នយោបាយ
លោក សុខ ឥសាន៖កិច្ចព្រមព្រៀងទីក្រុងប៉ារីស កើតពីនយោបាយរួបរួមជាតិរបស់គណបក្សប្រជាជន
នៅថ្ងៃទី២០ ខែតុលា ឆ្នាំ២០២២ អ្នកនាំពាក្យគណបក្សប្រជាជនកម្ពុជា លោក សុខ ឥសាន បានអះអាងថា កិច្ចព្រមព្រៀងសន្តិភាពទីក្រុងប៉ារីស ២៣ តុលា ឆ្នាំ១៩៩១ បានកើតចេញពីគោលនយោបាយបង្រួបបង្រួមជាតិរបស់គណបក្សប្រជាជនកម្ពុជា ដើម្បីប្រមូលខ្មែរគ្រប់ភាគីជម្លោះចូលតុចចារ ហើយបញ្ចប់សង្គ្រាមស៊ីវិលនៅកម្ពុជា។
នៅក្នុងវេទិកាពិភាក្សាស្ដីពីខួបលើកទី ៣១ឆ្នាំនៃកិច្ចព្រមព្រៀងសន្តិភាពទីក្រុងប៉ារីស លោក សុខ ឥសាន បានថ្លែងថា ក្រោយការដួលរលំរបបកម្ពុជាប្រជាធិបតេយ្យឆ្នាំ១៩៧៩ គឺប្រទេសកម្ពុជាមិនទាន់ទទួលបានសុខសន្តិភាពពេញលេញនៅឡើយទេ ដោយនៅបន្តមានជម្លោះផ្ទៃក្នុងរវាងខ្មែរនិងខ្មែរ ហើយបានបង្កជាសង្គ្រាមស៊ីវិលជាបន្តបន្ទាប់នៅកម្ពុជា។ ដូច្នេះ «ដោយមើលឃើញអំពីទុក្ខវាទនារបស់ប្រជាជនកម្ពុជា ដែលរងគ្រោះដោយសារសង្គ្រាមស៊ីវិល ទើបគណបក្សប្រជាជនកម្ពុជាបានសម្រេចដាក់ចេញគោលនយោបាយបង្រួបបង្រួមជាតិ»។
ត្រង់ចំណុចនេះ លោក សុខ ឥសាន បានលើកឡើងថា តាមរយៈការដាក់ចេញនយោបាយបង្រួបបង្រួមជាតិនេះហើយដែលនាំទៅដល់ការស្វែងរកកិច្ចចចារនានារវាងភាគីជម្លោះទាំងអស់ ដើម្បីឈានឆ្ពោះទៅបញ្ចប់ជម្លោះ និងសង្គ្រាមស៊ីវិល ហើយដើម្បីធានានូវសុខសន្តិភាពទាំងស្រុងនៅកម្ពុជា។ លោក បានគូសបញ្ជាក់ថា តួអង្គសំខាន់នៃដំណើរឆ្ពោះទៅស្វែង រកកិច្ចចរចានេះ គឺសម្ដេចព្រះបរមរតនកោដ្ឋ ព្រះបាទ នរោត្តម សីហនុ អតីតព្រះមហាវីរក្សត្រនៃកម្ពុជា និងសម្ដេចតេជោ ហ៊ុន សែន ក្នុងនាមជារដ្ឋមន្ត្រីការបរទេសនៃរដ្ឋាភិបាលសាធារណរដ្ឋប្រជាមានិតកម្ពុជា។
បើតាមមន្ត្រីនាំពាក្យរូបនេះ ជំនួបរវាងសម្ដេចព្រះបាទ នរោត្តម សីហនុ និងសម្ដេចតេជោ នាពេលនោះបាននាំឲ្យមានកិច្ចព្រមព្រៀងសន្តិសភាពទីក្រុងប៉ារីស ស្ដីពីបញ្ហានៅកម្ពុជា នៅថ្ងៃទី២៣ ខែតុលា ឆ្នាំ១៩៩១។ លោក បញ្ជាក់ឲ្យដឹងដែរថា តាមរយៈកិច្ចព្រមព្រៀងនេះ កម្ពុជាបានបញ្ចប់ជម្លោះនៅកម្ពុជា រំសាយអង្គការចាត់តាំងយោធា ការបង្កើតឲ្យមានរដ្ឋធម្ម នុញ្ញថ្មី ការបោះឆ្នោតជាសកលរៀបចំដោយអ៊ុនតាក់ និងការធានាដល់លទ្ធិប្រជាធិបតេយ្យ សិទ្ធិមនុស្ស អធិបតេយ្យភាព និងឯកភាពជាតិកម្ពុជា ជាដើម៕
ដោយ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី