អាជីព

ការងារសក្ដិសមទាំង ៦ សម្រាប់មនុស្សចាស់វ័យ ៦៥ ឆ្នាំឡើងទៅ

បានផុស

៣ years មុន

នៅ

ថ្ងៃសុក្រ ៣០ មេសា ២០២១

ដោយ

មនុស្សវ័យចំណាស់ភាគច្រើន នៅក្នុងប្រទេសកម្ពុជាមិនសូវជាធ្វើការអ្វីទេក្រោយចូលនិវត្តន៍។ មូលហេតុអាចដោយសារបរិបទសង្គមផង និងស្រុកយើងមិនសម្បូរការងារផង ឬជួនកាលពួកគាត់មិនដឹងថា ខ្លួនត្រូវធ្វើការអ្វីឡើយ។

ទាំងនេះជាការងារពេញនិយមចំនួន ៦ សម្រាប់មនុស្សអាយុចាប់ពី ៦៥ ឆ្នាំឡើងទៅ៖

គណនេយ្យករ / អ្នកចាំទទួលការកក់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការងារជាគណនេយ្យករមិនសូវជាហត់នឿយ ហើយទោះបីមានវ័យចំណាស់ក៏មិនជាបញ្ហាចោទដែរ។ វាងាយស្រួលដោយអាចធ្វើនៅផ្ទះក៏បាន ឬធ្វើនៅតែក្នុងការិយាល័យក៏បាន ដោយធ្វើរបាយណ៍ការណ៍ហិរញ្ញវត្ថុ របាយការណ៍ចំណូលចំណាយ និងរៀបចំបញ្ជីសម្ភារជាដើម។

រីឯអ្នកចាំទទួលការកក់ទំនិញ ឬសេវាកម្ម ឬសំបុត្រកម្សាន្តនិងដំណើរកម្សាន្តក៏អាចធ្វើការពីផ្ទះ ក៏ដូចជាមិនប្រកាន់អាយុនោះទេ។

គ្រូបង្រៀនក្រៅម៉ោងនៅមហាវិទ្យាល័យ

ការងារបង្រៀន មិនមែនសម្រាប់តែបុគ្គលដែលធ្លាប់ជាគ្រូទេ ប៉ុន្តែទោះបីជាចាស់ៗមានជំនាញអ្វីក៏អាចបង្រៀនបានដូចគ្នា។ នៅមហាវិទ្យាល័យមានជំនាញច្រើនប្រភេទដែលសាលាត្រូវការ ដោយមិនតម្រូវទាល់តែមនុស្សមានជំនាញអប់រំឡើយ ព្រោះថាអ្នកចូលនិវត្តន៍មានបទពិសោធន៍ច្រើន ដូច្នេះពួកគាត់អាចយកចំណេះជំនាញដែលខ្លួនមាននិងធ្លាប់ឆ្លងកាត់ទៅចែករំលែកដល់និស្សិតបាន។

អ្នកសម្របសម្រួលកម្មវិធី / អ្នករៀបចំផែនការ

ពិធីការ ការប្រគុំតន្ត្រី និងកម្មវិធីទូរទស្សន៍។ល។ សុទ្ធសឹងតែត្រូវការមនុស្សចាស់ជួយផ្ដល់យោបល់ ជួយដឹកនាំ ឬជួយរៀបចំគម្រោង។ ហេតុនេះ កុំគិតថា ការងារសម្របសម្រួលចាំបាច់តែក្មេងៗមានកម្លាំង ផ្ទុយទៅវិញវាក៏សក្ដិសមជាមួយមនុស្សចាស់ចូលនិវត្តន៍ផងដែរ។

អ្នកប្រឹក្សា

គ្រប់ក្រុមហ៊ុន ស្ថាប័ន សាលារៀន និងអាជីវកម្ម មិនអាចខ្វះបានទេ អ្នកប្រឹក្សា ដើម្បីស្វែងរកការពិគ្រោះយោបល់សម្រាប់ជួយក្នុងគម្រោងជាក់លាក់មួយ។ ការងារនេះសក្តិសមខ្លាំងណាស់សម្រាប់មនុស្សវ័យ ៦៥ ឆ្នាំឡើងទៅ ព្រោះបទពិសោធន៍ពួកគាត់មានពេញខ្លួនតែម្ដង ហើយម្យ៉ាងទៀតការងារនេះក៏មិនពិបាកទៅធ្វើការឲ្យពេញម៉ោងដែរ។

អ្នកលក់រាយ

ក្លាយជាបុគ្គលិកផ្នែកលក់រាយក្នុងម៉ាត ឬផ្សារទំនើប មានអីចាំបាច់គិតពីវ័យដែរ! អង្គុយលក់ស្រួលៗ ចាំតែគិតលុយទៅបានហើយ។ អ្នកខ្លះយល់ថា ជាអ្នកលក់ទាល់តែនៅក្មេង ស្អាត ទើបអាចលក់ដាច់ ប៉ុន្តែតាមពិត អ្នកណាៗក៏អាចក្លាយជាអ្នកលក់បានដូចគ្នា សំខាន់មនុស្សចាស់ចេះលក់ដោយរួសរាយរាក់ទាក់ និងមានអំណត់ជាមួយភ្ញៀវជាងក្មេងៗ។

ជំនួយការគ្រូ

ជំនួយការគ្រូ មិនមែនធ្វើការជាអ្នកបង្រៀនទេ តែជួយត្រួតពិនិត្យការងារគ្រូ ត្រួតពិនិត្យនិងជួយមើលការខុសត្រូវជាមួយសិស្សានុសិស្សជាដើម។ វាជាការល្អមួយ ប្រសិនអ្នកចូលនិវត្តន៍ធ្លាប់ជាគ្រូបង្រៀន ឬជាមនុស្សស្រឡាញ់ក្មេងៗ៕

ប្រែសម្រួល៖ សន្យា

ប្រភព៖ Investopedia

ចុចអាន៖ប្រកាន់ចំណុចទាំង៥នេះបាន ធានាថាជីវិតការងារតែងតែជោគជ័យ

ចុចអាន៖មេដឹកនាំល្អគឺអ្នកដែលអាចបង្កើតមេដឹកនាំបន្តជាច្រើនទៀតបាន