សន្តិសុខសង្គម

អាវុធហត្ថរាជធានី ឆ្មក់បង្រ្កាបទីតាំងលក់បារីអេឡិចត្រូនិច ដកហូតបានមួយចំនួនធំ

បានផុស

៦ ខែ មុន

នៅ

ថ្ងៃសុក្រ ១៦ មករា ២០២៦

ដោយ

កងរាជអាវុធហត្ថរាជធានីភ្នំពេញ បានឆ្មក់ចុះបង្ក្រាបទីតាំងលក់ចែកចាយបារីអេឡិចត្រូនិក (Vape) មួយកន្លែងដោយចាប់យក ឧបករណ៍អេឡិចត្រូនិកសម្រាប់ជក់សារធាតុគីមី ជាច្រើនមុខផ្សេងៗគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការចុះបង្រ្កាបនេះកាលពីវេលាម៉ោង១០ យប់ត្រូវនិងថ្ងៃទី១៥ ខែមករា ឆ្នាំ២០២៦ ស្ថិតនៅតាមបណ្តោយផ្លូវលេខ១៧២ ក្នុងសង្កាត់ជ័យជម្នះ ខណ្ឌដូនពេញ រាជធានីភ្នំពេញ។

តាមការបញ្ជាក់ពីកម្លាំងជំនាញ បានអោយដឹងថា ដោយទទួលបាននូវការរាយការណ៍ពីប្រជាពលរដ្ឋ ក៏ដូចជាកម្លាំងជំនាញបានស៉ើបអង្កេត យ៉ាងច្បាស់លាស់ រកឃើញទីតាំងផ្ទះខាងលើនេះ មានលួចលាក់បង្កប់ បើកលក់នូវបារីអេឡិចត្រូនិច( Vape) គ្រប់រសជាតិ យ៉ាងច្រើនតែម្តង។ ប្រភពដដែលបន្តថា ចំពោះចំនួនជាក់លាក់ នូវមិនទាន់អាចដឹងនោះឡើយ ដោយគ្រាន់តែកម្លាំងរាជអាវុធហត្ថ បញ្ជាក់ចុងក្រោយ គឺច្រើនដើម តែម្តង។

ក្រោយកើតហេតុ កម្លាំងកងរាជអាវុធហត្ថបានឃាត់ខ្លួនម្ចាស់ទីតាំង បញ្ជូនទៅបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីចាត់ការតាមនីតិវិធីច្បាប់។

គួរបញ្ជាក់ផងដែរ កាលពីថ្ងៃទី២១ ខែតុលា ឆ្នាំ២០២៥ រាជរដ្ឋាភិបាលបានចេញបទបញ្ជាថ្មី លេខ០២ ស្ដីពីការដាក់ចេញវិធានការហាមឃាត់ការនាំចូល ការចែកចាយ ការលក់ ការផ្សព្វផ្សាយពាណិជ្ជកម្ម ការប្រើប្រាស់ ការកាន់កាប់ផលិតផលនិងការស្តុកឧបករណ៍អេឡិចត្រូនិចនិងសារធាតុគីមីសម្រាប់ជក់និងទីផ្សារ។ ក្នុងគោលបំណងទប់ស្កាត់ បង្ការ ដោះស្រាយបញ្ហាឱ្យបានទាន់ពេលវេលា និងដើម្បីរក្សាសណ្តាប់ធ្នាប់សង្គម ការពារសុខភាពសាធារណៈ ជាពិសេសសុខភាពរបស់អ្នកសិក្សានិងបុគ្គលិកអប់រំ៕ អត្ថបទ ៖ រដ្ឋា