សន្តិសុខសង្គម

កាប់សម្លាប់ប្រពន្ធនិងអ្នកជិតខាងម្នាក់ រួមទាំងកូន៣នាក់ហើយព្យាយាមវះពោះយកគ្រឿងក្នុង

បានផុស

៥ years មុន

នៅ

ថ្ងៃចន្ទ ៣ មករា ២០២២

ដោយ

បុរសម្នាក់ត្រូវបានកម្លាំងសមត្ថកិច្ចធ្វើការឡោមព័ទ្ធចាប់ខ្លួន បន្ទាប់ពីស្រវឹងស្រាផ្ទុះជម្លោះក្នុងគ្រួសាររួចទាញពូថៅកាប់សម្លាប់ប្រពន្ធខ្លួនឯង និងអ្នកជិតខាងម្នាក់ រួមទាំងកូនប្រុសស្រី៣នាក់បន្ថែមទៀត និងព្យាមបិទទ្វារពុះទ្រូងសពប្រពន្ធយកគ្រឿងក្នុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីឃាតកម្មយ៉ាងសាហាវព្រៃផ្សៃនេះ បានកើតឡើងកាលពីវេលាម៉ោងជាង១៩និង៣០នាទី ថ្ងៃទី០១ ខែមករា ឆ្នាំ២០២២ ស្ថិតនៅភូមិពន្លៃ ឃុំចើងដើង ស្រុកបារាយណ៍ ខេត្តកំពង់ធំ។

យោងតាមរបាយការណ៍សមត្ថកិច្ចបានឲ្យដឹងថា ជនដៃដល់មានឈ្មោះ ប៉ុល ឡា អាយុ៣៣ឆ្នាំ និង ប្រពន្ធឈ្មោះ យ៉ន អឿន អាយុ៣០ឆ្នាំ (ស្លាប់ដាច់ ក និងវះពោះ)។ ចំណែកជនរងគ្រោះម្នាក់ទៀតឈ្មោះ ពេជ ហ៊ុន អាយុ៥៦ឆ្នាំ ក៏ត្រូវជនសង្ស័យកាប់បណ្តាលឲ្យស្លាប់ផងដែរ ខណៈដែលព្យាយាមចូលទៅជួយ(ចំកញ្ចឹង ក) និងកូន៣នាក់ (ស្រី២នាក់) ក៏ត្រូវបុរសជាឪពុករូបនេះកាប់បណ្តាលឲ្យរងរបួសធ្ងន់។

ក្រោយចាប់ខ្លួន កម្លាំងសមត្ថកិច្ចបានបញ្ជូនជនដៃដល់រូបនេះមកសាកសួរ និងកសាងសំណុំរឿងចាត់ការតាមផ្លូវច្បាប់៕

អត្ថបទ៖ សុខុម