សន្តិសុខសង្គម

ផ្ទុះហិង្សាក្នុងគ្រួសារដុតផ្ទះឆេះខ្ទេច

បានផុស

៥ years មុន

នៅ

ថ្ងៃអង្គារ ២៨ ធ្នូ ២០២១

ដោយ

ផ្ដើមចេញពីជម្លោះក្នុងគ្រួសារ បុរសម្នាក់ផ្ទុះហិង្សានិងដុតបំផ្លាញផ្ទះខ្លួនឯងឆេះខ្ទេច ខូចខាតសម្ភារៈមួយចំនួន និងស្រូវ៤តោន។

ករណីហិង្សាឈានដល់ដុតបំផ្លាញផ្ទះនេះ បានកើតឡើងកាលពីវេលាម៉ោង២០និង៥៤នាទីយប់ថ្ងៃទី២៦ ខែធ្នូ ឆ្នាំ២០២១ នៅភូមិលាវ ឃុំក្រវ៉ា ស្រុកបារាយណ៍ ខេត្តកំពង់ធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍របស់សមត្ថកិច្ចបានឲ្យដឹងថា ផ្ទះដែលត្រូវអគ្គិភ័យឆាបឆេះនោះមានទំហំ ៥.៥x៧ មែត្រ ធ្វើអំពីឈើ ដំបូលប្រក់ក្បឿង ជញ្ជាំងក្ដា របស់ឈ្មោះ ហ៊ឹម ឡុំ ភេទប្រុស អាយុ៤៣ ឆ្នាំ រស់នៅភូមិ.ឃុំ កើតហេតុ និងខូចខាតសម្ភារៈ ទូរចំនួន១គ្រឿង លុយចំនួន១លានរៀល និងស្រូវចំនួន៤តោន ។

សមត្ថកិច្ចបានបញ្ជាក់ថា មូលហេតុគឺបណ្តាលមកពីឈ្មោះ ហ៊ឹម ឡុំ (ជាប្តី) ប្រើអំពើហិង្សាក្នុងគ្រួសារ (ដុតផ្ទះខ្លួនឯង) ។

ក្នុងប្រតិបត្តិការជួយអន្តរាគមន៍ សមត្ថកិច្ចបានប្រើរថយន្តពន្លត់អគ្គិភ័យរបស់អធិការដ្ឋាននគរបាលស្រុកបារាយណ៍ចំនួន០១គ្រឿង ប្រើប្រាស់ទឹកអស់ចំនួន០១រថយន្ត ស្មើនិង០៤ម៉ែត្រគុប៕

អត្ថបទ៖ សុខុម