារឿងត្រឹមត្រូវ។
លោក ជិន ម៉ាលីន បានបន្ថែមទៀតថា ក្នុងករណីដែលអាស៊ានមិនមាន ១០ ប្រទេសនោះទេ គឺមិនអាចនឹងដោះស្រាយបញ្ហាអ្វីចេញឡើយ ព្រោះថា ធម្មនុញ្ញអាស៊ានបានចែងថា ការសម្រេចណាមួយ គឺត្រូវតែមានកុងសង់ស៊ីស (Consensus) ពីសមាជិកទាំង១០ប្រទេស។ ដូចនេះ បើបាត់មួយ តួយ៉ាង មីយ៉ាន់ម៉ា គឺអាស៊ានមិនអាចដើរទៅមុខរួចនោះទេ ហើយក៏មិនអាចដោះស្រាយបញ្ហាបាននោះដែរ ព្រោះមិនអាចសម្រេចអ្វីបាន។ សម្រាប់លោកជិន ម៉ាលីន គឺកត្តានេះហើយដែលនឹងធ្វើឱ្យរាំងស្ទះដល់ដំណើរការរបស់អាស៊ានទាំងមូល។ អាស្រ័យហេតុដូច្នេះហើយ ការបង្រួបបង្រួមអាស៊ានទាំង ១០ ប្រទេសឡើងវិញ គឺមានសារៈសំខាន់ណាស់ដើម្បីឱ្យអាស៊ានអាចដំណើរការដោះស្រាយបញ្ហាធំ ៗ ទាំងក្នុងតំបន់ ក៏ដូចជា នៅក្នុងពិភពលោកបានជាបន្តទៀត។
គួររម្លឹកជូនថា កាលពីថ្ងៃទី០៩ ខែធ្នូ ឆ្នាំ២០២១ ក្នុងឱកាសអញ្ជើញចុះត្រួតពិនិត្យអំពីវឌ្ឍនភាពនៃការសាងសង់”អាកាសយានដ្ឋានអន្តរជាតិតេជោ” សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចោទជាសំណួរថា៖«ការសង្គ្រោះអាស៊ានបែកបាក់ដែលពី ១០ មកនៅ ៩ ឲ្យទៅជាអាស៊ាន ១០ តើខ្ញុំមានកំហុសឬអត់?អាហ្នឹងចោទជាសំណួរទៅ ។ ឲ្យពួកអ្នកវិភាគលើសកលលោកផ្នែកខាងអន្តរជាតិ អ្នកសរសេរអត្ថបទធំៗលើពិភពលោកនាំគ្នាវិភាគទៅ។ តើអាស៊ាន គួរទុក ៩ ឲ្យខុសនឹងធម្មនុញ្ញអាស៊ានឬអាស៊ានត្រូវមាន ១០?» ៕
អត្ថបទ ៖ ណារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ