អាជីព

គន្លឹះ ៥ ជួយអ្នករកការងារត្រូវចំណូលចិត្ត និងថែមទាំងមានទំនាក់ទំនងល្អ ជាមួយមិត្តក្នុងស្ថាប័ន

បានផុស

២ years មុន

នៅ

ថ្ងៃសៅរ៍ ៧ ឧសភា ២០២២

ដោយ

មនុស្សគ្រប់រូប តែងតែប្រាថ្នាចង់ជោគជ័យក្នុងជីវិត ជាពិសេសរឿងការងារ។ ទោះយ៉ាងណាក៏ដោយ ជារឿយៗលទ្ធផលដែលទទួលបានក្នុងការងារ ខុសពីអ្វីដែលចង់បានជានិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានហេតុផលមួយ គឺដោយសារតែបុគ្គលនោះ ផ្ដោតតែលើទិដ្ឋភាពនៃប្រាក់ចំណូល។ ជាការពិត សុភមង្គលការងារ ក៏ត្រូវយកមកពិចារណាផងដែរ។ ជាលទ្ធផល ការងារដែលបានអនុវត្ត មានសមាមាត្រច្រាសទៅនឹងផលប្រយោជន៍ដែលមាន។ លក្ខខណ្ឌបែបនេះ អាចជាអ្វីមួយដែលធ្វើឲ្យយើងមិនសូវមានចំណង់ខ្លាំងក្នុងការងារ និងបង្កើតទំនាក់ទំនងមិនល្អ ជាមួយមិត្តរួមការងារ ហើយបរិយាកាសក៏មិនសូវមានសុខភាពល្អ។

នេះគឺជាគន្លឹះទាំង ៥ សម្រាប់អ្នកកំពុងស្វែងរកការងារ ដែលត្រូវនឹងចំណូលចិត្ត៖

១ ស្វែងយល់ និងស្វែងរកអ្វីដែលអ្នកចង់បាន គន្លឹះដំបូងដែលអាចធ្វើបាន នៅពេលស្វែងរកការងារ ហើយស៊ីគ្នាជាមួយចំណូលចិត្ត និងអាចបង្កើតបរិយាកាសការងារឲ្យមានសុខភាពល្អ គឺការស្វែងយល់ និងព្យាយាមស្វែងរកអ្វីដែលបេះដូងអ្នកប្រាថ្នា ទាក់ទងនឹងវិស័យការងារដែលអ្នកចង់ធ្វើ។ វានឹងបង្កើតបរិយាកាសល្អ សម្រាប់អ្នកធ្វើការនៅពេលក្រោយ។ ព្យាយាមទាញយកផលប្រយោជន៍ដែលមាននៅក្នុងខ្លួនយើង ដើម្បីបន្តការងារដែលសក្ដិសមដែលបេះដូងចង់បាន។

២ ដឹងពីចំណុចខ្លាំង និងចំណុចខ្សោយខ្លួនឯង មនុស្សគ្រប់រូបកើតមកមានចំណុចខ្លាំង និងចំណុចខ្សោយខុសៗគ្នា។ ត្រូវយល់ដឹង និងស្វែងយល់ថាតើចំណុចខ្លាំងរបស់យើងជាអ្វី។ សម្រាប់អ្នកដែលមិនទាន់បានដឹងនោះ អ្នកអាចស្វែងយល់ដោយការព្យាយាមអ្វីដែលថ្មីជានិច្ច ពេលធ្វើសកម្មភាពប្រចាំថ្ងៃ។ ឧទាហរណ៍ តាមរយៈការចូលរួមសហគមន៍ដែលមានចំណង់ចំណូលចិត្តដូចគ្នា ទទួលយកការបណ្ដុះបណ្ដាលទាក់ទងនឹងការអភិវឌ្ឍន៍ខ្លួនឯង និងអ្នកដទៃ។ បន្តពង្រឹងភាពខ្លាំង រហូតដល់អ្នកអាចផលិតអ្វីមួយដែលមានគុណភាព។ លើសពីនេះ ត្រូវរៀនកំណត់អត្តសញ្ញាណចំណុចខ្សោយរបស់អ្នកផងដែរ ហើយជួសជុលវាឲ្យរឹងមាំឡើង។

៣ មិនចាំបាច់ខ្លាចបរាជ័យទេ បរាជ័យជារឿងធម្មតាក្នុងការតស៊ូ។ បរាជ័យគឺជាផ្នែកមួយនៃដំណើរការជោគជ័យ ដូច្នេះអ្នកមិនគួរខ្លាចបរាជ័យក្នុងជីវិតឡើយ។ ដំណើរការនៃការស្វែងរកការងារដែលត្រូវនឹងចំណាប់អារម្មណ៍ និងបរិយាកាសការងារដែលមានសុខភាពល្អ គឺមិនងាយស្រួលនោះទេ។ ពេលខ្លះនៅតាមផ្លូវ អ្នកច្រើនតែជ្រើសរើសមុខរបរខុស ព្រោះត្រូវល្បួងដោយចំនួនចំណូល។ ជាលទ្ធផល ការងារមានអារម្មណ៍មិនស្រួល និងបង្កើតបរិយាកាសមិនល្អសម្រាប់អ្នក។ ទោះជាយ៉ាងណាក៏ដោយ កុំមានអារម្មណ៍ភ្លាមៗថាដូចជាបរាជ័យ នៅពេលរឿងនេះកើតឡើងចំពោះអ្នក។ បន្តព្យាយាមរហូតដល់យើងអាចរកឃើញការងារ ដែលខ្លួនឯងចង់បាន។

៤ កុំខ្មាសអៀនក្នុងការសុំជំនួយពីអ្នកដទៃ ការស្វែងរកផ្នែកការងារដែលត្រូវនឹងចំណូលចិត្ត និងស្វែងរកបរិយាកាសការងារដែលមានសុខភាពល្អ គឺអាចធ្វើវាបាន ដោយសុំជំនួយពីអ្នកដទៃ។ កុំខ្មាស់អៀនក្នុងការស្វែងរកព័ត៌មានទាក់ទងនឹងដំណឹងជ្រើសរើសបុគ្គលិកទៅកាន់អ្នកដ៏ទៃ។ ទូរស័ព្ទទៅមិត្តភ័ក្តិ សាច់ញាតិ ឬនរណាម្នាក់ផ្សេងទៀត ហើយសួរថាតើមានក្រុមហ៊ុនណាដែលបើកការងារ។ អ្នកនឹងទទួលបានព័ត៌មានការងារដែលអាចត្រូវនឹងចំណាប់អារម្មណ៍ចង់បាន ហើយក៏អាចទទួលបានព័ត៌មាន ទាក់ទងនឹងបរិយាកាសការងារនៅក្នុងក្រុមហ៊ុននោះផងដែរ។

៥ ជ្រើសរើសបរិយាកាស ដែលអាចគាំទ្រគ្នាទៅវិញទៅមក បរិយាកាសនឹងប៉ះពាល់ដល់ផ្នត់គំនិត និងអាកប្បកិរិយាក្នុងការសម្រេចបានជោគជ័យក្នុងជីវិត។ ដូច្នេះហើយ បើអ្នកចង់ស្វែងរកការងារតាមចំណូលចិត្ត និងចង់រស់នៅក្នុងបរិយាកាសដែលមានសុខភាពល្អ ត្រូវប្រាកដថាអ្នកស្ថិតនៅក្នុងបរិយាកាសដែលអាចគាំទ្រគ្នាទៅវិញទៅមក និងធ្វើការជាមួយគ្នាដោយសមស្រប។ គន្លឹះមួយ គឺជ្រើសរើសប្រភេទបរិយាកាសដែលមនុស្សមានចំណាប់អារម្មណ៍ដូចគ្នានឹងយើង។ នេះអាចបង្កើតបរិយាកាសការងារដ៏រីករាយ និងបង្កើតនូវអ្វីដែលមានប្រយោជន៍សម្រាប់អាជីពនាពេលអនាគត។ ត្រូវមានចិត្តល្អនៅក្នុងបរិយាកាសនោះ ហើយកុំខ្មាស់អៀនក្នុងការបញ្ចេញគំនិតរបស់យើង។ អនុវត្តសកម្មភាពការងារជារៀងរាល់ថ្ងៃ ដើម្បីកុំឲ្យមានអារម្មណ៍ធុញ និងនឿយហត់ បន្ទាប់មករកមើលការងារដែលត្រូវនឹងចំណាប់អារម្មណ៍ ហើយត្រូវប្រាកដថាអ្នក ស្ថិតក្នុងបរិយាកាសដែលមានសុខភាពល្អ។