ព័ត៌មានជាតិ
ឆ្នាំ ២០២០ សម្តេចតេជោ ហ៊ុន សែន ធ្លាប់ព្រមានអ្នករំលោភដីឆ្នេរ ទោះមានប្លង់ក៏អាចដកហូតវិញបាន
ថ្លែងក្នុងពិធីជួបសំណេះសំណាលជាមួយមន្រ្តីរាជការ និងក្រុមការងារបច្ចេកទេសស្ថាបនាហេដ្ឋារចនាសម្ព័ន្ធផ្លូវក្រុង នៅខេត្តព្រះសីហនុកាលពីថ្ងៃ ០១ មិថុនា ឆ្នាំ ២០២០ សម្តេចតេជោ ហ៊ុន សែន នាយករដ្ឋមន្ត្រីកម្ពុជាធ្លាប់ព្រមានអ្នករំលោភកាន់កាប់ដីឆ្នេរ បើទោះមានប្លង់ចេញដោយអាជ្ញាធរក៏អាចរឹបអូសវិញបាន ឲ្យតែប៉ះពាល់ប្រយោជន៍សាធារណៈ។
សម្តេចតេជោប្រមុខរដ្ឋាភិបាលបានបញ្ជាក់ថា មិនអាចទុកឲ្យមានការកាប់កាប់ដីចំណីឆ្នេរ ដែលប៉ះពាល់ប្រយោជន៍សាធារណៈបានទេ។
សម្ដេចបានសង្កត់ថា «វាមិនដែលម៉ែអាណាទៅយកដីភ្នំ ដីមាត់សមុទ្រ ហើយទៅកាន់កាប់ឆ្នេរនៅក្នុងសមុទ្រទៅទៀត វាមិនដែលមាន»។
សម្តេចបន្តថា ឥឡូវត្រូវធ្វើ អត់មានការតវ៉ាអីនោះទេ ដីរបស់រដ្ឋ រដ្ឋត្រូវយកវិញ។ អារឿងចេញប្លង់ដីឲ្យគេ លុបចោលវិញក៏បានដែរ អត់មានបញ្ហាអីនោះទេ។
សម្ដេចបញ្ជាក់ថា អាជ្ញាធរពេលខ្លះមានការទើសទាល់ដោយសារប៉ះអ្នកនេះ ប៉ះអ្នកនោះ ត្រូវបង្ខំចិត្តចេញប្លង់ឲ្យទៅ។ តែនាយករដ្ឋមន្រ្តីអត់បានដឹង បើនាយករដ្ឋមន្រ្តីដឹង លើកយោបល់មកមោឃភាពចោល។
ថ្លែងក្នុងពេលនោះដែរ សម្តេចតេជោក៏បានរំលឹកពីម្ចាស់ដីមួយកន្លែងដែលកាន់កាប់ដីចំណីឆ្នេរ និងសម្តេចបានអរគុណដែលបានចូលរួមសហការប្រគល់ដីឲ្យរដ្ឋវិញ។ ប៉ុន្តែបើតាមប្រមុខរដ្ឋាភិបាល បើមិនសហការក៏រដ្ឋត្រូវរឹបអូសដែរ។
តាមអនុក្រឹត្យលេខ៩៨ អនក្រ.បក ចុះថ្ងៃទី២៤ ខែកក្កដា ឆ្នាំ២០១៥ ការកាន់កាប់ដីជាប់តំបន់ច្រាំង ឬឆ្នេរមិនខុសច្បាប់នោះទេ។ ប៉ុន្តែច្បាប់បានចែងថា ការកាន់កាប់ដីនៅតំបន់ឆ្នេរនិងពាមសមុទ្រ ត្រូវស្ថិតនៅរយៈចម្ងាយលើសពី១០០ ម៉ែត្រ គិតពីមាត់ឆ្នេរនិងមាត់ពាម (ពេលទឹកជោរអតិបរមា)៕
-
ព័ត៌មានជាតិ១ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច១ សប្តាហ៍ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៤ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ១ សប្តាហ៍ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៦ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៥ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ សប្តាហ៍ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី