នយោបាយ
លោក សុន ឆ័យ ថា ការដឹកនាំធ្វើបាតុកម្មរបស់ថ្នាក់ដឹកនាំខ្លួនពីមុន មិនដែលបានផលប្រយោជន៍អីទេ
លោក សុន ឆ័យ ដែលមានតួនាទីជាអនុប្រធានគណបក្សភ្លើងទៀនមិនស្របច្បាប់បានអះអាងថា ការដឹកនាំធ្វើបាតុកម្មរបស់ថ្នាក់ដឹកនាំខ្លួនពីមុនមក (អតីតមេដឹកនាំគណបក្សសង្គ្រោះជាតិ) ដើម្បីទាមទារអ្វីមួយនោះ មិនដែលទទួលបានផលប្រយោជន៏អីទេ លោកថា មានតែការនិយាយគ្នា ពិភាក្សាគ្នាប៉ុណ្ណោះ។
លោក សុន ឆ័យ លើកឡើងបែបនេះ នៅក្នុងសន្និសីទសារព័ត៌មានមួយ កាលពីព្រឹកថ្ងៃទី១១ ខែកក្កដា ឆ្នាំ២០២២នេះ ដែលរួមគ្នាធ្វើដោយតំណាងគណបក្សនយោបាយចំនួន៥ រួមមាន គណបក្សភ្លើងទៀន, គណបក្សឆន្ទៈខ្មែរ, គណបក្សកែទម្រង់កម្ពុជា, គណបក្សប្រជាធិបតេយ្យមូលដ្ឋាន និងគណបក្សកម្ពុជានិយម (អវត្តមាន) ដើម្បីបង្ហាញគោលបំណង និងផែនការនៃការតស៊ូមតិលើសំណើកែលម្អប្រព័ន្ធបោះឆ្នោត និងសេរីភាពនយោបាយនៅកម្ពុជា។
លោក សុន ឆ័យ លើកឡើងថា ក្នុងនាមគណបក្ស លោកនឹងធ្វើការដោយសន្តិវិធី និងមានហេតុផលត្រឹមត្រូវ ដោយមិនចេះតែនិយាយប៉ប៉ាច់ប៉ប៉ោចឥតប្រយោជន៍ ជេរប្រមាថ និងធ្វើបាតុកម្មនោះទេ។ លោកបញ្ជាក់យ៉ាងនេះថា “ខ្ញុំមិនយកគោលការណ៍ហ្នឹងមកទេ។ ខ្ញុំបានប្រកាសមុនគេហើយ តាំងពីគណបក្សភ្លើងទៀនត្រូវបានរៀបចំឡើងវិញ ខ្ញុំមិនឱ្យអនុវត្តរឿងធ្វើបាតុកម្មអីទេ លទ្ធផលមានតែការជជែកគ្នាទេ។ បាតុកម្មរាល់ដង របស់ថ្នាក់ដឹកនាំមុនមក មិនដែលបានផលប្រយោជន៍អីទេ មានតែជជែកគ្នាទេ បើមិនស្ដាប់ទេ ថ្ងៃណាមួយគង់តែនឹងទទួលយក”។
ជាបទពិសោធន៍លោក សុន ឆ័យ អះអាងថា នៅក្នុងជីវិតនយោបាយកន្លងទៅជាអ្នកតំណាងរាស្ត្រ លោកធ្លាប់បានតស៊ូរឿងផ្លូវជាតិលេខ៤ រហូតឈប់យកលុយ។ លោកថា ការពន្យល់ដោយហេតុផល យូរៗទៅអាចនឹងមានដំណោះស្រាយដែរ ពីព្រោះមតិសាធារណៈសំខាន់ណាស់ នៅក្នុងរបបប្រជាធិបតេយ្យ ថ្នាក់ដឹកនាំគោរពប្រជាប្រជារាស្ត្រ ប៉ុន្តែយើងនិយាយប៉ប៉ាច់ប៉ប៉ោច មិនតវ៉ាគ្មានហេតុផលអីទេ។
លោក សុន ឆ័យ បញ្ជាក់ដែរថា “គេក៏មានខួរក្បាលដែរ គេមានចំណេះដឹងដែរ បើតវ៉ាមិនសមហេតុផល សភាមិនតាមត្រឹមត្រូវហើយ គ.ជ.ប មិនតាមត្រឹមត្រូវហើយយើង។ ទៅយកគំនិតមិនបាច់ធ្វើអី ដេកផ្ទះ ចាំវាសនាធ្លាក់ពីលើមេឃមក យើងមិនអាចធ្វើបែបនេះទេ ការងារនយោបាយយើងត្រូវតែតស៊ូមតិ”។
ជាការកត់សំគាល់ ការលើកឡើងរបស់លោក សុន ឆ័យ ថ្វើបើលោកមិនបានបញ្ចេញចំឈ្មោះថ្នាក់នាំណាម្នាក់ក៏ដោយ ប៉ុន្តែគេអាចដឹងបានថា កន្លងមកមានតែទណ្ឌិត សម រង្ស៊ី និងគូកនរបស់គាត់តែប៉ុណ្ណោះ ដែលតែងតែដឹកនាំធ្វើបាតុកម្មជាញឹកញាប់ប្រឆាំងទៅនឹងលទ្ធផលបោះឆ្នោត និងអ្វីមួយដែលលោកមិនពេញចិត្ត រហូតបានឈ្មោះជា “ដង្ខៅបាតុកម្ម” ទៀតផង ហើយកាលនោះ លោក សុន ឆ័យ គឺជាកូនចៅ និងជាមនុស្សជំនិតរបស់លោក សម រង្ស៊ី ទៀតផង។ រហូតមកដល់ពេលនេះ លោក សុន ឆ័យ ទើបដឹងខ្លួនថា ការដឹកនាំធ្វើបាតុកម្មរបស់ សម រង្ស៊ី ឥតន័យ អត់បានប្រយោជន៍។
ល្បិចសាច់កម្មរបស់ សម រង្ស៊ី នៅពេលនោះ គឺគ្រាន់តែជាការតថ្លៃអ្វីមួយប៉ុណ្ណោះ ហើយលទ្ធផលនៃការបោះឆ្នោត សម រង្ស៊ី តែងតែទទួលយកមិនដែលចោលម្តងណាទេ៕
ដោយ ៖ កោះកែវ
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៣ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង