ជីវិតកម្សាន្ដ

តារាកូរ៉េ Lee Dong-wook ជំរុញអ្នកគាំទ្រ ទៅបោះឆ្នោតប្រធានាធិបតីនាពេលខាងមុខនេះ

បានផុស

១ year មុន

នៅ

ថ្ងៃចន្ទ ២ មិថុនា ២០២៥

ដោយ

នៅថ្ងៃទី ០១ ខែមិថុនា តារាសម្តែងកូរ៉េ លោក Lee Dong-wook បានបង្ហាញតាមរយៈវេទិកាអ្នកគាំទ្ររបស់លោក ថា លោកបានចូលរួមក្នុងការបោះឆ្នោតដំបូងគេបង្អស់ ដោយលើកឡើងពីការប្តេជ្ញាចិត្តថតភាពយន្តនាពេលខាងមុខ ដែលជាហេតុផលនៃការបោះឆ្នោតមុនកាលបរិច្ឆេទផ្លូវការមកដល់។

តារាសម្ដែងបានសរសើរដំណើរការនៃការរបោះឆ្នោតដោយនិយាយថា វាកាន់តែងាយស្រួល មិនពិបាកហត់នឹងតម្រង់ជួរ ហើយក៏មិនចាំបាចរង់ចាំយូរដូចកាលពីអាណត្តិមុនដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ តារាប្រុសវ័យ៤៣ឆ្នាំបានសង្កត់ធ្ងន់លើតម្លៃនៃការទទួលខុសត្រូវរបស់ពលរដ្ឋ។ លោកបានសរសេរថា «ដូចដែលខ្ញុំតែងតែនិយាយថា កុំរំលងការបោះឆ្នោត ទោះជាគ្មានអ្នកចង់បោះឆ្នោតឲ្យក៏ដោយ។ ការបោះឆ្នោតគឺនិយាយអំពីការការពារលទ្ធផលអាក្រក់បំផុត។ ប្រសិនបើមិនមានជម្រើសដ៏ល្អបំផុតទេ ចូរជ្រើសរើសអ្វីដែលល្អបំផុតបន្ទាប់។ ប្រសិនបើមិនមានអ្វីដែលល្អបំផុតបន្ទាប់ទេ សូមយកអាក្រក់តិចជាង ដែលមានន័យថា អ្វីគ្រប់យ៉ាងគឺដើម្បីចៀសវាងអាក្រក់បំផុត» ។

ទោះជាយ៉ាងណាក៏ដោយ នេះក៏មិនមែនជាលើកទីមួយទេដែលតួប្រុសក្នុងរឿង «A Shop for Killers» បង្ហាញជំហរនយោបាយរបស់ខ្លួន។ កាលពីខែធ្នូ ឆ្នាំ ២០២៤ លោកបានបង្ហោះអត្ថបទចម្រៀងដែលមានចំណងជើងថា «Wind Of Change» អមដោយសារក្តីសង្ឃឹមថា និទាឃរដូវនឹងមកដល់។ គាត់ក៏បានសម្តែងការគាំទ្រដល់បាតុករដោយលើកទឹកចិត្តពួកគេឲ្យរឹងមាំ និងចេញទៅយ៉ាងកក់ក្តៅក្នុងអំឡុងពេលបាតុកម្មក្នុងពេលដែលអាកាសធាតុត្រជាក់ខ្លាំង។

ដោយឡែក កាលពីខែមេសាកន្លងទៅ នៅពេលដែលការចោទប្រកាន់លើអតីតប្រធានាធិបតីលោក Yoon Suk-yeol ភ្លាមៗ តារាប្រុស Lee Dong-wook បានបញ្ចេញមតិនៅលើគណនីផ្ទាល់ខ្លួនបែបលេងសើចថា ទីបំផុតនិទាឃរដូវបានមកដល់ហើយ រដូវរងារដូចជាយូរពេកហើយ! ដែលនោះជាសញ្ញានៃការយល់ព្រមរបស់គាត់ចំពោះការផ្លាស់ប្តូរនយោបាយនៅក្នុងប្រទេសកូរ៉េខាងត្បូង៕