នយោបាយ
សម្ដេចតេជោ ព្រមានប្រើពេល ៥ ទៅ ១៥ នាទី ដើម្បីដកចោលមេទ័ព ឬមេប៉ូលិសណាមិនទប់ស្កាត់បដិវត្តពណ៌
ក្នុងឋានៈជានាយករដ្ឋមន្ត្រីនៃកម្ពុជា និងនាយឧត្តមសេនីយ៍ផុតលេខ ផ្កាយមាស៥ សម្តេចតេជោ ហ៊ុន សែន បានព្រមានទៅដល់មេទ័ព និងមេប៉ូលិសទាំងអស់ថា សម្តេចអាចប្រើពេលពី៥ ទៅ១៥នាទីប៉ុណ្ណោះក្នុងការដកពួកគេចេញពីតំណែង បើសិនពួកគេមិនធ្វើសកម្មភាពទប់ស្កាត់បដិវត្តពណ៌នៅកម្ពុជា។ សម្តេចព្រមានបែបនេះ នៅក្នុងពិធីសម្ពោធដាក់ឲ្យប្រើប្រាស់ជាផ្លូវការនូវ អគាររដ្ឋបាល និងសាលប្រជុំទីស្តីការក្រសួងការពាជាតិថ្មីនៅព្រឹកថ្ងៃទី២៩ ខែធ្នូ ឆ្នាំ២០២១នេះ។
សម្តេចតេជោ ហ៊ុន សែន បានបញ្ជាក់ថា៖ «នៅក្នុងអំណាចរបស់ខ្ញុំ មេទ័ព ឬមេប៉ូលិសណាមិនព្រមធ្វើសកម្មភាព សុំទោស បើអនុក្រឹត ត្រឹមតែ៥នាទី ទៅ ១៥នាទី គឺចប់ហើយ ប្រកាសដកស្រវាត់ចោលតែម្តង ចៅហ្វាយខេត្តក៏ដោយ និយាយគ្នាឲ្យត្រង់ៗអ៊ីចឹងតែម្តង។ មេកងពល មេភូមិភាគ ឧត្តមសេនីយ៍ បើមិនធ្វើសកម្មភាពទប់ស្កាត់ គឺដកចេញពីតំណែង ហើយដាក់មេទ័ពថ្មីចូល រឿង វាត្រូវតែអ៊ីចឹង»។
មិនប៉ុណ្ណោះ សម្តេចតេជោនាយករដ្ឋមន្រ្តី បានសង្កត់ធ្ងន់ថា៖ «បើគេដាច់ខាតត្រូវផ្តួលរំលំយើង យើងដាច់ខាត ត្រូវកម្ទេចគេចោល យើងអត់មានជម្រើស»។ បើតាមសម្តេចតេជោ គឺក្រុមអតីតបក្សប្រឆាំងចង់ផ្តួលរំលំរដ្ឋាភិបាលស្របច្បាប់ប៉ុន្មានឆ្នាំមកហើយ តែត្រូវបានកាត់ស្កាត់បានទាំងស្រុង។ សម្រាប់សម្តេចតេជោ ហ៊ុន សែន ចំណុចគន្លឹះនៃមេធ្វើបដិវត្តពណ៌ គឺការធ្វើឲ្យអព្យាក្រិតភាពនៃកងកម្លាំងប្រដាប់អាវុធ និងរដ្ឋបាលស៊ីវិល។ ចំណែក ចំណុចគន្លឹះនៃអ្នកការពារប្រទេស និងការពារដ្ឋធម្មនុញ្ញ គឺត្រូវក្តោបឲ្យបាននូវកងកម្លាំងប្រដាប់អាវុធ និងរដ្ឋបាលស៊ីវិល៕
អត្ថបទ ៖ វណ្ណ សុគន្ធា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ