សន្តិសុខសង្គម
បុរសម្នាក់ ត្រូវឃាតកដាក់ខ្នោះដៃទៅក្រោយ ហើយចាក់សម្លាប់រួចយកទៅកប់ដីចោល
សាកសពបុរសម្នាក់ ត្រូវបានប្រជាពលរដ្ឋប្រទះឃើញកប់ក្នុងដី ដោយមិនដឹងមូលហេតុ។ ករណីនេះបានកើតមានឡើងនៅម៉ោងប្រមាណ ៩ ព្រឹកកាលពីថ្ងៃទី ២១ ខែមករា ឆ្នាំ ២០២១ ស្ថិតនៅខាងក្រោយតំបន់ឆាយណាថោន ក្នុងភូមិសាស្ត្រក្រុម ៨ ភូមិ ៦ សង្កាត់លេខ ៤ ក្រុង/ខេត្តព្រះសីហនុ។
សាកសពបន្ទាប់ពីក្រុមសមត្ថកិច្ចជំនាញជីកគាស់ចេញពីក្នុងដី សពមានសភាពស្អុយហើមរលួយមើលមុខលែងស្គាល់។ សកម្មភាពចុះស្រាវជ្រាវរុករកវត្ថុតាងករណីមនុស្សឃាតនេះ ដឹកនាំនិងមានការសម្របសម្រួលនីតិវិធីដោយលោក ពេញ ពិសិដ្ឋ ព្រះរាជអាជ្ញារង បានចុះធ្វើការត្រួតពិនិត្យទីតាំងកន្លែងកើតហេតុ។ សមត្ថកិច្ចបានឲ្យដឹងថា យោងតាមការពិនិត្យនិងធ្វើកោសល្យវិច័យរបស់ក្រុមសមត្ថកិច្ចជំនាញនៃស្នងការដ្ឋាននគរបាលខេត្តព្រះសីហនុ បានសន្និដ្ឋានជាជំហានដំបូងថា សាកសពភេទប្រុសនេះ មាន អាយុប្រហែល៣៧ឆ្នាំ ដល់៤៥ឆ្នាំ ស្លាកខោខ្លី ដោះអាវ រំកម្រាលពួក មានស្នាមមុតត្រង់លើដោះទាំងសងខាង នឹងមានស្លាកស្នាមមួយចំនួនទៀត រីឯដៃជាប់ខ្នោះព័ទ្ធទៅក្រោយ។
សមត្ថកិច្ច បានឲ្យដឹងទៀតថា ករណីនេះ កម្លាំងជំនាញកំពុងធ្វើការស្រាវជ្រាវបន្ត ដើម្បីឈានទៅកំណត់អត្តសញ្ញាណជនរងគ្រោះ និងស្វែងរកជនសង្ស័យដែលពាក់ព័ន្ធករណីមនុស្សឃាតនេះ៕
អត្ថបទ៖ ស៊ុយ ចាន់ធា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង