នយោបាយ
លោក ស៊ឺ ហៀក ប្តេជ្ញាចិត្តបម្រើប្រជាជនមិនខ្លាចនឿយហត់ ក្រោយជាប់ឈ្មោះបោះឆ្នោតចៅសង្កាត់អាណត្តិថ្មី
ក្នុងសន្និបាតបូកសរុបលទ្ធផលការងារ ៥ឆ្នាំ អាណត្តិទី៤ និងលើកទិសដៅកម្មវិធីនយោបាយអភិវឌ្ឍន៍ ៥ឆ្នាំ អាណត្តិទី ៥ ក្នុងសង្កាត់កំពង់ស្វាយ ឆ្នាំ២០១៧-២០២២ និងទិសដៅបន្ត ឆ្នាំ២០២២-២០២៧ លោក សុឺ ហៀក បានឡើងធ្វើការ ប្តេជ្ញាចិត្តថា ក្រោយពីរូបលោក ជាប់ឈ្មោះបោះឆ្នោត ជាចៅសង្កាត់អាណត្តិទី៥ រួចមកលោក និងខិតខំបម្រើប្រជាជនដោយពុំខ្លាចពីការ នឿយហត់ទោះបីក្នុងកាលៈទេសៈណាក៏ដោយ។
នៅព្រឹក ថ្ងៃទី ២០ ខែមករា ឆ្នាំ ២០២២ ក្នុងបរិវេណនេះ គណៈបក្សប្រជាជនកម្ពុជា សង្កាត់កំពង់ស្វាយ ស្ថិត ក្នុងភូមិ កំពង់ស្វាយ ក្រុងសិរិសោភ័ណ ខេត្តបន្ទាយមានជ័យ ដោយមានការចូលរួម លោក អ៊ី ឡុង អនុប្រធានក្រុមការងារថ្នាក់កណ្តាលចុះជួយក្រុង លោកព្រឹមសាលី អនុប្រធានក្រុមការងារខេត្តចុះជួយសង្កាត់កំពង់ស្វាយ និងសមាជិក សមាជិការ ជាច្រើនរយនាក់។
ក្នុងអាណត្តិទី៥នេះ សមាជិក សមាជិកា ជាច្រើនរយនាក់បានសម្ដែង នូវការគាំទ្របោះឆ្នោតយ៉ាងពេញទំហឹង ដល់លោក សុឺ ហៀកជាចៅសង្កាត់កំពង់ស្វាយ ចំណែកបេក្ខជនទាំងអស់ ទាំងថ្មី និងចាស់ គឺត្រូវបន្ត នូវប្រពៃណីដឹកនាំ ដ៏ល្អរបស់ គណបក្សប្រជាជនកម្ពុជា នឹងត្រូវខិតខំធ្វើការងារបំរើប្រជាជន បង្កើនសមត្ថភាព ប្រជាប្រិយ ភាពរបស់ខ្លួនបន្ថែមទៀត ដើម្បីទាក់ទាញទឹកចិត្ត របស់ប្រជាជនមកគាំទ្រលើការដឹកនាំ របស់គណបក្ស ប្រជាជនកម្ពុជាបន្ត។
លោក សុឺ ហៀកបានមានប្រសាសន៍បន្តទៀតថា ទោះបីក្នុងកាលៈទេសះណាក៏ដោយលោកនៅតែឈរខាងប្រជាជនជានិច្ច និងរួមសុខរួមទុក្ខជាមួយប្រជាជននូវប្រពៃណីដឹកនាំ ដ៏ល្អផូរវង់ របស់ គណបក្សប្រជាជនកម្ពុជា នឹងត្រូវខិតខំធ្វើការងារបំរើប្រជាជន បង្កើនសមត្ថភាព ប្រជាប្រិយភាពរបស់ខ្លួនបន្ថែមទៀត ដើម្បីទាក់ទាញទឹកចិត្ត របស់ប្រជាជនមកគាំទ្រលើការដឹកនាំ របស់គណបក្ស ប្រជាជនកម្ពុជាបន្ត។
ក្នុងនោះលោកបានអរគុណយ៉ាងស្មោះចំពោះសមាជិក សមាជិកានៃអង្គសន្និបាតទាំងមូល ដែលបានយកចិត្តទុកដាក់អស់ពីកម្លាំងកាយចិត្តរួមគ្នាបោះឆ្នោតជូន លោកធ្វើជា ចៅសង្កាត់កំពង់ស្វាយអាណត្តិទី៥នេះ។
ក្នុងនោះលោកអុីឡុង បានបញ្ជាក់ឲ្យដឹងថា ឆ្លងតាមរបាយការណ៍ទិសដៅភារកិច្ចបន្តនៅពេលនេះ រហូតដល់ការបោះឆ្នោតខាងមុខ និងឆ្លងតាមគោលនយោបាយអភិវឌ្ឍន៍មូលដ្ឋានរបស់គណបក្ស សង្កាត់កំពង់ស្វាយ សំរាប់អាណត្តិទី៥នេះ បានឆ្លុះបញ្ចាំងនូវមតិយោបល់នានា របស់សមាជិក សមាជិកា នៃអង្គសន្និបាត ដែលបានធ្វើការវាយតម្លៃត្រឹមត្រូវនូវសមិទ្ធផលនានាដែលសង្កាត់កំពង់ស្វាយបានកសាងសម្រេចបានរហូតមកដល់ពេលនេះព្រោះប្រជាជនជឿជាក់លើគណបក្សប្រជាជនកម្ពុជាដែលខិតខំបំរើប្រជាជនអស់ពីសមត្ថភាពកន្លងមក។
ក្នុងនោះ លោក អ៊ី ឡុង បានជម្រុញលើកទឹកចិត្តដល់សមាជិក សមាជិកា នៃគណបក្សប្រជាជនកម្ពុជា តាមមូលដ្ឋាន ត្រូវខិតខំប្រឹងប្រែងយកចិត្តទុកដាក់លើការរស់នៅប្រចាំថ្ងៃរបស់ប្រជាជន និងពង្រីកបណ្តាញសមាជិកឲ្យបានច្រើនថែមទៀត។
ទន្ទឹមនឹងនេះដែរ មន្ត្រីគណបក្សប្រជាជនកម្ពុជា គឺត្រូវបង្ហាញនូវសមត្ថភាព ចំណេះដឹង បទពិសោធន៍ ដើម្បីបំរើសេវាសាធារណៈដល់ប្រជាពលរដ្ឋឲ្យល្អ ហើយក្នុងនោះ លោកក៏បានស្នើសុំដល់សមាជិកសមាជិកាទាំងអស់ កុំជឿការញ៉ុះញ៉ុងរបស់គណបក្សដ៍ទៃ ក្រៅពីការដឹកនាំរបស់បក្សប្រជាជនកម្ពុជា ដូចសព្វថ្ងៃនេះ។
លោក អុីឡុងបានអំពាវនាវ ដល់មន្ត្រី គណបក្សប្រជាជនកម្ពុជាទាំងអស់ ត្រូវយកចិត្តទុកដាក់ការពារ ទប់ស្កាត់ ការឆ្លងរីករាលដាលជម្ងឺកូវីដ-១៩ ព្រោះថា កូវីដមិនភ្លេចយើងទេ ដោយត្រូវបន្តអនុវត្តន៍ ៣កុំ និង ៣ការពារ និងត្រូវរៀនរស់តាមគន្លងថ្មី ហើយជាពិសេសនោះ ត្រូវរួមគ្នាអនុវត្តន៍គោលនយោបាយភូមិឃុំមានសុវត្ថិភាព ឲ្យបានល្អប្រសើរក្រោយពីបញ្ចប់អង្គសន្និបាត សមាជិក សមាជិកា គណបក្សសង្កាត់ទាំងអស់បានទទួលសារ៉ុង១នាក់១ ពីលោក អ៊ី ឡុង អនុប្រធានក្រុមការងារថ្នាក់កណ្តាលចុះជួយក្រុង លោកព្រឹម សាលី អនុប្រធានក្រុមការងារខេត្តចុះជួយសង្កាត់កំពង់ស្វាយ៕
អត្ថបទ៖ វ៉ាន់ ណាង
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល