Connect with us

សន្តិសុខសង្គម

យុវជន ២ នាក់ស្លាប់ ក្រោយជិះម៉ូតូអត់ពាក់មួកសុវត្ថិភាព បុកគូទរថយន្តពីក្រោយ

បានផុស

នៅ

​ខេត្តរតនគិរី៖ យុវជន ២ នាក់ជិះម៉ូតូមិនពាក់មួកសុវត្ថិភាព មិនបានប្រុងប្រយ័ត្ន ជ្រុលទៅបុកគូទរថយន្តមិនស្គាល់ម៉ាក ពេញទំហឹង បណ្តាលឱ្យស្លាប់ទាំង ២ នាក់ភ្លាមៗនៅនឹងកន្លែងកើតហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះថ្នាក់ចរាចរណ៍នេះ បានកើតឡើងប្រហែលម៉ោង ១ និង ០០ នាទីរំលងអធ្រាត្រ ថ្ងៃទី ២២ ខែធ្នូ ឆ្នាំ២០២១ តាមផ្លូវក្រាលកៅស៊ូ ស្ថិតនៅក្នុងភូមិសមុទ្រលើ ឃុំសេដា ស្រុកលំផាត់។

លោក ក្លល ថើង អធិការនគរបាលស្រុកលំផាត់ បានឱ្យដឹងថា បន្ទាប់ពីយុវជនជួបគ្រោះថ្នាក់ចរាចរណ៍ ត្រូវបានប្រជាពលរដ្ឋប្រទះឃើញ និងបានរាយការណ៍មកសមត្ថកិច្ចមូលដ្ឋានចុះមកអន្តរាគមន៍។ ជនរងគ្រោះ ជិះម៉ូតូ ១ គ្រឿង ម៉ាក វេវឆ្លាម ពណ៌ខ្មៅ គ្មានស្លាកលេខ បើកបរពីត្បូងទៅជើងបុក និងរថយន្តមិនស្គាល់អត្តសញ្ញាណ បើកបរស្របទិសគ្នា បន្ទាប់ពីកើតហេតុរួច រថយន្តបានបើករត់គេចខ្លួនបាត់។

លោកបន្តថា យុវជនទាំង ២ នាក់នោះ មិនទាន់ស្គាល់អត្តសញ្ញាណនៅឡើយទេ ម្នាក់បានធ្លាយពោះវៀនចេញមកខាងក្រៅ និងម្នាក់ទៀតបែកមុខខាងស្តាំ ស្លាប់ទាំង ២ នាក់នៅនិងកន្លែងកើតហេតុ ដោយបើកបរមិនពាក់មួកសុវត្ថិភាព។

ក្រោយកើតហេតុ សមត្ថកិច្ចបានរៀបចំទុកដាក់សពទាំង ២ នាក់នៅកន្លែងកើតហេតុ រង់ចាំស្រាវជ្រាវរកសាច់ញាតិមកទទួលយកទៅធ្វើបុណ្យតាមប្រពៃណី។

បច្ចុប្បន្នម៉ូតូ ១ គ្រឿង និងគម្របភក់របស់រថយន្តមួយ បានយកមករក្សាទុកនៅប៉ុស្តិ៍រដ្ឋបាលឃុំសេដា ដើម្បីស្រាវជ្រាវ កសាងសំណុំរឿងទៅតាមនិតិវិធីច្បាប់៕

អត្ថបទ៖ វុទ្ធឦសាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ នាទី មុន

គម្រោងស្ថាបនាផ្លូវក្រវាត់ក្រុងទី៣ គិតរហូតមកទល់ពេលនេះ សម្រេចវឌ្ឍនភាពការងារបាន ៧៣,៧០%ហើយ

KPT+៣៤ នាទី មុន

នេះជាការពិត ដែលពិធីបុណ្យប្រពៃណីឥណ្ឌា មានអ្នកចាក់ទម្លុះម្ជុលពេញដងខ្លួន មិនខ្លាចឈឺ

កីឡា៤៧ នាទី មុន

កីឡាករ​កូនកាត់​ខ្មែរ​អាមេរិក១​រូប​ កំពុង​ត្រូវ​បាន​អ្នក​ស្នេហា​វិស័យ​បាល់ទាត់ ចង់ឃើញ​ចូល​ក្រុម​ជម្រើសជាតិ​កម្ពុជា

ព័ត៌មានជាតិ៥៧ នាទី មុន

៥​ឆ្នាំ​ចុង​ក្រោយនេះ ខេត្ត​ព្រះសីហនុ​សម្រេចបាន​សមិទ្ធ​ផល គួរ​ជាទី​មោទនៈ ធ្វើ​ឲ្យ​ខេត្ត​មួយ​នេះ ប្រែ​មុខមាត់​កាន់តែ​ល្អ​ប្រសើរ​ឡើង

ព័ត៌មានជាតិ១ ម៉ោង មុន

តំណាង​បក្ស​ប្រជាជន ជួប​សន្ទនា​ជាមួយ​ប្រតិភូ​សហភាព​អឺរ៉ុប ដើម្បី​ផ្លាស់ប្ដូរ​បទ ពិសោធន៍ នៃ​យុទ្ធនាការ​ឃោសនាបោះឆ្នោត​

Sokha Hotels

ព័ត៌មានពេញនិយម