សន្តិសុខសង្គម

ជនសង្ស័យ២នាក់ លួចបើកទ្វាររថយន្តយកទូរសព្ទដៃ 12pro max បានសម្រេច

បានផុស

៤ years មុន

នៅ

ថ្ងៃអង្គារ ២៥ មករា ២០២២

ដោយ

ភ្នំពេញ ៖ ជនសង្ស័យ២នាក់ លួចបើកទ្វាររថយន្តយកទូរសព្ទដៃ 12pro max បានសម្រេច ត្រូវប្តីប្រពន្ធពីរនាក់ជិះម៉ូតូប្រដេញ ពីក្រោយ កាលពីវេលាម៉ោង១និង១៥នាទីរសៀល ថ្ងៃទី២៥ ខែមករា ឆ្នាំ២០២២ តាំងពីផ្លូវហាណូយ សង្កាត់ភ្នំពេញថ្មី ខណ្ឌសែនសុខ រហូតដល់មហាវិថីចោមចៅ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ផ្អើលទាំងកម្លាំងសមត្ថកិច្ចខណ្ឌពោធិ៍សែនជ័យជួយដេញ តែមិនទាន់ បាត់ដាន បាត់ស្រមោល ត្រង់ចំណុចខាងក្រោយសាលារៀនគោកបញ្ជាន់ ភូមិថ្មគោល៣ សង្កាត់ចោមចៅទី២ បាត់ស្រមោលឈឹង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសម្តីជនរងគ្រោះបានឲ្យដឹងថា មុនកើតហេតុ ជនរងគ្រោះ ជាប្តីជិះរថយន្ត ចំណែកប្រពន្ធជិះម៉ូតូផ្សេង ទៅឈប់រកទិញឥវ៉ាន់ នៅផ្លូវហាណូយ សង្កាត់ភ្នំពេញថ្មី ខណ្ឌសែនសុខ ខណៈដែលចុះចេញពីរថយន្ត ស្រាប់តែមានជនសង្ស័យគ្នា២នាក់ ជិះម៉ូតូម៉ាកនិច ពណ៌ស លាយលឿង មួយគ្រឿង ទៅធ្វើសកម្មភាពបើកទ្វាររថយន្ត លួចយកទូរសព្ទដៃ ម៉ាក iPhone 12 Pro Max មួយគ្រឿងបានសម្រេចហើយ ជិះរត់គេច ភ្លាមៗ ទាញម៉ូតូរបស់ប្រពន្ធជិះប្រដេញតាម រហូតដល់មហាវិថីចោមចៅ មុខផ្សារកាណាស៊ីធី ភូមិចោមចៅ២ សង្កាត់ចោមចៅទី២ ខណ្ឌពោធិ៍សែនជ័យ ផ្អើលទាំងកម្លាំងសមត្ថកិច្ចខណ្ឌពោធិ៍សែនជ័យ ជួយដេញតាម តែជនសង្ស័យបើករត់គេចចូល ខាងក្រោយសាលារៀនគោកបញ្ជាន់ ភូមិថ្មគោល៣ សង្កាត់ចោមចៅទី២ ស្រាប់បាត់ស្រមោល បាត់ដាន ជនសង្ស័យ។