អាជីព

សម័យរោគរាតត្បាតអាចជាឱកាសល្អសម្រាប់ផ្តើមអាជីវកម្មបែបច្នៃប្រឌិតថ្មី

បានផុស

៥ years មុន

នៅ

ថ្ងៃអាទិត្យ ១៥ វិច្ឆិកា ២០២០

ដោយ

ច្បាស់ណាស់ឆ្នាំ ២០២០ មិនមែនជាឆ្នាំដែលយើងបានគ្រោងទុកទេ ហើយនៅចំណុចនេះហាក់ដូចជាយើងកំពុងទូកលើជិះរលកធំៗ ដែលមិនប្រាកដប្រជា។ ប៉ុន្តែហេតុអ្វីនេះបែរជាពេលវេលាដ៏អស្ចារ្យដើម្បីចាប់ផ្ដើមអាជីវកម្មថ្មីទៅវិញ?

គ្រប់គ្នាកំពុងចំណាយពេលច្រើននៅឯផ្ទះ

សម្រាប់គ្នាយើងភាគច្រើនក្នុងពេលនេះ គឺប្រាកដជាចំណាយពេលច្រើននៅផ្ទះ ហើយមានបញ្ហាប្រឈមផ្ទាល់ខ្លួនជាច្រើន (ចន្លោះតូច ធ្វើការជាមួយកូននៅផ្ទះ គ្មានកន្លែងដាក់តុ និងបញ្ជីការងារជាដើម ) ។ ប៉ុន្តែចុះយល់យ៉ាងណា ចំពោះភាពវិជ្ជមានដែលដើរចេញពីផ្ទះ?

ក្នុងពេលនេះគួរចេះប្រើវិបត្តិនេះជាគន្លឹះ ដើម្បីបង្កើតឱកាសនិងផ្នត់គំនិតដែលសមនឹងលំហូរធម្មជាតិ និងក្រមសីលធម៌ការងាររបស់យើង ជាងចំណាយពេលនៅផ្ទះមិនធ្វើអី។

មានកាលវិភាគថ្ងៃចុងសប្ដាហ៍ច្រើន

ស្រដៀងនឹងចំណុចខាងលើ វិធីមួយដើម្បីមើលចំណុចវិជ្ជមាននៃឆ្នាំ ២០២០ គឺត្រូវពិចារណាថាតើកាលវិភាគរបស់យើងទំនេរប៉ុន្មានថ្ងៃ។ នៅចុងសប្ដាហ៍គឺជាពេលវេលាដ៏ល្អ ដើម្បីប្ដេជ្ញាចិត្តរៀនពីអាជីវកម្មរបស់យើងនាពេលអនាគត។

ចុះឈ្មោះចូលរៀនវគ្គសិក្សា បង្កើតទម្លាប់អានសៀវភៅ ចូលរួមជាមួយក្រុមដែលមានការលើកទឹកចិត្តនិងគាំទ្រ ដើម្បីបានបន្តចំណង់ចំណូលចិត្តយើង ដោយចំណាយពេលនេះ ដើម្បីរៀន។ ហើយចាប់ផ្ដើមអាជីវកម្មដែលយើងបានគិតទុកអស់រយៈពេលជាច្រើនឆ្នាំផងដែរ។

មនុស្សប្រើប្រាស់ប្រព័ន្ធផ្សព្វផ្សាយសង្គមច្រើន

មនុស្សគ្រប់គ្នាមិនថាយើងឬគេ ក្នុងពេលនេះម្នាក់ៗប្រាកដជាចំណាយពេលវេលាច្រើននៅលើប្រព័ន្ធផ្សព្វផ្សាយសង្គម។ ប៉ុន្តែសួរថា ហេតុអ្វីយើងមិនព្រមឆ្លៀតពេលនេះភ្ជាប់វេទិការបស់យើងទៅពួកគេ។

យើងអាចធ្វើបានបើមានការតាំងចិត្តខ្ពស់នឹងកិច្ចការងារទាំងនោះ។ ប៉ុន្តែហេតុអីយើងមិនសាកល្បងប្រើប្រាស់ប្រព័ន្ធផ្សព្វផ្សាយសង្គមជាប្រយោជន៍នៃអាជីវកម្ម របស់យើង។

ក្នុងពេលនេះ គួរពិចារណាលើផ្នែកបន្ថែមនៃលើអាជីវកម្មដែលយើងត្រូវធ្វើឆាប់ៗនេះ ដែលជាផលចំណេញរបស់មនុស្សគ្រប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានឱកាសនៅក្នុងសង្គមថ្មី

អាជីវកម្មខ្នាតតូចទាំងអស់ ដែលបច្ចុប្បន្នកំពុងរីកចម្រើន(ងើបទៅមុខបន្តិចម្ដង) នៃអាជីវកម្មរបស់ពួកគេ ភាគច្រើនគឺឲ្យអតិថិជនពាក់ម៉ាសឬលាងដៃជាមួយអាកុលជាដើម។

ជាមួយនឹងរឿងធម្មតានេះ នឹងផ្ដល់ឱកាសឲ្យយើងគិតអំពីគំនិតដែលខ្លួនយើងកំពុងតែធ្វើ។ មនុស្សនៅផ្ទះមិនសូវមានទំនាក់ទំនងគ្នាប៉ុន្នានទេ ហើយមនុស្សគ្មានការងារធ្វើក៏មានការលំបាកដែរ។

បើសិនយើងបង្កើតអាជីវកម្មថ្មីនាពេលនេះ យើងមានឱកាសនៅក្នុងសង្គមថ្មី ហើយបានជួយនិងបង្រៀនដល់អ្នកដែលកំពុងត្រូវការការងារ ឬមួយអាចជួយមនុស្សលំបាកផ្សេងទៀត។

នេះគឺជាការលើកទឹកចិត្តមួយ ដែលគួរធ្វើនឹងចាប់ផ្ដើម ទោះអាជីវកម្មរបស់យើងតូចតាចក្ដី តែយើងក៏បានស្វែងយល់និងរៀនពីបទពិសោធន៍សង្គម នាបច្ចុប្បន្ននេះដែរ៕

ប្រែសម្រួល៖ សាង ស្រីល័ក្ខ

ប្រភព៖bossbabe