សន្តិសុខសង្គម

បុរសម្នាក់ ត្រូវឃាតកដាក់ខ្នោះដៃទៅក្រោយ ហើយចាក់សម្លាប់រួចយកទៅកប់ដីចោល

បានផុស

២ years មុន

នៅ

ថ្ងៃសៅរ៍ ២២ មករា ២០២២

ដោយ

សាកសពបុរសម្នាក់ ត្រូវបានប្រជាពលរដ្ឋប្រទះឃើញកប់ក្នុងដី ដោយមិនដឹងមូលហេតុ។ ករណីនេះបានកើតមានឡើងនៅម៉ោងប្រមាណ ៩ ព្រឹកកាលពីថ្ងៃទី ២១ ខែមករា ឆ្នាំ ២០២១ ស្ថិតនៅខាងក្រោយតំបន់ឆាយណាថោន ក្នុងភូមិសាស្ត្រក្រុម ៨ ភូមិ ៦ សង្កាត់លេខ ៤ ក្រុង/ខេត្តព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាកសពបន្ទាប់ពីក្រុមសមត្ថកិច្ចជំនាញជីកគាស់ចេញពីក្នុងដី សពមានសភាពស្អុយហើមរលួយមើលមុខលែងស្គាល់។ សកម្មភាពចុះស្រាវជ្រាវរុករកវត្ថុតាងករណីមនុស្សឃាតនេះ ដឹកនាំនិងមានការសម្របសម្រួលនីតិវិធីដោយលោក ពេញ ពិសិដ្ឋ ព្រះរាជអាជ្ញារង បានចុះធ្វើការត្រួតពិនិត្យទីតាំងកន្លែងកើតហេតុ។ សមត្ថកិច្ចបានឲ្យដឹងថា យោងតាមការពិនិត្យនិងធ្វើកោសល្យវិច័យរបស់ក្រុមសមត្ថកិច្ចជំនាញនៃស្នងការដ្ឋាននគរបាលខេត្តព្រះសីហនុ បានសន្និដ្ឋានជាជំហានដំបូងថា សាកសពភេទប្រុសនេះ មាន អាយុប្រហែល៣៧ឆ្នាំ ដល់៤៥ឆ្នាំ ស្លាកខោខ្លី ដោះអាវ រំកម្រាលពួក មានស្នាមមុតត្រង់លើដោះទាំងសងខាង នឹងមានស្លាកស្នាមមួយចំនួនទៀត រីឯដៃជាប់ខ្នោះព័ទ្ធទៅក្រោយ។

សមត្ថកិច្ច បានឲ្យដឹងទៀតថា ករណីនេះ កម្លាំងជំនាញកំពុងធ្វើការស្រាវជ្រាវបន្ត ដើម្បីឈានទៅកំណត់អត្តសញ្ញាណជនរងគ្រោះ និងស្វែងរកជនសង្ស័យដែលពាក់ព័ន្ធករណីមនុស្សឃាតនេះ៕

អត្ថបទ៖ ស៊ុយ ចាន់ធា

Related Topics:ករណីឃាតកម្ម