KPT+
៥ វិធី ជួយអ្នកឲ្យឈប់គិតពីការងារ ហើយឆាប់គេងលក់លឿន
ពេលយើងសម្រាក អ្វីៗជាច្រើនចូលមកក្នុងក្បាលយើង ទាំងពេលខ្លះមិនបានគិតសូម្បីតែបន្តិចណា។ រឿងមួយដែលជារឿយៗ កើតឡើងគឺការងារ។ យោងតាមការសិក្សាមួយរបស់ Korn Ferry ដែលជាជនជាតិអាមេរិក បានបញ្ចាក់ថា ៦៦ភាគរយទទួលរងនូវការគេងមិនលក់ ឬមានបញ្ហាដំណេក ដោយសារតែភាពតានតឹងក្នុងការងារ ហើយការគេងមិនលក់មានឥទ្ធិពលយ៉ាងខ្លាំង ដល់ជីវិតរបស់ពួកគេ។

ខាងក្រោមនេះ ជាវិធីសាស្ត្រដែលយើងអាចអនុវត្តបាន និងជួយឲ្យឆាប់គេងលក់លឿន មិនភ្ញាក់នៅពាក់កណ្ដាលយប់ឬទាបភ្លឺ។
១ បង្កើតបញ្ជីការងារត្រូវធ្វើ
ការសិក្សាបានបង្ហាញថា ការធ្វើបញ្ជីការងារត្រូវធ្វើសម្រាប់ថ្ងៃស្អែកនៅពេលចូលគេង។ ដូច្នេះ វានឹងជួយឲ្យអ្នកគេងលក់ស្រួល ហើយគំនិតឬការងារមិនរត់ក្នុងក្បាលទេ។ ម្យ៉ាងទៀត វាក៏ជួយកាត់បន្ថយការប្រុងប្រយ័ត្នផ្លូវចិត្ត ការថប់បារម្ភ។ប្រសិនបើអ្នកគិតភ្លាមៗ អំពីកិច្ចការបន្ទាន់ ចូរយកប៊ិចមកកត់ចំណាំ រួចចូលគេងវិញ។
២ សរសេរពីអារម្មណ៍របស់អ្នក
ការសរសេរពីអារម្មណ៍របស់យើងជារៀងរាល់ថ្ងៃ គឺដូចជាការបញ្ចេញខ្យល់។ ជាលទ្ធផល យើងមានអារម្មណ៍ថប់បារម្ភតិច។ ក្រៅពីនេះ ការសរសេរដូចជាការដឹងគុណរបស់អ្នក នឹងជួយកាត់បន្ថយភាពតានតឹង ងាយនឹងគេងលក់ស្រួលជាង
៣ អនុវត្តការអាណិតអាសូរដល់ខ្លួនឯង
ចេះយល់ចិត្តខ្លួនឯង ដូចយើងធ្វើជាមួយអ្នកដទៃ។ ទទួលយកអារម្មណ៍ខ្លួនឯង ឬទទួលស្គាល់ថាយើងក្រៀមក្រំ តានតឹង ប៉ុន្តែអ្វីៗនឹងកន្លងផុតទៅ។ លើកទឹកចិត្តខ្លួនឯង កុំបន្ទោសខ្លួនឯង ផ្ដល់ឲ្យខ្លួនឯងខ្លះល្អ ព្រោះនោះជាអ្វីដែលអ្នកសមនឹងទទួល។ ការអាណិតអាសូរខ្លួនឯងគឺជាវិធីដ៏ល្អមួយ ដើម្បីកាត់បន្ថយភាពតានតឹង និងការថប់បារម្ភ។ ហើយជាការពិត វានាំឲ្យយើងគេងលក់ស្រួលផងដែរ។
៤ ធ្វើលំហាត់ប្រាណខ្លះ
ការធ្វើលំហាត់ប្រាណ យ៉ាងហោចណាស់ ៣០ នាទីក្នុងមួយថ្ងៃ ធ្វើឲ្យយើងកាន់តែងាយស្រួលក្នុងការគេង។ គុណភាពនៃការគេងកាន់តែល្អ គេងកាន់តែឆាប់លក់ ហើយចិត្តកាន់តែសម្រាក ប្រសិនបើអ្នកមានភាពតានតឹង គិតច្រើនពេកពីការងារ ចូរព្យាយាមរកពេលហាត់ប្រាណ ឬបបួលមិត្តភ័ក្ដិ។
៥ អនុវត្តសមាធិ
ការសមាធិមិនថា ១០ នាទីក្នុងមួយថ្ងៃមុនពេលចូលគេង អាចជួយបង្កើនគុណភាពនៃការគេងរបស់អ្នក។ សមាធិមានប្រយោជន៍ច្រើនយ៉ាង ហើយក៏ជួយយើងបង្កើតគំនិតវិជ្ជមាន សម្រាប់ខ្លួនយើងផងដែរ។

ការគេងមិនលក់ មានភាពតានតឹងពីការងារយូររហូតដល់ម៉ោង ៣ ទៀបភ្លឺទើបគេងលក់ហើយឧស្សាហ៍ភ្ញាក់កណ្ដាលយប់ជាដើម សូមព្យាយាមធ្វើតាមវិធីទាំង ៥ ដែលបានណែនាំ។ អ្វីគ្រប់យ៉ាងនឹងប្រសើរឡើងមិនមិនខាន៕
ប្រែសម្រួល៖ សាង ស្រីល័ក្ខ
ចុចអាន៖២ យ៉ាងធំៗ ជាមេរោគធ្វើឲ្យយើងមិនផ្ដោតលើការងារ
ចុចអាន៖វិធី ១០ យ៉ាង ជួយឲ្យឆាប់គេងលក់ស្រួល សម្រាប់អ្នកពិបាករឿងដំណេក

-
ព័ត៌មានអន្ដរជាតិ២២ ម៉ោង ago
ពលរដ្ធថៃ រត់ប្រសាចគ្នា ក្រោយបាក់ទំនប់បាវខ្សាច់ លិចក្រុងសុខោទ័យភ្លាមៗ
-
ព័ត៌មានអន្ដរជាតិ៧ ថ្ងៃ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៣ ថ្ងៃ ago
ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ៥ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
បច្ចេកវិទ្យា៧ ថ្ងៃ ago
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានអន្ដរជាតិ២ ថ្ងៃ ago
អាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
-
ព័ត៌មានអន្ដរជាតិ៣ ថ្ងៃ ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
ព័ត៌មានជាតិ១ សប្តាហ៍ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា